مواصفات GX 2004 لو سمحتوا؟

المتنبئ @user_7355 · 30-10-2003

السلام عليكم ومبروك عليكم الشهر وكل عام وانتم بخير .....

حبيت اسألكم كل من عنده خبره او خبر عن الجي اكس الخليجي GX يعني مو جي اكس ار بالذات في قطر ..

هل يوجد به ABS و CD وثلاجه ؟؟؟ هذي الاشياء الثلاثه ياريت احد يعطيني خبر عنها باقرب وقت ..

ولكم جزيل الشكر ..

المتنبئ @user_7355 صاحب الموضوع · 02-11-2003

كفيت ووفيت والله يعطيك العافية وان شاء الله اذا كتب الله لنا روحة للدوحة(حلوه) ابمر عليك نتقهوا وتفرجني على الديره ونشوف المواتر واكرر شكري العميق على تواصلك وتجاوبك ياالنشمي ...

والله يحفظك وجميع المسلمين.

إنتعاش @user_2341 · 01-11-2003

. . . . . . اخوي انا سألت الوكاله وللأسف قالوا لي أن الـGX ما يجي فيه ABS ولا يجي فيه سي دي ... فقط الثلاجه ....

. . . . وسعر الجي اكس عندنا فول ابشن (( فتحه + مكيفين + ثلاجه - جير عادي )) 130 الف ريال كاش . . . . .

. . .. . هاذي المعلومات جاتك طااااااااااااااااااااازه

.. . مع اعتذاري الشديد اخوي ان مالقيت لك المواصفات اللي تبيها ... ولو اني وكيل تويوتا كان طلبتها لك طلبيه ومن عيوني

المتنبئ @user_7355 صاحب الموضوع · 01-11-2003

اخوي انتعاش هذا من طيبك .. واشكرك على الردود واللي حبيت اسال عنه هي الثلاجة والسيدي وال ABS في الجي اكس .. والشكر موصول الى المنصورري2004 والله ما ادري اذا فيه جي اكس بدون آر في الامارات ياليت تجيب خبره وشاكر للجميع من القلب ومنتظر الرد لاهنتوا.....

المنصوري2004 @user_8503 · 31-10-2003

السلام عليكم

الجي اكس ار في الامارات يجي كامل المواصفات
وهي الفتحه السقف والثلاجة وسي دي ودف لوك الدفرنش +المواصفات الخارجيه
الجنوط المنيوم17 الهوائي الخلفي+الحساسات خلفيه+اماميه+الخط الجانبي
+2 ارباق
هذي المواصفات موجود 2004

إنتعاش @user_2341 · 31-10-2003

هلا فيك اخوي العزيز . . . . بالعكس ياغالي انا اللي لي الشرف بالتعرف عليكم ياهل المملكة .... وانت تآمر وحنا نطامر وانا اخوك . . .

. . . . وابشر من عيوني اتصل على الوكيل واشوف لك اللي تبي

. . . راح اسأله طبعا عن توافر (( الـABS + سي دي )) حسب ما فهمته منك . . .

. . . واذا فيه استفسارات ثانيه عطنياها عشان اشوفها لك ...

. . . وهاذي تكملة للصور للجي اكس ... عشان تكون على علم اكثر واكثر

. . .

ابو الجنوط @user_2618 · 31-10-2003

ما قصر اخونا انتعاش

المتنبئ @user_7355 صاحب الموضوع · 31-10-2003

الله يعطيك العافية اخوي انتعاش ومدام انت من اهل قطر نتشرف بمعرفتك ياخوي ومعرفة اهل قطر الطيبين ...
لكن ودي اكلف عليك شوي لو حاولت الاتصال على الوكيل من عندكم واخذت لي الخبر الاكيد منه الله لايهينك وعلى مهلك انا في انتظارك أو اي واحد من الاخوان عنده المعلومات .. وشكرا للجميع .

إنتعاش @user_2341 · 31-10-2003

وعليكم السلام ورحمة الله وبركاته .... ياهلا وغلا فيك اخوي المتنبئ وكل عام وانت بخير وعافيه

. . . . . . انت تسأل عن الجي اكس ... مو جي اكس آر ... جي اكس فقط

. . . . وانا اخوك من قطر . . . .

. . . . . اللي اعرفه انه يجي فيه ثلاجه لكن بالنسبة للسي دي + ABS ماعندي فكره

.. . . الـABS اعتقد انه موجود ان ماخاب ظني ...

. . . .. اما السي دي طبعا مو موجود الا بالطلب ... يعني يفرق 2000 ريال

. .. . . . وهاذي صور طال عمرك وافيه للجي اكس القطري ....

.. الجي إكس (( يجي فتحه + مكيفين + اوتوماتيك )) او غيره من المواصفات

..... التجديدات الملاحظه عليه هي الخطوط + الشبك الأمامي

...... السعر النهائي للفول أوبشن :: (( فتحه، اوتوماتيك، مكيفين)) تقريبا 135 الف ريال قطري