ساعدوني الله يجعل والديكم في الجنه تفتفه بالكامري

[السهران11]

السلام عليكم ورحمة الله وبركاته

اخواني عندي مشكلة بسيارتي الكامري 2011 4 سلندر وهي

كان كل شي تمام التمام والمكينه صافيه ولا فيها أي لخبطة صار فيها ضعف في التشغيل وكشفت على السيارة حصلتها تحتاج بطارية جديدة ورحت شريت جديدة نفس القديمة وركبتها شغلت السيارة التشغل تمام التمام لاكن المكينه مو صافيه ترجف وقريب تطفى ومرات تطفى لي يومين على هالحال مدري وش صابها تكفون الي مرت عليه المشكله هاذي وصلحها يفيدني او احد عندة خبرة يفزع لي الله يجعل والديكم الجنة

شكرا لكم

[formula one]

وعليكم السلام ورحمة الله وبركاته
حياك الله اخي الكريم
بعض السيارات حينما يتم تغيير البطارية يحصل لخبطة في برمجة الثروتل بدي والسرعة الخاملة للمحرك , افحص السيارة بالكمبيوتر واطلب من الفني ان يعيد البرمجة , البعض يسمي هذه العملية ترسيت للكمبيوتر .
للفائدة : ادخل على الربط التالي :
https://www.assayyarat.com/forums/t278571.html

https://www.assayyarat.com/forums/t287195.html
بالتوفيق

[السهران11]

مشكوووور لك اخوي الحمدلله تم اصلاح المشكله بعد البحث بالانرنت حصلت شرح لعضو في المنتدى جزاه الله واياكم كل خير لعمليه الترسيت وطبقتها والحمدلله ضبطت الطريقه كالاتي

1لف المفتاح لين تولع الاشارات الي بالطبلون
2 افتح كبوت السيارة وافصل السالب وطلع المفتاح وانتظر لمده عشر دقايق وبعدها ركب السالب ولف المفتاح لين تولع اشارات الطبلون اتركها 15 ثانيه وشغل

العذر والسموحه من سوء التعبير

ومشكور لكم

[formula one]

حياك الله اخي الكريم
الحمد لله على اصلاح الخلل
جزيل الشكر والامتنان على الرد والتوضيح لعموم الفائدة
بارك الله فيك
تحياتي

[السهران11]

الله يحيك ويحفظك اخوي انا المشكور لكم على سرعه تجاوبكم الله يعطيك العافيه.. وبالتوفيق