السلام عليكم ..
عندي اوبتيما 2014 وانا اعاني من ناحية صوت او حنة بعد التعشيق من الرابع الى الخامس ، طبعاً شفت موضوع الاخ معاذ العنزي على هذا الرابط
https://m.assayyarat.com/forums/t299791.html
الرجل عنده نفس مشكلتي من ناحية الصوت..
ولكن عندي المشكلة متطورة شوي على مشي الركادة بحيث لما افك دعسة البنزين وارجع ادعس مره ثانيه تنقز السيارة بس نقزة خفيفه وامبير الRBM ينزل ويرتفع .. وللاسف وديتها لاكثر من فرع صيانة للجبر وجربوها المهندسين وماعرفوا ايش المشكلة بالظبط.
يقولون السيارة كويسة مافيها شي !
طبعاً اشتكيت لوزارة التجارة ونزلت وطلعت وسعيت بالموضوع بس للاسف بالاخير طلعت من المورد بلا حمص.. اخر الحلول نضفوا لي بوابة المكينة وغيروا البواجي وبرمجوا لي السيارة.
و المشكلة بدأت معي من 3000 يعني السيارة لسى ما مشت ومستمرة الى الان لها سنة وشوي..
قلبت في النت قلت لعل وعسى نلاقي حلول ولقيت شروحات مفصلة عن مشاكل القيربوكس .. وبعد البحث توصلت الى ان المشكلة تقريبا في موزع العزم او ( البطيخة ) داخل القيربوكس ..
عموماً اللي عنده خلفية عن هذه المشكلة او يعرف مهندس ممكن يساعدني ولو بالقليل ياليت يساعدني واكون له شاكر وممنون ، السيارة جديده وكرهتها والله بسبب هذه المشكلة.