السلام عليكم ورحمة الله وبركاته

الأخوة أعضاء منتدى السيارات
تحية طيبة


يا اخوان فيه أحد يخبر ورشة تصلح القير في الرياض ويكون لهم خبرة في الكوري ويكون شغلهم مضمون
هذي المرة الثانية الي يخرب علي خلال 8 شهور ونفس الخراب
القير ما يلقم بالأول والثاني وإذا لقم يطلع صوت جرش وصلحته أول مرة وكلفني 1800 ريال
غير لي هلالات القير وقطع ثانية ما تحضرني الآن وبدون ضمان بعد .
وما أخفيكم أول مرة أنا شديت على السيارة وحصل ما حصل .

السيارة : سوناتا
الموديل : 2013
ناقل الحركة : يدوي
عدد النمر : 6 نمر

* ملاحظة : القير بشكل عام كان فيه قساوة قبل أول تصليح في تغيير النمر وأحيان ما يلقم بالأول حتى احطه بالثالث وبعدين أرجعه .