السلام عليكم،
ابغي اشتري سيارة و محتار بين ماكسيما. 2016 فل اوبشن او كيا كادينزا 2017 فل اوبشن واي سيارة افضل من ناحية السلامة و الصيانة و يعتمد عليها وتكون عملية.
محتاج رايكم و مشورتكم.
شكراً
السلام عليكم،
ابغي اشتري سيارة و محتار بين ماكسيما. 2016 فل اوبشن او كيا كادينزا 2017 فل اوبشن واي سيارة افضل من ناحية السلامة و الصيانة و يعتمد عليها وتكون عملية.
محتاج رايكم و مشورتكم.
شكراً
حياك عزيزي.
الاختيار صعب بين السيارتين الكادينزا شكل جديد وكذلك الماكسيما والسيارتين ماشاء الله,
بس لو كنت مكانك راح اتجه للماكسيما.
كلامي لا يعنى ان الكادينزا سيئة لا الكادينزا ايضا ممتاز المسالة مسالة ذوق شوف السياراتين وجربهم.
واختار.
من ناحية الوكيل فالاثنين متشابهين.
كلهن مافيهن عيوب بس اللهم طيحة السعر وعدم توفر القطع بس ولا كل ماطلبته موجود فيهن
اثنين حلوين وانتقائك موفق بإذن الله ، ومن وجهة نظري إن الاثنين متساوين في العملانية والأمان ومستوى الجودة والمميزات والفرق بينهم :
1- ماكسيما : تجهيزها رياضي ولمحبين الإثارة والمتعة في القيادة .
2- كادينزا : تجهيزها يميل للهدوء والأناقة والرفاهية .
ميولك يحدد اختيارك والله يطرح البركة في مشتراك ..
اخواني bo 3low،سكايبر وLOAIII. مشكورين و جزاكم الله خير على ردودكم افادتني جدا.
بالنسبة للماكسما انا متردد لان نادر ما اشوفها و للكادينزا سمعت انها تشرب بانزين و هذا سبب ترددي.
شكرا لكم
الماكسيما نادر تشوفها لأن الناس متخوفين من وكيلها وتوفر قطع الغيار ، الحين عندك وكيلين تختار اللي تبغى .
وبالنسبة للكادينزا أتوقع طبيعي تصرف لأنها 6 سلندر ولا تتخيل إنها الوحيدة اللي تصرف ، واستهلاك البنزين إجمالاً ما يحكمها غير رجلك ، سيارتي 4 سلندر ويوم أشد عليها في المشاوير تمشيني حول 450 كيلو ، لكن إذا سواقتي رايقة وخفيفة تمشيني 650 كيلو بالراحة وفي حالات نادره توصل 700 كيلو لاحظ الفرق تقريباً آكثر من 200 كيلو .
+1
السيارتين عينين في رأس وطبيعي تحتار بينهم
الكادينزا يغلب عليها طابع الشكل الرسمي والماكسيما طابع رياضي
بخصوص الوكلاء كل واحد مستواه ماهو بذاك المستوى لكن وكيل كيا
الشكاوي عليه كثير وكثير من يقول هو سبب قتل العلامه عندنا في المملكه
الماكسيما البعض مايتجه لها بسبب القير CVT وإذا ماعندك إشكاليه معه وقيادتك
هاديه فهو مناسب لك جدا وهو السبب في قلة أستهلاك الوقود بالماكسيما .
الماكسيما بتصنيف جيد لأستهلاك الوقود
والكادينزا سيء جدا .