السلام عليكم ورحمة الله وبركاته
عندي مشكله بموية الرديتر تنقص من القربه اكسبلورر 2010 ماشي 100 الف فقط
الرديتر دايما مليان ولله الحمد بس القربه تنقص كل اسبوع او اسبوعين علبه او نص علبه مويه مقطره
الاحظ ان المشي داخل المدينه ما يأثر بس اذا شديت الموتر بجبال او رحت مكان تهرب المويه
غيرت رديتر لان كان فيه فقع فوق ما يتصلح وغيرته وكاله مع غطاء وبلف حراره
جلست السياره اسبوعين تمام والله اعلم
امس قلت خلني افك الكبوت اشيك وفكيته لقيته ناقصه القربه كثير
هل فيه طريقة اشيك على طرمبة الماء لان مافيه حراره بالموتر ولله الحمد والتهريب خفيف وما فيه اصوات
واحد قال ممكن يدخل مع الزيت فتحت غطا الزيت الحمد لله نظيف ولا فيه قطرات والزيت مضبوط مو مرتفع
مابغى يجلسون يضحكون عليه بالصناعيه غير وغير
