السلام عليكم ورحمة الله..
لا ادري اذا كان هنا القسم المناسب لاضع موضوعي ولكن الغرض الوصول لاكبر قدر ممكن من ملاك هذي السيارة
أمتلك سيارة ماليبو ال تي زد 4 سلندر الفاخرة وللاسف كل اربع شهور لازم اروح الوكالة بداية بصوت صريخ جهة المروحة مع كل تشغيل للسيارة وتغيير الكومبريسر مروراً بالبطارية اللي تتغير مرتين في السنة واللي الجميع يعاني من هالمشكلة وعذرهم بطاريات اي سي ديلكو سيئاة ، والتفتفة المتكررة اللي مالقو لها حل الا بعد ماغيروا الكمبيوتر والسينسر وتغيير كراسي المكينة واصوات الديكور والابواب مع المطبات ولكم ان تتخيلوا سيارة مالها 3 سنوات دخلت الورشة على الاقل 15 مره تصليح مع العلم ان اني اسوي كل السيرفس في الوكالة من 10,000 كلم الى مابعد نهاية الضمان وحتى تغيير الفحمات مسويها في الوكالة ، والله ياجماعة صرت اخجل من نظرة وشماتة الناس اللي حولي وهم دايم ينصحوني اقدم شكوى لوزارة التجارة ولكن حسن النية والتكاسل غلب علي .
مشكلة القير
طق القير في سيارتي الماليبو قبل نهاية الضمان بشهر ونص وتم عمل توضيب القير على حسابهم وبعد كم شهر رجعت مشكلة القير من جديد وبعد البحث والتقصي اكتشفت ان كثيرين صار لهم نفس المشكلة يعني المسألة فنية وتقنية من الصانع ومن احد اسباب المشكلة الرئيسية اصرارهم على عدم تغيير زيت القير حتى لو بعد 100,000 كلم . والادهى والامر واللي سمعته انه فيه تعميم من الصانع انه يسمح بتغيير الزيت يعني بعد خراب مالطه جو يبون يرقعون طيب والمساكين اللي ماخذين هالتعيسة بالاقساط ب 120 و 130 الف في شي مالهم ذنب فيها واللي دفع قيمة التوضيب من جيبه 15 الف او اكثر.
اتمنى يا اخوان انن نتوحد جميع ونرفع شكوى لوزاره التجارة وناخذ حقنا منهم بالنظام والقانون لان كل ما كان عدد المشتكين كثر كل ما التأثير اكبر