حلمي اشوف سيارات تويوتا بشد بلادها وبمواصفات ممتازة
اطالعه من ناحية توفير قطع الغيار ومراكز الصيانة اشيد به
واطالعه من جهة التلفيق وشح المواصفات واهوّن !
فهلاّ وكيلاً صاحياً في اسواقنا ؟
احتكااااااار رسمي بكل معنى الكلمة
ذي سلمك الله لكونت لك شريحة كبيرة زبائن لك ويشوفونك الافضل مهما تخدعهم يحقك تسوي مثل ابو جميل ورخيصة الكوررلا مقارنة بشطحة المجدوعي في الالنترا وبعدين منو الخبل الي يشتري ذي وما ياخذ الفل 2.0
وزين ابوجميل حطلك شحن لاسلكي وشاشه و ليد كامل وحساسات وشوي تلفيق من يمين ويسار وباعها بنفس سعر كورولا الامريكية سبورت عبقرية هندسية وتسويقيه وعندك زبائن يشترون وهم مايشوفون الدرب مثلي ومثل كومبو :bigggrin:
ابد ارباح دبل ذا تويوتا ما تعرفها شيك بالجيب وكورولا سبورت يكفي تفتفتها وصوت التيربو الوهمي :bigggrin: هههه لو يسلموني الوكالة اخي الكل يشتري شيك بالجيب
ابوجمول يعرف كيف يغريك ,, ييقولك تبي سياره علقد راتبك وعملية وتصلحها بكل مكان وتبيعها بدون خساره كبيره ,,, بالله ماتبي الناس تشتري وماتشوف الدرب ان اخذنا بعين الاعتبار ان الواحد يبي سيارة تمشي حاله
السفيك نفس الشيء الفئة الرياضيه بنفس المكينه ويوصل سعرها مية الف ريال
ماشفنا احد تكلم عنها
وهي مقاعد مخمل وهو الأفضل بلا منازع في اجوائنا الحاره
ياخوان الجلد للمناطق الباردة والله انكم فاهمين غلط واستخدامها مضر لصحة الإنسان بالاجواء الحارة
ومقاعد مخملية بلون ابيض ورمادي جميل ومتناسق جداً مثل السفيك لونين
من مصلحة المستهلك ان تكون المنتجات مختلفة وكثيرة
والي ماتشتريه انت يشتريه غيرك
والي تشتريه انت مو ضروري الناس تشتريه
انتم بالمنتدى عندكم عقده من عبداللطيف جميل لاحظتها مدري هو حسد ولاوشهو
على اي شي تنتقدونه وفيه محاولات كثيرة عليه وتدقيق
وهذا يعطي للعقلاء اشارة ان هناك حرب وكلاء على بعضهم عن طريق مناديب المبيعات
وفيه من يركب الموجه ويحاول يلقى اي شي عشان يتنقد
مع ان عبداللطيف جميل احسن وكيل ويجيب احسن السيارات
وله فعلاً ماأخذ على سياراته لكن مو لهالدرجة توصل بأننا يوميا القى مواضيع تذم فيه
مع اني ماشوف على وكلاء السيارات الأمريكيه انتقادات وعلى السيارات الكورية وعلى نيسان
والله فعلا شي عجيب ويدعو للإستغراب
عموما عبداللطيف اثبت انه ناجح في اساليبه التسويقيه
واذ1ا كانت الكورولا فعلا مثل مايقول صاحب الموضوع انها ملفقة بمصنع بجدة
فوش المشكلة ؟ تكون السياره بلمسة وطنية ؟
اذا عندك مشكله فهذا يسمى حب جلد الذات
تويوتا لها مصانع بكل مكان
فمثلا امريكا
ماشفنا امريكي قال ليه ماتجينا السيارات من مصانع تويوتا باليابان
وتايلند عندهم مصنع
ماشفنا التايلندي قال ليه ماتجينا سيارات تويوتا من اليابان
وماشفنا الاندويسي والاسترالي وغيرهم يقول ليه ماتجينا وهذه ملفقه ومدري ايش
المشكله اني بديت اصدق ان حنا نساعد الهوامير اصحاب الوكالات باستمرار جشعهم
وعدم محاولتهم تطوير وكالاتهم بجلب مصانع لشركاتهم في بلدنا وتنميتها
لان بامثالكم تعتبر البيئة محطمه جداً
وتأتي التقارير للدوله بأن الخطوة هذه بجلب المصانع غير ضروريه وتطلع دراسة جدواها بأنها غير مجدية
لان المستهلك هنا على قناعه تامه بأن اي شي يتم صناعته بايادي وطنيه ليس مثل الصناعه الخارجيه
وبكذا انتم تخدمون التجار الجشعين ويستمرون الوكلاء على نفس منوالهم
اولا ياخوي ياكثر الي تكلمت بسعر السيفيك المبالغ به جدا جدا ولعلمك مابيعت ولا حتى 10 حبات من 2016 هذه نقطة والثانيه هي موضوع الخرب على ابو جميل مو بس فهذا المنتدى
ياكثر الب بشتكون من ابوجميل وخذلك من التهزيئئء حتى ان بعضهم صار يقوله " ابوقبيح"
وثالثا جلد للذات ام لا ياخوي خلنا واقعيين الصناعه الوطنية > ماتنفع بريالين , صحيح مكيفات تويوتا
تصنع بالرياض جودتها عاليه وثلج لكن قارنها بالياببانية صح الي هي مكيفات نيسان ,, وشف الفرق
على فكره هذا المحرك الصغير 1.6 او 1600CC و فوق كذا القير CVT ب 6 او 7 سرعات تجي بمحرك نفاث 2.0 اعتقد بس السعر شاطح
يارجل XLI المطور ب 66 الف ولا فيها اي شي من المواصفات غير النوافذ و القير كهرباء حتى الجنط 15 انش
وويييييييين بس وقفت علكهرب و15 انش ,لو انه يقدر كان قلبها هندل ومسجل كاسيت
