في وكالة البحرين
الوكيل السعودي الى الان ما فتح لكنه على الاتفاقيات الاخيرة وبيفتح قريب ان شاء الله
السيارة بالبحرين تجي بفئتين
Momentum (٢٣٠ الف ريال )
In******ion (٢٥٠ الف ريال)
طبعا السيارتين نفس المواصفات بس الاختلاف الجنط اكبر ٢٠ انش واختلافات شكلية ومفتاح جلد بالاخيرة
طبعا وكيل البحرين ما جاب مواصفات عالية عشان ما يرفع السعر خلاها للي يبي مواصفات اكثر انه يطلبها طلبية بمواصفاته الخاصة
طبعاً شركة زي فولفو معروفة بالسلامة واذا كنت بتكلم عن سقد ايش السيارة آمنة ما راح نخلص من ايرباقات وهيكل قوي جدا ورادارات
بس باختصار السيارة فيها نظام السيتي سيفتي بحيث يوقفك وقوف تام اذا كنت بتصدم بسرعات اقل من ٥٠ كيلو ويفرمل ويقلل قوة الاصتدام بسرعات اكثر
وفيها نظام جديد بحيث اذا كنت بتلف يسار على تقاطع او يوتيرن مثلا ولفيت وفيه سيارة بالجهة المقابلة بتصدمك السيارة راح توقف نفسها وتمنع الحادث
يعني فولفو خلاص وصلوا مرحلة انهم قفلوا على الحماية بالاصتدام ووصلوا مرحلة انهم ما يخلونك تسوي حادث من الاساس وكل هذا اتباع لرؤية فولفو ٢٠٢٠ انه ما يكون فيه اي وفيات او اصابات خطيرة لا سمح الله في الحوادث
المهم
السيارتين فيها
نقطة عمياء
خروج عن المسار
كاميرا خلفية
حساسات امامية خلفية مع وقوف ذاتي
سقف بانوراما
نافيجيشن
انوار LED متكيفة
دخول بدون مفتاح (بصمة)
هذي ابرز الموصفات اللي في بالي حاليا
الموصفات اللي تقدر تضيفها
سماعات B&W ١٤٠٠ واط محيطيه
تعليق هوائي مع التحكم بالارتفاع
HUD بروجيكتر
جلد نابا مع تبريد وتسخين
مثبت سرعة متكيف مع تقريبا قيادة ذاتية تقريباً:bigggrin:
٤ كاميرات محيطية ٣٦٠ درجة
السيار بكامل المواصفات يكون سعرها ٣١٠ الاف ريال
يكفي كلام عن السيارة خن نبدأ بالتجربة ورأيي :
السيارة تصميمها الخارجي جدا جميل وراحت ايام سيارات فولفو القبيحة والمملة
هذا تصميم عصري وجديد وما تعودنا على فولفو بالهتصاميم الجميلة
والتصميم الداخلي بعد ما تركب السيارة بمقعد السائق وتستوعب قد ايش كراسي السيارة مريحة جدًا زي عادة فولفو يكون تصميم فخم وجميل ومواد السيارة الطبيعية والجميلة وبالكاد الى عدم وجود وجود اي مواد بلاسيتك وبلاسيتك رخيص يعني حتى ارضيات السيارة والمنطقة السفلية للكونسول الوسيطي حاطي بقماش ناعم وجميل افضل من اي بلاستيك
الفرامل قوية ومناسبة ونفس احساس سيارات فولفو الثانية
تصميم السيارة الداخلي كمجمل جميل وتحيطك مواد طبيعية لو تختار اضافة الجلد الزائد اللي يكون في اعلى الطبلون جلد بدال المادة اللي حتطينها مدري وش هي صراحة بس شكلها مو بلاستيك،راح يكون شكل السيارة الداخلي خيالي
التكييف للسيارة قوي ومناسب وبارد لأجوائنا الرومانسية
والحمدالله فولفو تعلموا وحسنوا التكييف الخلفي عكس سيارات فولفو الاوله بحيث كان التكييف الامامي بارد وقوي بالخلفي ضعيف جدا الى شبه معدوم
والسيارة فيها اربع فتحات خلفية ٢ بالوسط ٢ بالجوانب
وفيه فتحتين بالسيت الثالث
بالنسبة لأي مالك فولفو قيادة السيارة مألوف ومش غريب ونفس مركب ونعومة وسلاسة قيادة السيارات الأخرى من فولفو
تعليق السيارة العادي ناعم ومريح والتعليق الهوائي افضل واريح ما جربته بس التعليق الهوائي افضل من العادي بعد
عزل الصوت ممتازة وصوت الهواء خفيف جدًا صوت الكفرات متوسط الى شبه عالي
والمساحة الخلفية ممتازة حتى لطوال القامة ما راح يواجهوا مشاكل
وبصراحة تشوفون فيه نقد لسلبيات قليل لأنه السيارة سلبياتها قليلة وصعبة تلاقيها
اكيد بعد استخدام لمدة تطلع فيه اشياء بس بالنسبة لاول قيادة وتجربة سريعة بالكاد كان فيها عيوب
محركها ٤ سلندر٣٢٠ حصان تيربو +سوبر تشارجر
ايه نعم قريت صح تيربو مع سوبر تشارجر
السوبر تشارجر يشتغل من البداية لحد ٣٥٠٠ دورة وبعدها يمسك التيربو الشغل
وكذا فولفو حلت مشكلة التيربو لاق وحلت مشكلة حمل السوبر السوبر تشارجر
.
.
.
ولما تركب السيارة وتسوقها تكتشف كل شوي انها سيارة ممتازة جدًا وافضل من منافسيها بالسعر والمواصفات
المافسين:
BMW X5
Mercedes GLE 400
Audi Q7
اقوى منافس لها اشوفه الاودي بحيث تحوي موصفات نفس الفولفو وتكنلوجيا نفس الفولفو بعض الاشياء الزيادة مثل الفور ويل ستير
بس اللي يميز الفولفو ان سعرها ارخص من الاودي وبعض الاحيان بفرق كبير الاودي تبدأ من ٢٥٠ الف لمحرك الاربعة سلندر تيربو ب ٢٥٠ حصان (الفولفو ٣٢٠ حصان:a1120(86): )الى ٣٣٠ الف بالوكالة الفل بمحرك الستة سلندر ٣٣٣ حصان
بس يضلن هذي الجيبين منافسين قويين لبعض وهم افضل سيارتين بهذا الحجم والفئة
والى ان اجرب الاودي ما راح اقول مين افضل
كمجمل :
السيارة من افضل ان ما كانت افضل جيب عائلي هذي الفئة والسعر ،السيارة ناعمة مريحة والمواد المستخدمة جودتها عالية وفخمة وطبيعية وقوتها ممتازة لفئتها ومواصفاتها تناسب سعرها اشوف والسيارة عليها ٣ سنوات ضمان مصنع وسنتين ضمان ممدد من وكيل البحرين مع بكج صيانة ٥ سنوات بقيمة ٦٥٠٠ ريال او بكج الصيانة لمدة ٣ سنوات قيمته ٣٥٠٠ ريال
وأي سؤال او استفسار انا حاضر ان شاء الله يكون عجبكم التقرير البسيط.
:bigggrin::xyxthumbs:
اضافة بسيطة:
برأيي السيارة جميلة وقوية وموصفاتها ممتازة وتنافس بشراسة الألمان
لكن اللي ممكن يسبب فشلها في السعودية هو الوكيل القادم وفولفو
الوكيل القادم رسالتي له لازم يقدم خدمة ممتازة ويعامل الزباين بالصيانة لاحترام والانجاز وتوفر القطع نفس الوكيل السابق الشركة الاولى للسيارات
وفولفو لازم يدعموا السوق ويرخصوا قطع الغيار ويرخصوا سعر اليد العاملة يعني تخيل اروح اسوي صيانة وتكون القطع ب ١١١ ريال واجور اليد العاملة بحدود ٩٥٠!!!!
لو وفرت فولفو بيئة وبنية ممتازة للإكس سي ٩٠ انا اشوف انها راح تنجح وتفجر السوق السعودي خصوصا انه سوق جيوب وسيارات سبع اسيات.
