انقطاع السير و ارتفاع الحرارة - كورلا 2009

اسباب ظهور لمبة البطارية


اولا لازم لمبة البطارية تظهر وقت تكون السيارة شغالة سواءا واقفة ام ماشية


لان ظهورها اثناء السيارة شغالة يدل على ان الدينمو لا يشحن البطارية


من اسباب ظهورها


1 : الدينمو لا يشحن اما خلل بالدينمو


2 : خلل او ارتخاء في سير المكينة فما يخلي الدينمو يدور بالشكل المطلوب او خلل بالرمان الرابط للسير


3 : خلل بالبطارية يعني بطارية تعبانة او اصابع البطارية متكلسة او مساكات الاصابع مرتخية لازم تشدها او تغيرها قيمتها 10 ريالات


و اذا البطارية تعبانة انصحك بتغيرها


اذا البطارية صار لها عند سنة غيرها




بخصوص لمبة المكينة هذه ضروري جدا انك تفحص السيارة عن طريق الكمبيوتر و رح تظهر لك كودات خطا


قم بتسجيلها و ضعها هنا


الكود يكون مثلا مثل هذا الشكل P0506


ضروري تفحص كمبيوتر


لاني اخشى ان الموضوع قد تعدى مرحلة السير و ربما حدث شي مخفي للمكينة او احد الحساسات المهمة و هو ما سبب ظهور اللمبة المكينة

أخوي لازم تكون اصابع البطارية نظيفه وخاليه من التكلسات ومشدودة بشكل جيد وقبل كل هذا المفترض تكون الأصابع والبطارية سليمة من الأساس

شاكر لك اخوي القدير مجهوداتك الكبيره معي وعلى راسي من فوق يالغالي
+ قبل شوي حصلي موقف .
خلصت دوامي ورحت بشغل السياره ماهي راضيه تشتغل ابد ما تدق سيلف حاولت فيها حول 10 مرات ، مع اني اخذتها امس والمره الاولى ما اشتغلت معي الا من ثاني مره قلت يمكن زي امس بس اليوم ماهي راضيه تشتغل ابد
فتحت الكبوت جالس اناظر فيه بلا او فيه شيء ابد وعلامة البطارية والمكينه لسه موجوده ، المهم قلت انا سويت كل شيء بس باقي البطاريه للحين تطلع بس وانا ما شيكت عليها ، كانت فيه بقاله قريبه المهم رحت شريت بيبسي منها وصبيته على اصابع البطاريه كان عليها وصخ وش كثره ، وخليتها يمكن دقيقتين وشغلتها اشتغلت من اول مره على طول . ومشيت ما وقفت الا عند البيت مع العلم انها كانت تقطع علي كثير بس هذا كل شيء .

عليكم السلام ورحمة الله وبركاته

ماشاء الله أخبار طيبة وشكرا لك على الافادة الطيبة والتوضيح الكامل لحل المشكلة

- عموما بما أنه الدينمو كانت فيه مشكلة بحسب كلامك أنه محروق معناته والتفسير الصحيح أنه كانت البيرنقات "الرمان " فيه مشكلة وصوت ولكن أنت ممكن لم تنتبه له أو حدث الصوت بشكل مفاجئ أثناء السرعات العالية وبكذا أصبح هناك احتكاك مما أدى الى احتراق الدينمو وتعطله بالكامل وفي نفس الوقت أدى الى انقطاع سير المكينة

- اذا لمبة البطارية وفحص المكينة تشتغل وتستمر والعه في الطبلون حتى بعد تشغيل السيارة معناته لابد من عمل فحص للسيارة بالكمبيوتر وأيضا من المفترض بعد تركيب الدينمو الجديد أنه الكهربائي عمل تشييك وفحص بجهاز Battery Tester حتى يتأكد من سلامة وقوة شحن الدينمو ولاننسى أيضا اهمية بيرنج شداد سير المكينة bearing tensioner وهذا أيضا كان من المفترض التشييك عليه وقت تركيب السير الجديد

السلام عليكم ورحمة الله وبركاته ، اشكركم اخوتي على المساعده الطيبه واتمنى من الله ان يرزقكم ما تحبون .
غيرت السير والحراره رجعت على وضعها الطبيعي ولله الحمد .
ايضا طلعت الدينمو محروقه . وغيرتها ، وغيرت الزيت بعد .
انحلت مشكلة الحرارة .
بس هالايام تواجهني مشكلة يوم اجي اشغل السياره علامة البطاريه والمكينه تجيني .
ويوم اشغلها تفصل وترجع تفصل وترجع بعدين تشتغل .
للحين ما تعطلت علي ولا شيء ، بس يوم امشي فيها يتكرر معي هالشيء برضو تنتع على خفيف ، يعني تقطع كانها بتطفي بس خفيفه تجي .

متابع ..

و أرجو الإفادة بالمتسجدات

اخي ان شاء الله مشكلتك بسيطة


مع اني اعاتبك و بشدة


ما دامك عرفت السير انقطع ليه تمشي بالسيارة


مشيتك الثانية للسيارة لمن رحت للكهربائي مضرة جدا مضرة جدا


على العموم ان شاء الله تكون مشكلتك فقط سير


و تعلم في المرات القادمة و لا تستهين بسير المكينة


و اوصيك بضرورة تغير زيت المكينة لان زيت المكينة بعد ارتفاع الحرارة انعدم و ففد خواصه و وظيفته

ان شاء الله بسيطه مثل ماقالك اخوي بشير
غير السير وجرب السيارة
واذا شفتها طبيعيه حرارتها لاتسوي شي
ولاتسمع لكلام الورش
اذا تبي تتأثر وان شاء الله مايكون شي فقط الراس

لاحظ هذه الصورة أخوي الشئ اللي حصل نتيجة انقطاع السير





- عموما إن شاء الله ماحصل أي ضرر في المكينة وأكرر لك كلامي عليك بتركيب سير أصلي للمكينة وتعبئة ماء الراديتر بالشكل الصحيح وبعدها قمل بتشغيل السيارة ومافيه الا العافية إن شاء الله

واضح من الصور أنه هذي آثار انقطاع سير المكينة ولهذا ترى أنها أسلاك والا هي في الحقيقة عبارة عن سير متقطع الى عدة قطع أو سيور صغيرة

شاكر لك شرحك المفصل وردك الجميل والوافي اخوي .
بس عندي سؤال بخصوص المكينه في احتمال انه يصير فيها شيء واحتاج لتوضيبها من جديد .
بركب لها سير جديد بإذن الله , بس اسلاك الدينمو اللي واضح انها مقطوعه بالصور وش سالفتها ؟