السلام عليكم ورحمة الله
الحمد لله وحده والصلاة والسلام على من لا نبي بعده.
السيارة:
ونيت صيني اسمه جراند تايجر Grand Tiger ماركة زد اكس اوتو ZX Auto.
موديل 2013.
دبل فرار كهربائي.
ما يزال على الضمان باقي أتوقع 4 شهور وينتهي.
https://goo.gl/photos/GEGvbhhfm9ASaoGe7
السالفة:
أول مرة أجرب أدخل به في مياه عميقة بارتفاع متر تقريباً.
دخلت والأمور طبيعية وعادية لحد وصلت المنتصف فدخلت المياه داخل المقصورة زي السيل وبصراحة خفت
وقفت وعشقت الدبل الثقيل مرة وحدة .
ثم أكملت السير لحد النهاية وهي رقية بسيطة (صعود) بمجرد ما طلع وجه الموتر طفت المكينة.
انتظرت كم دقيقة ثم شغلت واشتغل وكملت طريقي ونسيت إن الدبل الثقيل مشبوك من الفرار، لكنه في الحقيقة كان مفصول مو شابك.
وقفت بعد ما طلعت وفكيت فلتر الهواء لاقيته مليان مويه وكملت طريقي بدونه.
وصلت البيت وطفيت الموتر بشكل عادي روتيني ودخلت البيت.
تركت الموتر الليلة كاملة ينشف تركت الأبواب والكبوت مفتوحات ونشفت الموية اللي داخل بمكنسة شفط موية.
اللي صار من الغد:
شغلت الموتر، لاقيت الدبل شغال، فصلته، مشيت، الدبل لا يزال شابك !!
بحثت بالنت عن حلول وجربتها وما نفعت.
الغريب إن لمبة الدبل الآن تشتغل إذا حطيته على H2، وتطفي إذا حطيته على L4
فكيت أمس الدينمو اللي يعشق الدبل ويفصله قل لعل وعسى أقدر افصله بتحريكه بنفسي، ولا زال مفكوك لحد الآن وأبحاول فيه.
الوكالة تبعد عني 200 كلم، يستحيل أروح كل هالمسافة والدبل الثقيل مشبوك.
سطحة؟! نخليها آخر الحلول.
رأيكم بارك الله فيكم ؟؟