ماهي افضل مغسلة سيارات بمدينة الخبر

طيب دامكم عجازين راح ابتدي حسب تجاربي وان شاءالله القى تفاعل ، واعذروني لعم معرفة اسامي المغاسل ولكن راح اذكرها حسب الموقع :


1- مغسلة السيارات اللي بحطة البنزين على طريق القشله في حي السلمانية :
مواد التنظيف غير معروفة ولكن الاحظ يستخدمون ليفة تنظيف الصحون في غسل الجنوط وهذا سيئ جدا ، اضافة الى الاسفنج المستخدم في غسل السيارة بالصابون جدا رديئ ، اقمشة التمسيح عاديه ولكن نظيفه
الموقع ممتاز وسهل الوصول له
المغسله نظيفه دائما
احترافية العمالة جيده نوعا ما
السعر مناسب بالمقارنه مع باقي المغاسل
التقييم في رأيي 6/10


2- المغسلة اللي على شارع فراس بن النضر طريق الراشد جنب كازا جوس :
الموقع ممتاز وسهل الوصول له
مواد التنظيف غير معروفه ولكن يلاحظ استخدام نوعية اقمشة في التنظيف رديئة جدا
احترافية العمال سيئة في رأييي تلقاه بفوطة وحده ممكن يمسح لك الجنوط ووبدي السيارة
نظافة المغسلة سيئة جدا خصوصا مكان تمسيح السيارة اوساخ مرماه على الارض
السعر مناسب
التقييم بشكل عام 3/10


3- مغسلة السيارات اللي على طريق الامير سلطان بن عبدالعزيز مقابل طابا :
الموقع ممتاز وسهل الوصول الية
مواد التنظيف غير معروفة ، الفوط المستخدمه جيدة ولكن يعيبهم انهم مايحرصون على تبديلها باستمرار
نظافة المغسلة جيدة نوعا ما
احترافية العمالة جيده ولكن يحتاج توفق على راسهم اذا كنت دقيق بالتنظيف
المغسله مزدحمه دايم ولكن سريعين بالتغسيل
السعر معقول مقارنه بالمغاسل الاخرى
التقييم بشكل عام 7/10


4- مغسلة السيارات اللى على طرق الامير سلطان محطة نفط :
الموقع ممتاز وسهل الوصول له
المواد المستخدمه غير معروفة ، الفوط المستخدمه جيدة ، ويميزهم حرصم علىى ان تكون الاقمشة نظيفه وتبدل باستمرار.
احترافية العماله كانت فيما سبق ممتازه ولكن في الفترة الاخيره لازم توقف فوق راسه وتنبهه ويالله تلحق سواء بالغسيل او التنظيف
نظافة المغسله ممتازه جدا ويميزهم عن غيرهم وجود مكان استراحه ممتاز جدا ودورة مياه نظيفه.
الوقت اسوا ماعندهم يعني اذا انت محظوظ راح تخلص خلال ساعه اما في الغالب ساعتين تزيد او تنقص مع العلم العمالة كثير بس يحتاجون تنظيم
السعر مرتفع عن باقي المغاسل.. في السابق كان الارتفاع منطقي اما الان اشوف انه مايستحق السعر
طبعا هذي من المغاسل المفظلة بالنسبة لي ولكن زي ماقلت في الفترة الاخيره نزل مستواها عن السابق !!
التقيم بشكل عام 8/10




هذا ماعندي واتمنى مشاركتكم حسب التجارب اللي مريتوا فيها