وصول الرودستر Mazda MX-5 الجديده كليا إلى السعوديه .

السلام عليكم شباب
انا عضو جديد واللي خلاني اشترك عشان الموضوع هذا ، طبعا زمان ماكانت تعجبني المياتا من شكلها الخارجي والان الجيل 4 من المياتا جدا سارت حلوه واخف وزن من موديل 2014/2015 ، سعرها ممتاز مقارنه بالسيارات الثانيه
قارنتها مع سوبارو BRZ والمياتا تتوفق عليها بالوزن والسرعه وتوفير البنزين وخصوصا ايامنا هذي فيها غلا البنزين.
كنت افكر في القولف R ولكن غاليه جدا وكمان قير اوتوماتيك.
كنت افكر بنيسان زد وكمان غاليه جدا
اليوم زرت وكاله مازدا وقالو لي انها خلصت وكل اللي نزلت قير عادي وانبسطت لاني استمتع بالقير العادي
فكرت فيها السياره عمليه ، اقتصاديه، رياضيه ، رخيصه نوعا ما ، وبصراحه لفيت اليوتيوب وكلهم بيقولو انها افضل سياره ساقوها، صح انها 155 حصان بس بوزنها ممتاز والكشف حقها في خلال 3 ثواني تطبقه بيدك مايبغاله اي شغل زياده ، بصراحه لمن تسوق سياره كشف جدا ممتعه عن الكوبيه.

انا ان شاء الله اتشوق بشراء هذي السياره بغض النظر عن السعر لانه البعض بيشوفها كثيره ولكن ك سياره عريقه في خلال الاجيال السابقه باعو مليون نسخه وكثير شركات حبو يقلدو مازدا بس مانجحو زيهم ، في كل شركه لهم بصمه ، مثلا نيسان عندهم الزد وال R34 ، شيفروليه عندهم الكورفت موديل 69 والكومارو 69 ، وعد واغلط من الشركات ولهم بصمتهم ، طبعا لمن اشتري سياره لازم اعرف كيف صنعت وليش اشتريها خصوصا زي المياتا او Alfa romeo 4C

عموما عند الوكاله نوع واحد الفل وقير عادي بسعر 110000 ريال وان شاء الله امتلكها

كما تعرف هي لديها اخت غير شقيقه لدى FIAT كانت بنائا على اتفاقيه تمت مابين Mazda و FCA لصناعة هذي السياره على اساس MX-5 في هيروشيما

مع وجود اخبار تقول بأن هناك نسخه اخرى ستحمل علامة Alfa Romeo ولكن ماركيوني لا يريد انتاجها خارج ايطاليا .



بالنسبه للسياره في سوقنا بالنسبة لي اتوقع لها نجاح اكبر مقارنه بالجيل السابق اي انها ستنتشر اكثر ولكن سيظل مصيرها الفشل بسبب نوعية السوق لدينا هناك مستهلكينن قلائل يحبون امتلاك هذا النوع من السيارات

كمثال TOYOTA GT-86 وكيلها قوي ومع ذلك انتشارها يعتبر ضعيف ولم تنل النجاح المطلوب .


حياة التميز شرفتني بمرورك .

:xyxwave:

السعر جيد , المياتا وزنها خفيف جداً ..
و هي تشبه الفا روميو كثيراً ..

ياليت السوق هنا يصبح واعي أكثر و تتسوق سيارات أكثر بكل الانواع

ومن قال ان التويوتا أقوى المازدا متفوقه بالسرعه والتسارع وفي الثبات على التويوتا مع ان محركها اقل قوه بسبب فارق الوزن بين السارتين.

ما اعتقد انها بتمشي مثلها مثل الموديل السابق,هذه السيارات ارى انها لاتتناسب مع اجواءنا وشوارعنا الحريريه وايضا سعر اكبر منافسه لها تويوتا جي تي اقل ب5 الاف تقريبا للفل الكامل والمحرك اقوى.

هذي المواصفات لا تنزل الى على فئه وحده وهيه كلوب وتيجي قير عادي فقط وعندنا ما نزلت الى ب قير اوتوماتك فاكيد ما راح تنزل فيها هذي الاشياء.

والفئه الي تتكلم عنها ليست التوب وليست الاغلى سعرا حيث ان هذي الفئه محصوره باضافات مثل الي ذكرتها من غير جلد ولا نقطه عمياء وامور اخرى اما الفل ما فيها برمبو ولا سلب دفرننشل لكن مواصفاتها اعلى مثل جلد ونقطه عمياء وهاي بيم سستم ونفقيشن وحساس مطر والخروج عن المسار والتحذير من الاستضام الخلفي والاضواء المتكيفه بالكامل.

السلام عليكم
في شغله مب كويسه للاسف

السياره تتوفر بنسخ متعددة والنسخه التوب الغير متوفرة عندنا تتوفر بفرامل برمبو اماميه ولمتد سلب دفرنشل وللاسف هالميزات غير متوفره في الي اقل منها

التجارب كلها قير عادي لانهم يفضلوه على الاوتو ومتعته اكبر وبخصوص الجيل السابق اخر سنتين او ثلاثه صار يتوفر بقير اوتو.

شيء طيب

لان كل التجارب لها تكون بقير عادي، والأجيال السابقة اللي نزلت عندنا في البحرين دايماً قير عادي

السياره لا تتوفر عندنا الا بقير اوتوماتيكي ما نزلت عندنا بقير عادي

ياريت لو تتوفر بنسخة قير اوتوماتيك بعد هل فيه أمل؟

كل الشكر لكم جميعا على مروركم نورتو الموضوع

حسب معلوماتي :

السياره متوفره بفئه واحده فقط بسعر 110 الف ريال بسقف قماشي ( يدوي )
وستتوفر منها فئه لاحقا بسقف المونيوم ( Hardtop )

اتمنى من وكيلها الحاج حسين توفير منها نسخ لتجربة القياده لدى فروعه
وقريبا راح ازور اقرب فرع ان شاء الله واعمل تقرير كامل عنها .

تحياتي واشكركم مره أخرى

:xyxwave:

حسب كلام الاخ فهد نعمان السيارة راح تنزل بسقف ثابت السنة الجاية
https://youtu.be/Iv6vPlVy87U

نسيت اضيف شيء مهم سمعته في أحد تجارب السيارة على اليوتيوب مو متذكر اي قناة، حيث انها اسرع من اللامبرغيني افنتادور!!!


الكلام صحيح 100%، لان الافنتادور تتسارع من 0-100 في حدود 2.8 ثانية، اما المازدا في اقل من ثانيتين تقدر تفتح السقف :tongue:

احس المقارنة عادلة، ولا فيها شوية تحيز؟ :tongue:

السلام عليكم

ماشاء الله ردود بعض الشباب تدل على وعي واطلاع والبقيه الله يصلح حالهم

صحيح السيارة محركها 2.0 بقوة 155 حصان مثل المازدا 3، لكنها تقدم اداء خرافي بسبب خفة الوزن، حيث ان ارقام التسارع من 0-100 في حدود 5.8 ثواني، والربع ميل تقضيه في 14.6 ثواني، كان عندي مازدا 6 الترا v6 وارقام التسارع كانت 6.2 للـ 100 كيلومتر فالساعة والربع ميل في 14.5 ثانية، وعندك الحسبة

بس السعر مثل ماتوقعته غالي شوي، يمكن بسبب الاضافات مثل الجنوط الخاصة والكراسي من نوع ريكارو وبسبب انها دفع خلفي

وعلى فكرة السيارة من افضل السيارات في مقاومة الهواء، لدرجة انك تقدر تتكلم بالجوال او تسجل مقطع فيديو بدون صوت الهواء المزعج حتى وانت مبطل السقف

ما تقدر تمشي بهالسيارة في شوارعنا.

ارقام فلكية من المطبات و الحفر.

السياره ليست ضعيفه بل محركها جيد على وزنها و السياره الهدف منها متعه القياده وليست السرعه وهذي السياره صنعت بهندسه عاليه الدقه وليست فقط محرك وبدي ونزل السياره في السوق كل شي مدروس فيها بعنايه ووزنها خفيف جدا لا يتعدى ١٠٠٠ كج ولها من يقدرها عالميا وكل الشركات تحاول منافستها ومبيعاتها عالميا جيده جدا يعني الي يشتريها في امريكا يقدر يشتري موستنج مثلا لكن هناك فرق كبير بينهم في القياده.
وبخصوص نزول السياره في السعوديه او دول الخليج راح تيجي فئه واحده فقط وهيه الفل قير اوتو وبمحرك واحد وهو ٢.٠ فقط.