انشاء ورشه متكامله !

ورشة عامة ياكثر الورش ما اتوقع وراها ربح
الي ربحها كثير الورش المتخصصة مثل المتخصصه في الالكترونيات هذه يجون عليها طوابير
او متخصصه بشركة وحدة مثل الدودج او الجي ام او بشغلة محددة مثل وزن اذرعة او تربيط فقط او سمكرة
حاول تتخصص في شي نادر اعطيك مثال ان شاء الله يكون مربح
ليش ماتفتح ورشة توضيب قير cvt ؟؟؟ اغلب ورش توضيب القيور ماتعرف له والقير كل سنه في انتشار
وبدت الشركات الكبيرة تستعمله مثل التويوتا والهايونداي والهوندا والوكلات مايعرفون له ايضا ماعندهم الا برمجة
اوتغيير بالكامل لوينتهي الضمان يتورط العميل
حاول توفر قطع الغيار له وتفتح ورشة اتوقع الزباين مضمونين

مشكووووور هذا الجهد الطيب

توي تذكرت الموضوع :)
والظاهر انك نسيت وش السالفه من الاساس :D

اجودي و ابن اجودي يا اخوي بشير وهذا ماعرفناه عنك


هههه ابو مصطفى :D ولا انت :) :a1120(86):

في انتظارك ♡

أهلا أخوي

ترى أنا مانسيتك ولا من طبعي الحقران بس اسمح لي لأنه فيه موضوع شاغل بالي في قسم الورشة وأصبح كأنه عندنا شركة وماندري من اللي راح يكسب وترسي عليه المناقصه هل أنا والا اخوي أبو مصطفى :bigggrin:

عموما بس ننتهي من الموضوع راح أقولك بالمشروع حتى ولو كان خلف الكواليس "في الخاص " :xyxwave:

حمستني والله..

وش هو هذا المشروع

صحيح كلامك بس أنا اللي في بالي محل له علاقة بالسيارات طبعا والشئ راح يكون مميز عن باقي المشاريع بحكم عدد المحلات اللي مثله قليلة جدا

يعطيك العافية اخوي

المشاريع واجد وعلي راسها المطاعم و قطع و اكسسورات و ورش السيارات!

عليكم السلام

أهلين أخي

أنا بالنسبة للأسعار ماعندي خبره فيها وبعدين أنت لو كنت من أهل المنطقة الشرقية وقريب من المدينة اللي أنا فيها كان قلت لك عن المشروع الناجح وماراح يكلفك كثير

ما عليك زود... هذا من طيب اصلك.

.. بأذن الله لا بد من الاستخاره

والنعم والله بأهل المدينه والحمدلله انك مريت بهذي التجارب لأنها مؤلمه لما تشوف فلوسك تنسرق والله يجيبلك العمال الصادقين المخلصين ( ولا تنسى الإستخاره) ورجائي لك بالتوفيق

الله يجزاك خير على الرد الرائع...
وحياك الله وافتخر انك شريكي.. مقدما :)
و اخوك من سكان المدينه :D
اما العمال لي تجارب كثيييره معهم....
كان عندي بقاله..قبل 10سنه تطلع ارباح ممتازه... طبعها كنت انا اللي اشغلها وانا المحاسب.... إلخ..
..
طبعا لانشغالي انا و الوالد في العمل شغلنا عامل فيها...
اول 8 شهور ماشيه الامور...
ومن بعدها شفنا الفلوس تنقص :a1120(82):
وتنقص وتنقص... و رجعت اشتغل فيها بشوف السبب.... المهم ان اللي طلعته نفس القيمه اول ما فتحنا المحل!!! وعرفت انه من العامل! وسكت قلت يمكن محتاج...
وفي نقص لين ما مسكت العامل و طلعت الاول و التالي وقلعته :)

وغيره من المواقف الكثيير...

وعليكم السلام ورحمة الله وبركاته
الحمدلله عساك بخير وصحه وسلامه
ماعندي علم حقيقه عن فتح ورشه لكن بما إنك بديت فيها فطريقك سليم وعن قطع الغيار فأنا أيدك وبقوه جدا جدا ولو كان عندي الدراهم كان تشاركت معاك.
واهم شيء العماله الخبره والممتازه والله يرزقك الرزق الحلال وتصبح من المليارديرات واهنيك على تفكيرك النظيف ماشاءالله، وشكلك من سكان جده؟
وان شاء الله يجيك من يعلمك بالعلم من الألف إلى اليا وتلقى الناس الطيبه مثلك.
ومن وجهة نظري لازم تختبر العمال عشان مايسرقونك بالفلوس او من هذا القبيل لأنه الوالد كان متشارك مع واحد في فتح محل شاورما وكان يدخل فلوس بالهبل، وبعدين صارت الفلوس تنقص يوم ورا يوم إلين صار ياخذ 350 ريال في اليوم واول كان ياخذ 1500 تقريبا، ولما مرهم ويبى يتحقق ويسأل كل واحد ايش تسوي ويقول انا ماسويت شيء لكن العامل ذاك هو اللي يسرقك وعلى هذا المنوال وسرق الشريك جوال اخوي فصارت عذاب بدال شغله عشان الوالد الله يحفظه ماجربهم ولا تابعهم لأنه تعبان.
اتمنى اني ماطولت عليك ولا نقصت عزيمتك لكن لازم تتعلم من تجارب الاخرين

:(

.
..
.
..

يعطيك العافيه اخوي الغالي

...وين انت مصغر الورشه ههههههه حسب شروط وزاره التجاره اعتقد ما تقل عن 1800 ..وانا بصراحه ماني حول هالرقم ..لانها صغيره شوي

اما العمال ماراح افكر افتح الورشه الا بعد ما اقهويهم زيت السياره هههههه
باعطيهم دورات وتدريب وتطبيق عملي واختبارات لهم ....وهكذا

ادوات و الرافعات وهذي الامور ماني شاريها من هنا .. اروح لكذا ديره حاطها في راسي وابحث واخذ فكره عااامه ..وقد اني اجيب عمال

الموقع مهم ..لكن اذا كانت ورشه ممتازه صدقني لو الورشه في اخر الدنيا راح يجوك زباين ..

كم تقدر الارباح لورشه محترمه وممتازه من جميع النواحي ؟