كيف حال الشباب ان شاء الله تكونون بخير وبصحه وما أوصيكم علي طلعات البر الأجواء
خياليه وخلونا بعيد عن المقدمات ابتكلم عن موضوع طبعا اكيد جنن أهل الفوردات وعقدهم
اللي هو رمشة الفورد والحل بسيط وتافه وأي
واحد يقدر يسويه بعيد عن استغلال الكهربائية
لو تجيهم تقولهم الكهرباء ترمش يقول الدينمو
خربان وبدله او الدينمو خربان من داخل المخدات
او الفحمات او البوبرنغ بس علشان يسحب منك
فلوس وياما ناس حطت الف والفين ريال علي
تبديل الدينموات بس علشان تروح الرمشه وفوق
هذا التعب ما تروح الرمشه عندي اخوي الأصغر
مني يقول بهذلتني سيارتي بالرمشه قلت ما عليك
يدبرها ربك واليوم الصبح اقتحمنا الفورد بهجوم
بربري علي ضفيرة الدينمو ونظفناها وعدلنها
مع تنظيف رؤوس البطاريه من الأملاح طبعا
فيه ترهيم صار بالهجوم البربري والعمليه
كالتالي
١-سلك البطاريه السالب تم تنظيف راس البطاريه
وتنظيف الطرف الثاني الواصل بالماكينه بمويه
وصابون وبعدها تنظيف في البنزين مع فرشات
سيم تنظيف محبس السلك الواصل بالماكينه وفكه
من مكانه وتنظيف مكانه ورجعنا السلك ركبناه .
٢- تمديد سلك كبير مع محبسه من راس البطاريه
السالب الي البودي في الصوره وتنظيف المكان
بفرشة سيم وورق سنفره رقم ٨٠ .
٣- فيه سلك مع الظفيره اللي يسمونه سالب
الظفيره تم توصيله في مكان ثاني وتم سنفرة
المكان بورق سنفره ٨٠ مع مبرد حديد وفرشاة
سيم وشوفوا لون المعدن طلع لتوصيل اقوي
في الصوره
وبعد هذا الهجوم البربري علي الظفيره أعلنت
الرمشه الهروب من السياره باستسلام تام وانتصارنا عليها هههههههه
ولله الحمد راحت الرمشه من السياره والكهرباء
صارت اقوي من اول وعداد الضغط صار ثابت
وأول بس يلعب وعداد الكهرباء كان علي الربع
ويلعب مو ثابت والحين ثابت وانتم شوفوا الصور
العدادات صوره C و D وشوفوا عداد الكهرباء
كان ربع والحين شوفوا كم واصل ولله الحمد
كل شي اشتغل بالسياره وحتي أضواء السياره
صارت اقوي وبدون رمشه .
وكل العمليه هذي ما كلفت اي فلس لان الأغراض
المذكورة عندي بالمستودع واستعملها وقت الحاجة
الصورة c
الصورة d
بالختام الموضوع ليس من طرحي الشخصي ابدا
والمشاركة االاصلية
http://ford.montada.haraj.com.sa/31608/%D9%8A%D8%A7-%D8%A3%D9%87%D9%84-%D8%A7%D9%84%D9%81%D9%88%D8%B1%D8%AF%D8%A7%D8%AA-%D9%87%D8%B0%D8%A7-%D8%A7%D9%84%D8%AD%D9%84-%D9%84%D8%B1%D9%85%D8%B4%D8%A9-%D9%83%D9%87%D8%B1%D8%A8%D8%A7%D8%A1-%D8%A7%D9%84%D9%81%D9%88%D8%B1%D8%AF/
لكني حبيت اشارك بهلحل
