اول بداياتي ممع السوناتا او اول سوناتا جربتها كانت موديل 2004
صراحة كانت رخيصه بحوالي 50الف للفل كامل كنت ماخذها عشر ايرباقات وABS,ESP,EBD
قير اوتو مرايا ككهرب حساسات خلفيه ومثبت سرعه وجناح
الحقيقة السياره داخليه كانت ركيكة وضعيفه بسبب استخدام اردى انواع البلاستيك فيها
وهذا سبب رخصها لانه علفترتها الكامري فل 75 فكانت صيدة
المهم عانيت من الداخليه الضعيفه كل ماسوي شي يتفكك ويتهربد شي ثاني واصوات الديكور
ماوصي وطبعا هذا مو بس للداخليه حتى البدي الخارجي الصادمات كانت تهتز مع المطبات
الحقيقة انصافا للصانع القير والمكينة كانوا توب التوب بس الباقي خرا وقطع الاستههلاكية ماكانت
تعيش خير شر بس كانت بلحيل رخيصه فما كنت مهتم
ماقعد سنتين الا وبعتها
الغريب اني ضليت مع هيونداي لاني ادور الرخيص دايم
فاشتريت فل كامل ب 75 موديل 2007 {ارتفع السعر}:a1120(121):
المهم كانت هلمره ثمان ايرباقات وفتحة وزينون وجناح وحساسات ومثبت ورادار
و وواشياء نسيتها الحقيقة
بذكر عنها خمس اشياء رئيسيه
اولا الرساوة: صراحة رساوة عاليه بلطريق المستقيم بلملفاات الحقيقة كانت افضل من الاكورد
لكن ليست كالابيكا على وقتها
ثانيا العزم : العزم اشوفه متوسط لكن بالخط تفرش ال 260 وهي مكانها وراء الالتيما وفوق الابيكا علفترتها قبل صدور الماليبو
ثالثا : الكرف صراحة كرفتها ومشيتها 4 سنوات , 400الف لاتعلمون ماذا فعلت
رابعا : جودة المواد المستخدمة كانت اعلى من الجيل السابق لكن مازالت سيئة
بمعنى تتحمل لكن بشكل لايتعدى ال5سنين
خامسا : الامان, الحقيقة بوديها كان قوي للامانة
بالختام جرت ععليها بر وارصفة ومطبات وحفر كبيره وقومات و و و و وعاشت معي وقطع غيارها لالاحظت انها تعمر اكثر
من منافسينها , الحقيقة افضل جيل للسوناتا ومن يملكها فليحتفض بها ومن اراد الشراء
انصحه بهذا الجيل 100%
بعدها جددت العشره مع السوناتا2011 {خويكم يدور الرخص بالحيل}
الحقيقة ثاني اسوء جيل بعد 2004
مواصفات الامان ايرباقين وABS
تنسيم مع الفتحة والرساوة صفر مكعب الكرف لاوالله ماتتحمل
طبعا مع 2013 حسنوا بس مو ذاك الشي الكثير
طبعا بعتها والحين معي اوبتيما 2015 شريتها قبل شهرين عليها عرض تصفيية ب 78الف :bigggrin:
الجديدة مادري صارت غاليه الفل ب 109 والسبورت 115 والله لو انك ازيرا ماشريتك
الزبدة ناوي علسوناتا خذ من 2006 ل2010 غيرها لاتدور كرف ورساوة وعزم وعزل وامان والحامي الله
