قناة السيارات
السلام عليكم ورحمة الله وبركاته
اخواني اليوم طلعت اكسنت من الوكاله استاندر وعندي كم استفسار عنها
ااول شي كيف الحراره الطبيعيه تكون ؟ لأني متعود على الفورد
وحرارة الاسكنت الحين قريب النص
وثاني شي هل لازم يكون تغيير الزيت في الوكاله ولا في اي ورشه
وشكرا مقدما للي راح يفيدني
الماركيز
راكب اللي لا انتهض ما يغـّير مستواه=فورد ماركيز أل أس يفداه الردي
لعنبو غيره عشقته ويجذبني نداه=لا ركبته قال سَـفح ولوّح للجدي
لا مشا غصبٍ على العين يلفت الانتباه=في شموخه عز وللدرب سيف مهندي
قاصر الهقوات تبع النـَسابه من فداه=ذاك ما يسوى المرايه ولا حتى البدي
لا كفخ يعطي هل الدرب نظره وانتباه=بقدرة الوالي على ال TIME اصل موعدي
من سلايل MERCURY يوم سند لقرباه=لا اعتزا كل المواتر تِشيش بــ ALL REDDY
اول شئ مبروك عليك السيارة
الله يعطيك خيرها ويصرف عنك شرها
ثانيا بخصوص الحرارة
كل السيارات الكورية تكون قريب النص
فطبيعية لاتشيل هم
اما بخصوص الزيت
يفضل الكشف عليها في الوكالة أولا بعد التمرين
وبعد كذا اذا حاب تغير الزيت في البناشر المعتمدة مثل بترومين وون ستوب ماعندك مشكلة
لكن تأكد من انك تاخذ فاتورة منهم عشان الضمان
^
بالضبط
الحرارة طبيعية قريبة من النص
والزيت عادي غيره برا الوكالة على 4000+الفاتورة بعد الكشف عند الوكيل,ولاتنسى تعاير الكفرات
في الصيف مكيفها ثلج,ولو تقفل فتحة تبريد الدرج يكون افضل
والله يعطعمك من خيرها ويكفيك شرها
رد مع اقتباس