اللي له خبره بالسييرا يدخل وينصحني

ال 2500 بالطريق مهو مريح ورفعه عن الارض مايخليك تتعدا 120 ولا ممتاز للي عنده مزرعه ومايطلع ويسافر

لو الجميح يجيب سييرا غمارة HD2500 كان أحسن من غمارتين

الغمارتين احسه خبل وزياده عل ذلك راح يكون ثقيل والنص اشوفه افضل كثير والحوض مايهمني كثير بس يا غماره او غماره ونص بس 2016 الحوض حجمه ثابت اذا خذيت غماره او غماره ونص النص ما ياخذ من الحوض

على فكرة الغمارة ونص والغمارتين نفس الطول من الصدام الين الصدام
اللهم الغمارتين راح تاخذ شوي من الحوض ويصغر حجمه عن الغمارة ونص
يعني القصد اذا مايهمك حجم الحوض خذ غمارتين اريح للي يركب معاك
انا صاحبي معاه غمارة ونص ضيق جدا جدا السيت اللي ورا مايسوى

المقطع السييرا اللي فيه 2500 مكينة 6.0 عشان كذا يشتكي انا لازم اركب غماره ونص 1500 عشان اشوف الزياده تستاهل او لا ودام المكينه ماتتاثر الا شوي فا يبقا بس الحجم والزياده تستاهل او لا ويعطيكم العافيه افدتوني كثير

اذا ماتحتاج الغماره ونص ، لاتاخذه
الغماره افضل واخف بكل تأكيد .. ومكينه 5.3 قويه وزياده وخصوصا لو تعطيها فلتر هدرز برمجه يطير الموتر وبالبر يكون افضل بشكل كبير ،، والاهم من التعديل مبرد القير بالتووفيق

لا تنسى سعر بيع مكينة جمس 355 حصان ممشى زيرو ماهي بقليلة يمكن تجي 20 ألف أو 25
وبعض الناس يفتي بدون تجربة
صدقني لو تسأل المجربين أحسن لك وأنا من الآن أقولك ماني مجرب
بس لعلمك شفت مقارنة لحسن كتبي على اليوتيوب بين الفورد والجمس و الرام
راعي الجمس ما أذكر إذا كانت hd أو لا بس كان يشتكي من المكينة
على العموم رابط المقطع

https://www.youtube.com/watch?v=50dyRqV4Pbs

والأفضل لك أنك تستأجر السيارة بغمارة وغمارة ونص وتجربها

يعطيك الف عافيه ماتعرف وش كثر افتدني مشكووور ومن ناحيه 2500 احسه يبغاله نظام تشغله بنفود وتطفيه بنفود وحق سحب درجه اولى انا استخدامي الحوض بسيط وكله للكشتات وبس كنت خايف ان المكينه تضعف بس اشوى لان الزياده مهي كبيره بالغماره ونص لكن مفيده اذا المكينه ماتفرق

لاتخاف لانه اصلنا حتى مع غمارتين 5.3 جدا قوية والموتر يمشي بسلاسة واستجابة المحرك ممتازة بس ترى السييرا 1500 ينفع حق كشتات خفيف تحميل سحب تنزه رحلات مسك خطوط اذا تبي فعلا وحش خذ 2500 هذاك اي شر في راسك تسويه بس على حسب كلامك انت ماتحتاج 2500 فخلك على 1500 والغمارة مافرقت سوائا غمارة او غمارة نص المحرك قوي مايحسسك بثقل الوزن فتوكل على الله وبالتوفيق

السعر راح يزود تقريبا 40 الف