هل كثرة السحب تأثر على السيارة ؟ وما هو أفضل واير ؟!

[انا وسيارتي]

حياكم ربي


سؤال :


هل سحب السيارات اللي مغرزة بالرمل له تأثير على السيارة الساحبة والمسحوبة ؟؟

نسمع كثير ان كثرة السحب تأثر على القير ... هل هذا صحيح .؟

وممكن تميل الشاص مع اني استبعد هذا الكلام ...!!

وما هو أفضل نوع من انواع الوايرات ....

أشوف القماش أفضل نوع ولا منه خطر ...





الحديد خطير ... وأذكر اني سمعت عن واحد كان بجانب سيارة تنسحب وانقطع الواير وأصاب رجله وكسرها لأن الواير ثقيل !

وأحيانا ينقطع الواير ويرجع على الزجاج الأمامي ويكسرها ...!!



حتى الشناكير أنواع ...

وأشوف هذا أفضلها





منها ابو قفل وهذا مشكلة لو انعفط من قوة السحب ماتقدر تفكه بسهولة !!!

مثل هذا





أسلوب الموضوع حبيت يكون سواليف ... ارحبوا

[ARMADA xKINGx]

نعم يؤثر على قير الساحب إذا كان المغرز ثقيل أو تغريزه صعبة جداً
بس على قير المغرز ما أدري
أنا أفضل القماش

[انا وسيارتي]

ممكن يكون التأثير على القير الاوتوماتيك أكثر من العادي ...!!!

[هـــب الـــريـــح]

كل سيارة ولها قدرة سحب معينه الاولى انك ماتجاوزها في اي حال من الاحوال
اما اذا اردت سحب سيارة عالقه او مغرزة
الافضل ان تكون سيارتك مزوده بهوك وسطي من اجل توزيع الحمل او الوزن ين عجلات السياره بعكس الي يجي الهوك امايسار او يمين
السياره المزوده بقير اوتو حاول عند السحب ان تظع القير على دي واحد (D1) ولا تضع القير على (D) المخصصه للسير على الطرق المعبده والسريعه ولاتكثر السحب من اجل تجنب ارتفاع حرارة القير

اما بنسبه لواير السحب
كل ما زادت قدرته الطنية للسحب كلما كان افضل (عندي واير من القماش قدرته 11 طن)
ولا شك ان القماش افضل اما رئس الواير انا افضل ابو قفل من اجل لو علقت السيارتين الساحب والمسحوب مجرد انك ما تفك القفل يتحرر الواير وبتالي تستطيع اخراج احدى السيارات وبنسبه لي انا لم اواجة اي مشاكل معه وهو ايضا انواع وقدرات تحمل له

[رنج كروزر]

أعتقد الدفرنس هو الي لازم تخاف عليه من السحب,,
أخبر واحد من الأعضاء اشترى تيتان وقعد ينتل في واحد مغرز
يبغى يطلعه وخرب عليه الدفرنس.

[لحن المشاعر]

النتل يأثر
اما شد الحبل واسحب عادي
القماش افضل

[fhad2007]

اتوقع يأثر خاصة مع السيارات الدلع الي الحين صارت تتصنع

اول كانت السيارات تروس صح وحديد يطحن طحن .. الحين صار ناعم وداخل فيه المنيوم وقطع السياره مركبه اليا وليست بالشد اليدوي..

[انا وسيارتي]

كل سيارة ولها قدرة سحب معينه الاولى انك ماتجاوزها في اي حال من الاحوال
اما اذا اردت سحب سيارة عالقه او مغرزة
الافضل ان تكون سيارتك مزوده بهوك وسطي من اجل توزيع الحمل او الوزن ين عجلات السياره بعكس الي يجي الهوك امايسار او يمين
السياره المزوده بقير اوتو حاول عند السحب ان تظع القير على دي واحد (D1) ولا تضع القير على (D) المخصصه للسير على الطرق المعبده والسريعه ولاتكثر السحب من اجل تجنب ارتفاع حرارة القير

اما بنسبه لواير السحب
كل ما زادت قدرته الطنية للسحب كلما كان افضل (عندي واير من القماش قدرته 11 طن)
ولا شك ان القماش افضل اما رئس الواير انا افضل ابو قفل من اجل لو علقت السيارتين الساحب والمسحوب مجرد انك ما تفك القفل يتحرر الواير وبتالي تستطيع اخراج احدى السيارات وبنسبه لي انا لم اواجة اي مشاكل معه وهو ايضا انواع وقدرات تحمل له

مشاركة جميلة

وانا معك في ميزة القفل لو علق الواير بين السيارتين لكن لو صار السحب بقوة ممكن ينعفط القفل ولا تقدر تفكه الا بصاروخ وهذا الشي صار معي !

شكراً لك ..