استفسارت عن جيب باترول 2015

ابوسلوم1 @user_308099 · 21-05-2015

السلام عليكم
تم بحمد الله شراء جيب باترول 2015 se
وابي المشورة منكم

اولا اريد تظليل عازل وممتاز للسياره ولا ياثر على المرور بالنسبه للمخالفات
ثانيا هل تنصحوني ان اركب شمعات ليد الامامي اغيرها او لا سواء وكاله او تجاري
ثالثا ماهو الزيت المناسب للسياره
رابعا هل تنحصوني احط حمايه للوجة السياره والمرايات الجانبية او لا

المنطقة الرياض

ارجو المساعده وشكرا

bo rayan @user_297703 · 22-05-2015

ماشاء الله الله يبارك لك في السيارة ويعطيك خيرها ويكفيك شرها .. كيف السيارة معك ودي فيها بس كل ماتذكر العيسى اهون ...
نصيحة لوجه الله .. لاتتفلسف في السيارة ضللها وبس .. حماية وجهيه وخرابيط تضر السيارة ... سياراتنا الاولى نسافر ونروح ونجي ولا عمرنا سمعنا بشي اسمه حماية سيارة وحماية وجهيية كلها زرف فلوس ونصب وتخريب في السيارة ...

انا وسيارتي @user_181125 · 22-05-2015

ماشاء الله تبارك الرحمن

مبروك الجيب والله يعطيك خيره ويكفيك شره ...

أما التظليل فأبو أسد ما قصر
وأما الأنوار الليد فنصيحتي لا تلعب بكهرب السيارة وخلها شد بلد ... السيارات صارت كلها كهرب وممكن اللي يركبها لك يسبب لك مشاكل ما لها نهاية ...
واما حماية الوجهية فشخصياً غير مقتنع فيها .. الى متى احميها ؟؟ يعني ما استمتع بجمال سيارتي ؟
اذا مسكت خط الشرقية مرة بالسنة احط فيري وبس ...!! والحماية أحياناً تلصق بالسيارة وتشوه السيارة بعد ما تشيلها !!!!
قعد معي هايلكس لمدة 13 سنة ومسكت عليه خطوط كثيرة بدون حماية ولا شي ولا تأثرت بويته نهائياً ..!!

موفق ..

أبـوأسـد @user_15810 · 21-05-2015

وعليكم السلام

1- أنصحك بدرايف 7 من تجربة ممتاز وخذ 01 وانا الحمدالله مضلل عندهم هذي الدرجة ولا اخذت مخالفات او واجهت مشاكل مع المرور وكلفني حول 1600 ريال.

2- على ان موترك 2015 لكن تقول انك تبي تركب شمعات LED أمامية :c0214:
يبدولي أن موترك SE T1 أو XE
الاصلي ممتاز لكن غالي جدا جدا والتجاري ممكن يأدي الغرض لكن ما دري عن جودته وعن مشاكله.

3- موترك حسب ما اعرف 30/5 طبعا راجع الكتلوج علشان مايكون غيرو النسبة للموديلات الجديدة.
وبخصوص الشركة الي يعجبك عندك العيسى يستخدم كاسترول وون ستوب (الي تبع الحمراني) يستخدم فوكس وأنا بصراحة ما اغير إلا فوكس عند ون ستوب.

4- طبعا والسبب متى ماتبي تمسك خط ماتشيل هم تروح تضيع من وقتك تغبيرة ولا حماية الوجهية باي مادة معينة وممكن تجيب العيد بالبوية او تشهب الاسطبات غير انها تحمي الاسطبات ماتتكسر, وأنا سويتها عند درايف 7 وكلفتني 1700 ريال الوجهية كاملة بالمرايات بالشبك والعلامة وجزء من الكبوت والرفارف وكشافات الضباب والاسطبات وعندهم تلميع مجاني تجيهم كل 6 اشهر ان بغيت حسب ما سمعت علشان ماتصفر الحماية مع الوقت.

نصيحة لو تقدر تسوي حماية للقزازة الامامية من الخارج وليس من الداخل علشان الحصيان من الخط أفضل شيء اعتقد مهي موجودة عند درايف 7 ممكن عند ثري أم لكن انتبه تسوي التضليلة عندهم ترى الزين عندهم بس الشفاف تماما والباقي رديئ.