اذا تبيها للخطوط مافي أحسن من الفولفو
مريحة جدا جدا + آمنة باذن الله
كل من مسك خط معي انبسط عليها :xyxthumbs:
لكن تراها مب للاوف رود مافيها دبل ثقيل بس تمشي حالك في الطلعات الخفيفة
https://www.youtube.com/watch?v=6zIvafVrqnU
خل دقة الفيديو على اعلى شي واستمتع :wink:
حسب كلام الوكيل بتوصل على شهر ٩ او ١٠ ميلادي
نزلت في امريكا بسعر يبدا من ٤٨ الف دولار يعني حول ١٨٠ الف ريال
لكن حتى الستاندرد مواصفاتها ممتازة جلد وبانوراما وكاميرا ونافغيشن و Keyless entry او مثل ما يسمونها بصمة
للسفر تقدر تضيف تهوية المراتب والمساج وأهم ميزتين تقدر تضيفهم:
١- مثبت السرعة النشط (الرادار) بحيث تثبت السرعة والسيارة تصير تتحكم بدعسة البنزين والفرامل + تتحكم بالديركسون يعني معد تحتاج تمسكه حتى.
٢- انوار الـ LED ميزتها انها ممكن تخليها عالعالي طول الوقت بدون ما تزعج السيارات الثانية.
وميزة ثالثة تقدر تضيفها ساوند سيستم ١٤٠٠ واط تنسى نفسك معه :bigggrin:
المكينة المتوفرة حاليا ٤ سلندر ٢ لتر بتوربو + سوبرتشارجر بقوة ٣٢٠ حصان
اخذت جائزة هالسنة كإحدى افضل ١٠ مكاين وكل من جربها مدح قوتها + انها اقتصادية بحكم حجمها الصغير.
فولفو تقول انها آكثر سيارة أمانا انتجتها طول تاريخها
موفق
