انا مجرب اقل فئه مكينه 2000 دفع امامي وعزمها كويس
يعني المكينه الاكبر راح يكون افضل عزم وتسارع
السياره حلوه وعمليه والتانكي يمشيك حدود 500 كيلو
بالنسبه للسرعه ماجربتها مامسكت فيها خط سفر
بارك الله فيك عارف أن السياره فئة كروس أوفر لكن يمكن الموديل القديم AWD اللي أنا شفته موديل 2015 في الخلف
4WD مدري وش الفرق وأيهم الاحسن؟ وبالنسبه للموديل الجديد مدري متى بينزل؟
الفرق أن AWD مخصص للثبات يعني سيارة شوارع
وأن 4WD سيارة مخصصة بنظام الدفع للطرق الوعرة
لكن انا مسوي تحذير بأحد مواضيعي أن فيه سيارات مكتوبه من الخلف 4WD و4X4 ماتجي فيها دبل ثقيل ولا تصلح للطرق الوعرة يعني الواحد لازم يتأكد من شغله هل فيها دبل ثقيل أو لا
فيه سيارات للأسف تباع على أن مكتوب بالخلف 4WD ولا فيها دبل ولا هي مهيئة للطرق الوعرة بس للطرق الوعرة الخفيفة مثل الاكسبلور الجديد وراف فور الجيل السابق مكتوب بالخلف 4WD
فأنا ذكرت هذه النقطة أن فيه سيارات مكتوب فيها 4WD و4X4 ومو مخصصة للطرق الوعرة
ممكن محطوط فيها 4WD علشان فيها قفل وسطي رغم أني فتشت بالصور ولا حصلت زر القفل الوسطي للموديل الحديث 2015 فما ادري وش السالفة ولا يخدعك مندوبين المبيعات يقولون لك ان الدبل الثقيل يشتغل من نفسه مافي مثل هذا الكلام مطبق باي سيارة حتى الان يعني حتى لو كان مطبق استبعده انه يكون بالتوسان
هذي يبيلها شرح طويل وش الاحسن بين AWD و4WD لأن يجي انواع كثيرة لكن كسيارات جيوب أكيد الافضل لك هو نوع Full Time 4wd فهو يجمع بين ثبات AWD وقدرات الطرق الوعرة في 4WD وهو موجود بسيارات قليلة راح اذكرها بموضوع منفصل ان شاء الله لاحقاً
بختصار ممكن يمشي بالبر زين ويجي واحد ويطعس بها حسب خبرة السواق
لكن أذا غرز الموتر ماراح يقدر يطلع نفسه إلا بصعوبة كبيرة جدا (فيه أماكن لو تنسم لين الجنط وتبرح تحط مسار للكفرات مايمديه يطلع حسب المكان الي طاب فيه) أذا ماكان الامر مستحيل لأن الدبل الثقيل غير موجودة بالسيارة
ماعندي معلومات واجد عن السيارة بس جاي أنبهك بشغله عن التوسان
السيارة مافيها دبل
مجرد دفع رباعي مستمر من نوع AWD المخصص للثبات وليس 4WD المخصص للطرق الوعرة
يعني بمعنى أخر دبل ثقيل مافيه!
فيه زر كان موجود بالموديلات السابقة وهو القفل الوسطي الي مكتوب عليه 4WD LOCK وهو الي يعطي نسبة دفع بين الأمام والخلف متساوية 50% أمام و 50% خلف وهو ينفع للطرق الوعرة السهلة والبسيطة لكن ماينفع تطعيس ودخول أماكن صعبة الي فيها تغاريز وطين وماشابه ... الخ
شغلة ثانية ترى توسان عام 2016 تغير ونزلت له صور تجسسية
بارك الله فيك عارف أن السياره فئة كروس أوفر لكن يمكن الموديل القديم AWD اللي أنا شفته موديل 2015 في الخلف
4WD مدري وش الفرق وأيهم الاحسن؟ وبالنسبه للموديل الجديد مدري متى بينزل؟
ماعندي معلومات واجد عن السيارة بس جاي أنبهك بشغله عن التوسان
السيارة مافيها دبل
مجرد دفع رباعي مستمر من نوع AWD المخصص للثبات وليس 4WD المخصص للطرق الوعرة
يعني بمعنى أخر دبل ثقيل مافيه!
فيه زر كان موجود بالموديلات السابقة وهو القفل الوسطي الي مكتوب عليه 4WD LOCK وهو الي يعطي نسبة دفع بين الأمام والخلف متساوية 50% أمام و 50% خلف وهو ينفع للطرق الوعرة السهلة والبسيطة لكن ماينفع تطعيس ودخول أماكن صعبة الي فيها تغاريز وطين وماشابه ... الخ
شغلة ثانية ترى توسان عام 2016 تغير ونزلت له صور تجسسية
