بريكات السيارة تاهو 2012

abughadeer @user_160089 · 29-01-2015

السلام عليكم

إذا ممكن مساعدة
حاب اغير فرامل السيارة لانه محتاجين تغيير حسب كلام الوكالة قسم الصيانة

تسعيرة الوكالة :
القماشات امام وخلف بـحوالي 760 ريال
خراطة الهوبات بـ 200 ريال
شغل اليد و وزان الهندبريك
المجموع 1600 ريال

احس السعر مبالغ فيه

وفي ايضاً قمشات نوع سيراميك
ايش الفرق بينها وبين النوع العادي
حالياً القماشات مشت معي 3 سنوات
فكم مدة القماشات إذا راح اغيرها

فأيش تنصحوني يا اخواني

مع كل الشكر والتقدير

الصـاعدي @user_292695 · 01-02-2015

سعر الخرط 20 ريال و ما يعدي 30 و التركيب 50 للجهتين

و بالنسبة للقماشات إذا كنت بتاخذ ACDelco تأكد يكون بداية الرقم -171

سلطان2020 @user_294746 · 30-01-2015

ميزان العضيب ياخذ 150 ريال تركيب فحمات مع الخرط للأمامي ومثلها للخلفي يعني 300 ريال للأمامي والخلفي
هذا بالنسبة لسيارات السيدان مدري عن التاهو اذا بنفس السعر أو أغلى

عبدالعزيز 8 @user_231972 · 30-01-2015

وعليكم السلام ورحمة الله وبركاته

مر قطع غيار بالبيد عنده فحمات كندية هو مستوردها وارخص من الوكالة
سألته عنها من ناحية الصفير قال لا ما تسبب صفير ومدحها لي انا شريتها ليوكن 2008 ولكن الى الأن ما ركبتها

abughadeer @user_160089 صاحب الموضوع · 29-01-2015

شكراً ورحم الله والديك

super_safari @user_201024 · 29-01-2015

و عليكم السلام و رحمة الله

طبعًا السعر مبالغ فيه. لو تروح ميزان العضيب يغير فحمات أمامية مع خرط هوبات , شغل يد 100 ريال. و مثلها للخلفية.
وزن فرامل الإيقاف (الجلنط) قد لا تحتاجه. و إن لزم فإنه يتم من داخل السيارة فقط و لا داعي للوزن من الهوبات الخلفية كما هو حال السيارات الي فيها طبلات و أقمشة بدل الدسكات و فحمات. و ما يتطلب 20 ريال من تفاهة الشغلة. لو تشوف العملية بعينك تندم إنك ما تسويها بيدك.
بالنسبة لسعر الفحمات خذها من الوكالة و ريح نفسك. 760 ريال سعر ممتاز جدًّا إذا للكامل أمامي و خلفي. أضمن لك من محلات الصناعية الي كثير يغشون و يعطوك مقلد بكرتون الأصلي!