قناة السيارات
السلام عليكم ورحمه الله وبركاته
عندي مشكله بقير الجينسس بس قبل م اشرح المشكله عندي استفسار
هل قير الجينسس 2009 v6 نفس القير بال v8 ؟
نجي للمشكله لما اكون ماشي بسرعه عاديه واكبس فرامل وقبل م توقف بثواني تنتع كانك غيرت نمره بالقير العادي
التبديلات سليمه بالتسارع
كنت بغير زيت القير بس متخوف لانها ماشيه 128 الف ميل وسالت عن تغيير الزيت للجينسس ويقولوا انه م يتغير مدى الحياه .
و عليكم السلام و رحمة الله و بركاته
نعم يختلف قير 6 سلندر عن قير 8 سلندر. الأول من شركة يابانية Aisin و الثاني ZF ألماني.. نفس الموجود في بي إم الفئة الخامسة.
يبدو من سؤالك أنك تنوي تغيير القير.. إذا نيتك كذلك فلا تيأس , و لكل مشكلة حل. لكن يجب أن نتبع الحل الصحيح.
مشكلة النتعة التي عند تهدئة السرعة سببها الأول حساسات القير. لكن قبلاً يجب قياس مستوى زيت القير , إذا ناقص تظهر نفس الحالة و تأتي النتعة أيضًا عند التسارع.
الأفضل أن تسوي فحص كمبيوتر لكي يتم الكشف على حساسات القير و (قد) يكون لحساس المكينة TPS أثر غير مباشر.
جهاز الفحص المتخصص بهونداي اسمه G-scan , أقول ذلك لكي لا تقبل الفحص عند أي ورشة بأي جهاز.
إذا أنت في الرياض أقدر أوصف لك متخصص هونداي شغل وكالة على كلام مجرب. و إذا أردت مركز مختص في قطع قيرات ZF و وكيل لها في الرياض أيضًا موجود.
يطول بعمررك ي غالي افتدتني بمعلوماتك الدقيقه
المشكله اني بجده والجينسس مافيها معيار زيت
ابدء ب ايش وخاصه ان الممشى اشوفه كثير نسبيا وخايف من التغيير لان المشكله بسيطه
الله يسلمك
التغيير و قياس المستوى من أسفل السيارة و لا يوجد سيخ عيار مثل الأمريكي.
للأسف لا أعرف كيف أفيدك و أنت في جدة. لكن اسأل عن (الرصيص RBS) وكيل ZF . أنا ماأدري إن كان له فروع في جدة. و مكشلتك بسيطة ياخوي و لا تكبر الموضوع , بس علشان تفحص و تطمئن.
تنبيه: يحصل أحيانًا طقة في تبديل النمر ليس بسبب حساست القير , بل قد يكون بسبب جلدة عمود الكردان فيها اهتراء , و هذه تحدث بكثرة في سيارات الدفع الخلفي , و الجنسس دفع خلفي. هذه أيضًا تفحصها.
انا قررت اغير الزيت بس وين احصل زيته
امر وكاله بي ام لانه نفس القير وممكن احصل الزيت والفلتر ؟
قبل اسبوع رحت للناغي هيونداي بجده اسالهم عن جلد مقصات الجينسس يقولي مدري هي نفس السعودي السته سلندر ولالا مع انه اخذ رقم الشاصيه عشان كذا م اتوقع القى الفلتر عندهم واذا تعرف هي نفسها ولالا افيدني
اذا لقيت الزيت والفلتر بدورلي ورشه لمرسيدس او بي ام واغيره عندهم
بس كم علبه يشيل ؟
يالطيب تو قريت رد لك لمشكله عضو هنا انه الزيت يتغير كل ٦٠ الف لقيور zf وقمطت صراحه هههههههههه
وانا ممشى سيارتي دبلها ٤ مرات
نعم حسب كتلوج البي إم (من كلام مهندس .. و أنا ما قرأته بصراحة) أنه يتغير كل 60 ألف كم. و للعلم أنا سيارتي تستخدم نفس الزيت و تعديت الـ 60 ألف و ما زال كما هو. هو يعيش 100 ألف إذا استخدام هادي للسيارة. لكن هم يذكرون ذلك في الكتلوج احتياطًا لظروف صعبة مثل الحمولة و السرعة و الحرارة ... إلخ.
لكن لو أنك أبدًا ما غيرته ما أنصحك تغيره. روح لمركز صيانة و شوف لون الزيت ,, أتوقع تلقاه أسود و محروق.
الحين فكر بس كيف تحل مشكلة النتعة. و لازم فحص كمبيوتر.
دوبي راجع من الناغي قسم هيونداي ولا لقيت الزيت
هم يحطوا كاسترول للقير
رحت الناغي بي ام ووريته الزيت وم لقيته
عندهم ذا
http://www.gulfup.com/?f67gZ5][/url]
ومريت عند ورشه اسمها الاداء الاول وواحد هناك امين نصحني اغير ثلاث علب بس وامشي عليها ٣٠ الف واغير بعدها قالي لان ممشاك كثير وفيها مغامره لو غيرته حتى لو قيرك سليم ونصحني اسحبه بمراكز ون ستوب
وين القى الزيت الموصى عليه ولا استخدم كاسترول
2اعجابات
رد مع اقتباس