ركبت مكينة جديدة وكالة لكن ما فيها عزم

القصد انو تستخدم السياره الى ان كمبيوتر السياره يتبرمج من نفسه

مثل الي حصل معي لما غيرت البطاريه للموستنج صار ضعيف و كانه 1 سلندر و مافيه صوت ابد و الضغط نازل
و طلع في عده امور السويها في هذي الحاله مثلا امشي باستمرا في سرعه معينه و ادعس و امسك بريك و غيرها
و من نفسه الكمبيوتر يتبرمج و يضبط كل شي

و اتوقع السيارات الجديده نفس الحاله بفصل الكهرباء عن الكمبيوتر يتخبط و يحتاج اعاده برمجه بالطريقه انو يتعرف على السواقه في الخطوط الرايسيه و الوقوف و السواقه داخل المنطقه

و اوقات تحتاج وقت على حسسب انا جلست على هذا الحال اكثر من اسبوعين و ضبط بعدين من نفسه

شلون ضبط المصنع جزاك الله خير

حتى السيارات نسوي لها ضبط مصنع هههههه ما خلو شي

في ميزه بالسيارات الجديدة وعن طريق كمبيوترها تكون تحفظ طريقة قيادة سائقها وتنسق هذا الشي دايركت فأنت بما انك ركبت مكينه جديدة حاول تسوي اعادة لضبط قيم المصنع بحيث انه ترجع السيارة مثل الوكاله

اخواني الله يرحم والديكم ويدخلهم فسيح جناته انا ابي حل والي عنده حل لا يبخل علي

انا سيارتي رجعتها الوكالة وفحصتها فحص شامل وما بين معهم شي يقولون سيارتك كل شي فيها سليم

انا اشكو من ضعف عزمها وطبعا سألتهم عن مضخة الوقود قالوا لي سليمه وضغطها 50 psi وسألتهم عن الكهرباء قالوا سليمه قلت زين شمعات الاشعال كهربتها زينه قالوا ما فيها اي مشكله ولو فيه شي كان علم عندك الحساس قلت لهم زين وش الحل انا متأكد عزمها ضعيف كاني اسوق اربعه سلندر وصوتها كبير على الفاضي قالوا اطلع مع الفني خله يفحصها وياك وفحصناها مع بعض قلت له هذا عزم قال ما فيها شي قلت وين ما فيها شي مكينة 6 سلندر وكنها 4 سلندر بس الصوت كبير المهم بعد ما شافوا اني مصر على كلامي قالوا مرنها 5000 كيلو وجيبها نسوي لها سيرفس وراح تلاحظ فرق في القوه

وبالنسبة لنظام العادم انا فحصته بنفسي عندي جهاز فحص وطلع لي 18 فاكيوم وعلى 3000 rpm 21 فاكيوم وطبعا يشكر الاخ فورمولا ون الي علمني على هذي المعلومة القيمه

المهم نتيجة الفحص يبين انه سليم والله اعلم

المهم انا ابي حل لضعف عزمها

جزاك الله خير اخوي فورمولا 1 استفدت منك معلومه جديده

الله يوفقك دنيا واخره ويرحم والديك

بإذن الله بعد ما اعرف السبب راح اذكره هنا

اخوي جزاك الله خير المكينة جديدة ما اعتقد انها محتاجه تصفيه

لكن انت ذكرت مضخة الوقود والكويلات يمكن كلامك صحيح اخوي لكن الغريب ما فيها تقطيع

هنالك اعراض ممكن من خلالها نعرف فيما اذا كان هنالك انسداد في منظومة العادم مثل ارتفاع حرارة المحرك - كتمة في المحرك - ضعف في العزم - صرف زائد للوقود - رائحة كريهة تخرج من العادم .
من الممكن فحص صلاحية منظومة العادم عن طريق فحص الضغط العكسي للعادم بواسطة جهاز فحص الفاكيوم يشبه الساعة , الفحص لا ياخذ من وقتك اكثر من 10 دقائق , اذا توجد ورشة فيها هذا الفحص فانصحك ان تقوم بالفحص , وهذا رابط عن موضوع الضغط العكسي ادخل عليه لمزيد من الفائدة والايضاحات .
الرابط : http://www.assayyarat.com/forums/t278631.html

اما بخصوص الاسباب الثانية لضعف العزم , فارجوا ان تتبع نصائح الاخ الكريم < cover me > بارك الله فيه , حيث ان التصفية لها مردود جيد جدا على المحرك بالمجمل .
ابلغنا بنتائج الفحص
تحياتي

اخوي انا مالي خبره فيها
لكن هل نظفت البخاخات قبل التركيب ؟

لو تسوي تصفيه افضل
يعني تشيك على نظام الوقود من المضخه و المواصير و الفلتر البنزين الى البخاخات
و تشيك على البواجي و الكويلات
و غير فلتر الهوا اذا كان قديم

اذا ماضبط ارجع للوكاله ممكن تحتاج برمجه كمبيوتر او يقومون بحل المشكله بنفسهم على ضمان التركيب

حساس الأوكسجين ركبتها معها جديد

لكن الدبه الوسطيه و الخلفية انا اتوقع انها سليمه والله العالم
طيب كيف طريقة فحصها بدون فك

زين ما فيه اسباب ثانية تضعف العزم

طيب اخي الكريم : وماذا بخصوص باقي الدبات مثل الدبة الوسطية والدبة الموجودة في نهاية الشكمان هل انت متاكد من صلاحيتها ؟ وهل عندما ركبت دبات التلوث الجديدة ركبت معها حساسات الاكسيجين ؟
تحياتي

جزاك الله خير

لكن انا غيرت دبات التلوث مع المكينة لاني كنت شايلهم من قبل و خفت يأثر على المكينة الجديده وركبت جديد مع المكينة

وعليكم السلام ورحمة الله وبركاته
في حالة كان المحرك القديم يستهلك وقود كثير وكذلك يستهلك زيت كثير فمن الجائز ان يكون هنالك انسداد في منظومة العادم وهذا له تاثير سيء على عزم المحرك الجديد .
كاجراء اولي قم بفحص منظومة العادم ومن ضمنها دبات التلوث .
ابلغنا بالنتائج
بالتوفيق