سيارات الوكالة ؟

اعتقد الموديلات الحديثه ليست مثل الموديلات القديمه
فحسب علمي الجديد بان السيارات لاتحتاج الى تمرين اصلا
لان المحركات تطورت عن ذي قبل
ربما احد يسعفني برابط التقرير

يعطيكم العافية يا شباب و الله كفيتو ووفيتو و ما نكون اتعبانكم معنا ..

شكراً مرة ثانية ..

زي ماقالولك الاخوان لا توسوس
انا طلعت النترا 2014 وكالة وكنت ماتعدى سرعه 100 لكن جاتني حالة في الخط اني لازم اتجاوز تريلا وعطيت الموتر لين مشيتة 140 وبعدين هديت والله عادي ماصار شي ومن بعدها صرت امشي 120 عادي

لا توسوس وانا اخوك :a120(30):

شوف اخويا فترة التمرين اعتبراه خط احمر هو الفيصل غالبا في عمر المحرك و باقي الاجزاك المكياكنيكية
و حاول اقصى ما تروم تعديها بسلام و بعد تعب راحة
1- تسخين سيارة قبل طلوع ( اهم شي فترات الصباح لاتسمع من الي يقول السيارة ما يبالها تسخين و شوف كتيب فورد وانا اقول شوف خربات الفورد ) تسخين صباح (قصدي عندما تكون سيارة واقفة من اكثر 7 و جو زين ) يكون حوالي 2 او 3 دقايق يعني تركب و تسمي الله و دعاء ركوب و وربط الحزام و وضع القهوة الصباحية و تشغيل راديو و المكيف و تعديل الغتره هههه كل ياخذ 3 دقايق و باقي الاوقات اليوم ( سيارة واقفة اقل 7 ساعات وجو حار) يبالك تسخين دقيقة يعني تركب و تسمي الله و دعاء ركوب و وربط الحزام ورمي الغترة و لبس نظارة شمسية و تشغيل مكيف وراديو و في مشاوير القصيرة 10 او 20 ثانية
2- قيادة بهدوء و من دون انحرفات و تجاوزات قويةو كبس فرامل قوية و دخول مناطق رملية قوية و مطبات بسرعة
الزبدة خلك رايق و مرتاح
3- تسارع ببطى
4-عندما تغير القير من بارك و دي و رويس تاكد ان سيارة تكون واقفة كليا في تمرين و غير تمرين
5- وهذه النقطة الي تبغيها - اذا في خط السريع الاربي ام لازم يكون بين 2000 (2) و 2500 دورة
و انا انصح يكون الاربي ام (دوران المحرك ) 2 و تحت وعند ضرورة 2.5

تمرين يكون افضل 1600 الي هي 1000 ميل

موجود بالكتيب تمرين السيارة حتى 1000 كيلو
وحسن كتبي يقول 1600 كيلو
لكن تاكدت من الكاتالوج مكتوب فيه 1000 كيلومتر

التمرين عادة يكون انك ماتشد على السيارة وماتدوس فرامل بقوة قجأة

اصلا ما في شي اسمه تمرين السيارة

ألف مبروك الله يعطيك خيرها ويكفيك شرها وشر الحوادث

بسيطه جدا لا توسوس ما تضر