انخفاض RPM مع توقف المكينة .. صني 2013

ممكن تفحص حساس الهواء او البعض يسميه حساس الريس بجنب الثروتل ( أديل كنترول ) حساس السرعه الخامله ارجو اني وضحة لك

سيارتك على الضمان روح للوكيل لعمل برمجة للسيارة.

اذا كنت مستعجل عند لك طريقة ولكن فيها مغامرة وهي :

1- والسيارة طافية فك انبوب الثروتل فقط من دون فك أي حساس فيه
2- قم بفتح بوابة الثروتل بيدك وذلك بسحب البوابة بقدر نصف سنتيمتر فقط وبعدها اشبك الانبوب وجرب السيارة
اذا لم ينفع كرر العملية وافتح البوابة بيدك بقدر واحد سنتيمتر فقط ان شاء تنجح معك.

بالتوفيق

شكلها برمجه .. غيرت الفلتر بواحد جديد ونفس المشكله موجوده وفحصت كمبيوتر وكالعاده تصفيه ..
بس انا بشوف صناعيه ثانيه لن صناعيه العاصمه اكبر كذابيين

ياليت الي يعرف كيف برمجه منظم الهواء يعلمني ولا هوو عن طريق كمبيوتر ولا قطعه ولا ايش او ورشه محترمه يبرمج وينظف المنظم لن ذا عطاني مبلغ خيالي ولا طريقه البرمجه صعبه ..؟ والله يعطيكم العافيه ...

شاهدت المقطع. و هو كما وصفت لنا أخي.
رأيي تروح للعيسائي و تطلب إعادة برمجة طالما كل شيء تمام و ما فادك فصل البطارية. قبل الذهاب نظف الحساس ببخاخ إلكترونيات.

بلغنا بما يجري كي نعرف و نستفيد.

http://youtu.be/8hBeRlr7W8o
هاذا مقطع يوضح المشكله اكثر ...

الممشى حاليا 37 الف مابعد غيرت فيها شي الحمدلله ..لمبه المكينه او التشكك مو مشتغله لو اشتغلت رحت فحصت كمبيوتر بس المشكله طافيه .. الخراطيش كلها ممتازه شيكت عليها اكثر من مرره .. طيب ماتتوقع المشكله برمجه بس ...طيب وش يدريني ان الحساس يبغاله تنظيف بس
والله يعطيك العافيه

اهلين اخوي المشكله مو كذا ولمبه المكينه مو مولعه طافيه والسياره لها اسبوعين على عالاحال نفس ماهي مافيها تغير وفي الزحمات ماتطفى بس المشكله عندي في اول التشغيل واذا اشتغلت خلاص مافيها شي الامر غريب والله ...

و عليكم السلام و رحمة الله

أخوي وضح ممشى السيارة , و كيف أنت و الصيانة الدورية المذكورة في الكتالوج؟
لمبة المكينة تظهر بسبب عطل أو فصل أحد حساسات المكينة. و أعراض المشكلة التي تتكلم عنها هي من حساس الهواء MAF و الذي موقعه بعد فلتر الهواء مباشرة. قد يحتاج تنظيف و قد يكون خرطوش الهواء غير محكم الإغلاق أو أن به شق. هذه هي أسباب نزول الدوران RPM و التي يرافقها طبعًت رجة المكينة.

فتأكد من تركيب خرطوش الهواء + تنظيف حساس الهواء بنتظف إلكترونيات أو بخاخ منظف الكربيتر.

هلا اخوي حياك الله لا تخاف هدي

انا اعلمك ...

انت تقول انك فكيت اصبع البطارية واشتغلت لمبة المكينه تقصد الحمره او الصفره الي على شكله مكينه

اذا كانت لمبة المكينه الحمراء ما اقدر افيدك.. يمكن طرمبة زيت او حساس .

اما اذا كانت لمبة الصفره الي على شكله مكينه هدي من روعك لا تغلط غلطتي انت يوم فكيت الاصبع اشتغلت معك انا صارت معي لمن غيرت البطارية اشتغلت معي وبغيت انجن ورحت الصناعية كلهم يقولون برمجه ,لا تسوي فيها شي ابد شغلها والضغط بيلعب معك ما عندك مشكله بتقعد معك ثلاث ايام وبتطفى من نفسها بس انتبه تدخل في زحمات لانها بتطفى عليك وتضطر تفصل البطارية وتركبها عشان تشتغل معك

اقعد در حول البيت وحاول انك ما تدخل في زحمات دام اللمبه مولعه بعد ثلاث ايام او يومين بتروح معك لا تشيل هم .

انا معي سوناتا 2011 وتصير معي اذا فصلت البطارية او ركبت وحده جديده تبداء السيارة تنتفض وتطفى اذا وقت بس بعدها اذا راحت اللمبه ترجع السيارة طبيعيه انتبه لا تبرمجها .

انا بجرب واغير الفلتر ثم اشوف الحساس ,, بس مدري ماتوقع منهم لن المشكله جت بعد فصل البطاريه مباشره فاغلب الورش قالو برمجه ومادري صادقين ولا ...