سيارتي الهايلكس ... 13 سنة استخدام وكرف ... شكراً تويوتا ..

تويوتا من 2006 أنشأت مجموعة السيارات التجارية او الاستخدام التجاري بمحرك وقير واحد

هايلكس وفورتشنر وهايس وكوستر واينوفا

مجموعة الكرف من تويوتا هههههههههههه

تجربة رائعة وغير مستغربة بما ان الهايلكس من تويوتا الأولي ايام التصنيع بذمة

مع ان كل الشركات حاليا شغلها ربحي إلا ان تويوتا لا زالت محتفظة ولو بالقليل مما تشتهر به في الماضي من الاعتمادية

الاعتمادية هي سبب شهرة تويوتا عالمياً

عندنا بالشرقية توصل أسعار جمس بورفرف موديلات 79 إلى 70 ألف ريال لمكينة 454 إذا كانت السيارة نظيفة من الصدام للصدام

لما كنت بالثانوية كان طالب عنده بو رفرف 79 مكينة 400 نظيف وكالة جو له ناس يبون يشترونه بـ 45 ألف ريال ولا باعه لأنها ورث من جده لأبوه إليه

احسنت انا ايضاً لي تجربه مع شركات عده

ووجدت راحتي مع تويوتا

لا مشاكل ولا صيانه ياربي لك الحمد

فعلاً الياباني تشيله بس مايشيلك
والامريكي يشيلك بس ماتشيله

مقارنه بسعر الجديد الحين 2014 بدون دبل سعرها تقريبا 90000 انا اشوف 36000 والموتر نظيف مافيه ولا صدمه على قولة المالك طبيعيه فيه
تحياتي للجميع

شخصٌ حرٌ في ماله و حلاله :)

اعرف 2 من الشباب عندهم هايلوكسات 2002 2003 وكلهم طقت قيورهم وهو قير عادي , وانت سيارتك ماشية قليل طبيعي تكون ما تطلب منك قطع ممشاها بسيط مقارنة بموديلها .
ابسألك منهو هالغبي اللي شراها منك 36 الف ؟؟؟؟؟؟؟ واااااجد

يعطيك العافيه عالموضوع ماقصرت يالغلا هذي الهايلكسات اللي عليها الكلام الى 2005 وبعدها اسم هايلكس ماهو مثل القديم وخاصه من 1998 الى 2005
تحياتي لك

حياكم الله جميعاً أحبتي ،

الاخوة اللي يقولون ممشاه قليل ، نعم ممشاه قليل بالنسبة لسنين الاستخدام لكن مرت عليها سنين في طرق وعرة وكانت صلبة ماتسمع فيها قرقعة او تفكك حتى بعتها وفرق بين سيارة سيدان تمشي في الاسفلت وسيارة تستخدمها في كل مكان واعرف ان فيه سيارات كثيرة تستحمل ماوقفت على موتري لكن انا ذكرت اللي واجهته :)




الغريب كانوا يطلبونها مني ناس كثيرين قادرين على شراء الجديد لكن يقولون نبي القديم يتحمل ويصبر أكثر ،

الله يبارك للمشتري ويعطيه خيرها ويكفيه شرها

تقول ماخليت ديره مارحت فيها وممشى السياره 270 الف في 13 سنه
سيارتي كابرس 2007 وسفرياتي اقل من سفرياتك والحين سيارتي مشت 300 الف في 7 سنوات
والحمد لله ماغيرت فيها بريال واحد سوى فحمات واشياء استهلاكيه بسيطه

لو كل السيارات زيها

كان خسرو

الهايلكس معروف باعتماديته لدرجه ان برنامج توب قير جاب هايلكس ويبون يحطونه باختبارات عشان يتعطل، رموا السياره من مكان مرتفع، صدموا بالسياره احرقوا السياره وبالاخير غرقوها بالمحيط بعد ما ربطوها بسلاسل عشان ما تضيع وعقب هذا كله ظلت شغاله بدون مشاكل

انا ماقلت شي ... ولا عندي اي اعتراض :smile:

الله يبارك لك في حلالك وحلال المسلمين يارب
ما شاء الله عليك ماتمشي ياخوي .. الناس في ال 13 سنة توصل ال 3 او 4 اضعاف هالمشي
بس بدون نقاش الهايلكس على ايامك سيارة اسطورية في التحمل لكن ما نقدر نقارنه ابد بالهايلكس الحالي
وهذي اكيدة ومعروفة بداية بالصدامات اللي ترفرف مع الهواء ومرورا بالدواسة الاليكترونية وانتهاء
بأصوات كثيرة في الكبينة ماتدري من وين بس تضل الاكثر مبيعاً بسبب قناعات الناس ونشاط القطاع
التجاري (الشركات) واللي تركز على سيارات النقل الخفيفة وطبعاً الشركات تحب تعتمد على وكلاء
كبار امثال وكيل تويوتا لدينا.

ونقول مبروك الموتر الجديد يارب وان شاء الله يبيض الوجه معك مثل موترك الاول واكثر

هذا يدل ان فلوسك حلال
والله أعلم

الهايلوكس جودة وعملية عالية للان السيارة لايوجد فيها اي تقتنيات معقدة
متعة قيادة السيارات القديمه رائعه

انت تعتبر محافظ ماشاء الله

انا سيارتي السابقة مشت 240 الف كيلو في ال 5 سنوات

لكن الهايلوكس معروف بجودته ماشاء الله

الله يبارك للمشتري

بس تبي الصدق
ممشى 260 مره قليله
وفي سيارات كثيره مشت نفس هذا الممشي بدون اي خرب فقط قطع استهلاكيه
ومنها سيارات سيدان