السلام عليكم ورحمة الله وبركاته
ماهي الصيانه اللي اعملها للسيارة خاصه اني اخر صيانه 75الف كم ؟
وكم فترة زيت القير ؟
وشكرا ...
السلام عليكم ورحمة الله وبركاته
ماهي الصيانه اللي اعملها للسيارة خاصه اني اخر صيانه 75الف كم ؟
وكم فترة زيت القير ؟
وشكرا ...
يا خوي كثير 75 الف ما تعمل لها صيانة !!!!!!!!!!!
لازم كل 5000 او 10000 تغير زيت المحرك مع الفلتر حقه ،، ونا افضل انك تحط زيت طويل الأمد 10000 افضل واريح لك
و كل 50 الف تغير زيت القير مع الفلتر حقه إذا موجود له فلتر
وكل 50 الف هم غير البواجي افضل
غير فلتر المكيف ،، غير فلتر الهواء
بس هذي الصيانة الأساسية ،، سهله وما يبغيلها شي !!!
الله يبارك لك في السيارة
عليكم السلام ورحمة الله وبركاته
ارجع للكتالوج وفيه كل شي يحتاج تغيير
زيت القير غالباً يتغير كل 100 الف كيلو ؛ فلتر بنزين ؛ بواجي ؛ سيور ؛ فلتر هوا ؛ فلتر مكيف ؛ غير ماء الراديتر ؛ فحمات امامي و خلفي اذا سبق غيرت امامي فقط ؛ تشحيم ابواب وبانوراما ؛ وزن اذرعة ومقصات ..
والزيت مثل ما افادك حبيبنا رحال خذ شي يمشيك عشرة الاف مثل شل هيلكس او ماجنتك او غيرها ؛ فلتر الزيت خذه من محلات القطع لاتاخذه من البناشر ؛ اتمنى اكون افدتك وتقبل مروري
يعطيك العافيه اخوي ابو عبدالله كفيت ووفيت تم نسخ ملاحظاتك بورقه خارجيه
فعلا غيرة الفحمات الامامي فقط لاكن على كلام الوكاله دام الفحمات فيها عمر وعندك مشاكل فيها خليها
وفي الكتالوج يقول كل 100 الف كيلو لاكن اشوفه اكثر صراحه باني شفت كم واحد غيره قبل الفترة هذي ويقول لا باس به
وبخصوص المكيف ومستقاته يقوم يصلح صيانه له
وبخصوص الزيت ودي اغيره ل10000 كم لاكن متردد
وانا متعود كل بدايت صيف اصلح صيانه لسيارة واغير الكفرات ولا في الجو البارد الوضع اوكيه والزيوت لا تستهلك مثل بالجو الحار
وشكرا
بالنسبة لزيت القير ياغالي انصحك تغيره كل 100 الف لان لو قدر الله سود وغيرته يضرب عليك القير لكن ممشى 100 الف مناسب ..
لان فيه ناس حريصين بزيادة خاصة الوكالة وحرصهم للشفط يغيرونه كل 60 وهذا ممشى قليل ؛ لكن 100 الف افضل واسلم لك مستقبلاً ..
بالنسبة للفحمات غيرها قبل تتاكل تقريبا تمشيك من 60 الى 90 الف الامامية والافضل تغيرها قبل تاكلها عشان ماتحتاج تخرط الهوبات لان الخرط يقصر عمر الهوب ..
بخصوص الزيت اغيره كل عشرة الاف ولله الحمد ومن افضل مايكون ؛ والزيوت الي تمشي عشرة الاف وفوق لاتخاف منها لانها زيوت تخليقية بالكامل وليست معادة التصنيع مثل بقية الزيوت ؛ انا بالنسبة لي اخذ الزيت الموصى به من هيونداي وهو شل هيلكس ولكنه غالي نوعاً ما لكن يمشي لحد عشرين الف لكن اغيره كل عشرة الاف ؛ اخذه من محلات الجملة تطلع علي العلبة تقريباً بـ31 ريال ؛ علماً ان قيمة العلبة بالبناشر 55ريال..
وسبق ومشيت عليه 12 الف كيلو وغالبها سفريات وسحبت العيار وماشاء الله محتفظ بلزوجته وعدم تبخره وهنا صورة له
وافضل لزوجة 5w30 او 5w40 ..
ارجع واقول تاكد من الكتالوج من الاشياء الي تحتاج تغيير واذا بالسيارة سير التايمن الي داخل المكينة غيره واتمنى لك التوفيق
وشنو سير التايمن هذا ؟