اصحاب الكابرس وش رايك

من 2007 وطالع حلو و من القير اللي يجي 6 سرعات و 8 سلندر احلى و احلى

موديلات 2006 وتحت انسى

اهم شي غير زيت و فلتر اصلي و استخدم ( لزوجة ) صحيحية و التزم بجدول الصيانة بتمشيك 300 الف بالراحة ما بتغير الا اقمشة و مساعدات و فلاتر

مبروك مقدما

اذا بتكرف السيارة داخل المدينة ما انصحك فيها وخذ لك سيارة اقتصادية زي الاكسنت و اللانترا لانها تبقي ارخص تكلفة مقارنة بسيارة من الفئة الاعلى ( الكابريس و الافالون )

انا كان معي 2005 وصح خرابات الحراره لاكن عدلوها بالشكل الجديد وشريت 2008 ولاعمري وديته لورشه والحين معي 2013 ماشاء الله زي العسل ماشي معي وماشي كثير عليه خلال سنه تقريبا 90000 والحمد لله ماشتكيت من حاجه

بسم الله
تجربتي كانت مع كابريس 2007 .. أسود .. 6 سلندر .. ال اس .. مرشوش كامل ماشي 100 ألف .... استخدمته سنه ومشيته 55 ألف .. سافرت فيه من عرعر الى جيزان ومن المدينة المنورة الى دبي .. خلال سفري سرعتي بين 200 وال 220 كيلو دائما .. احتجت الى تثبيت يد باب الراكب مرة واحتجت الى تثبيت قطعة أسفل الدركسيون كلبسها انفك ... لكن محركات من مكينة وجيربوكس فهي قمة الجمال
وبعتها لاكمال الدراسة
قبل يومين وبعد 3 سنوات من الاغتراب .. اشتريت 2009 أسود ال تي زد 6 سلندر من أحد الأقارب تلفونيا لأنني عائد لأرض الوطن قريبا

الكابريس 2007 وفوق بالاستخدام تنتمي الى السيارات الأوروبية من ناحية التعليق والدركسيون ولا تقارن الجراند ماركيز (( المريحه )) بالكابريس
الجراند ماركيز على سرعة 170 الفصلة لا تقارن بثبات وروعة الكابريس على 220 بالسفر وقوة المحرك كذلك

لذا .. الله يجيبلك الكويسه اللي مو مهترية .. لأني نصحت صديق واشترى وحدة .. وغير كومبريسور مكيف بأكثر من 4000 ريال غير المشاكل الثانية
قطع غيارها ليست رخيصة ابدا .. يعني لا تصدم الله يخليك هه

بالتوفيق

أسأل مجرب ولاتسأل طبيب

شف يالطيب انا مجرب 3 موديلات
2000 و 2006 شريتها جديده وعلى يدي وكاااله ومحافظ عليها لاكن للاسف شيبتني بالخرابات ... اكثر الخرابات الي بهذلتني كهرب وحراره والمكيف خصوصا الي غيرت كل شي فيه ولا صلح في موديل 2006 مواسير على كمبرسر على ثلاجه ولديتر بميلغ فوق 14 الف ( ولا ظبط) بعتها ب 11 الف
وشريت 2008 مع زميل معي بالعمل بسعر معقول
جلست معي حول السنه وفجاءه الموتر صار فيه دقه مع التعشيق (قروشتني) رحت فحصت قال السوري القير على وشك ,,,,, ولا ردني الا المكرفون

نعم اوافقك الراي
خرابات وشفروليه تووبه اشتري منها
اذا هاوي امريكي. خذ من فورد تورس
واذا ياباني خذ من هوندا او تويوتا

نعم الكابرس خراباته كثيره وقطعه غاليه واسترالي (هولدن) الجوده تعبانه والي يقولك عكس هالكلام هو للاسف متعصب .

ونصيحه اخويه تاخذ افضل سياره سيدان انتجت في الولايات المتحده ( كراون فكتوريا ) ومش هاتندم واسال مجرب ولا تسال طبيب :xyxwave:

السيارات مثل ماتعاملها راح تنعكس عليك

يعني انت تسال عن الكابرس
يجيك واحد يقولك خربات لكن شوف كيف يسوقها و يتعامل معها و انتظامه بالتشييك عليها سواء التشيكات الاساسه او الدوريه
او يكون محافظ عليها لكن فيها عيب مصنعي ومتبهدل معها و هذا وارد في كل السيارات دون استثناء

ويجيك واحد محافظ عليها و ماشاف منها الا كل خير و اكيد راح يمدحها

يعني يعتمد عليك كامستخدم كابرس. مرسيدس . بوقاتي الي هي السياره

وبالتوفيق

يعطيك العافييه يا SMSM :smilie16: