الله يعطيك العافيه يا محمد شكرا لعى التجربة
الابيض صراحة راااائع اما الداخلية ماعجبتني لون سيارتي بليديم سلفر و من الداخل اوف وايت المقاعد و الداش اسود و خشب بيانو اسود
عيوبها الشاشة صغيرة والنظام الصوتي دون المستوى و القير العلاقي غير كذا تستاهل كل ريال اندفع فيها
الله يعافيك اخوي انرجي
بالنسبة للشاشة الان اكثر الشركات تتجه للشاشات الكبيرة ومنها مرسيدس بالـS كلاس الجديدة ، لكن مدري ليه مخلينها بالحجم هذا بالـE والـC بعد
في الحقيقة فاني افضل الالوان المطفية ( المييت ) على الفئة E لانها تخليها رياضية وفخمة
الله يعطيك خير السيارة ويكفيك شرها ويبارك لك فيها
حبيت اضيف كم معلومة بعد اذنك اخوي محمد
سعر السيارة 248 الف بكت اي ام جي
سعر اول صيانة 1800 زيت و فلتر. و برمجه و فل تشيك اب
سيارتي طاحت في حفرة الله لايعيد الشر. و تم فحصها في الوكاله حق الفحص اخذو مني 950 ريال بس الحمدلله طلع الجنط سليم و السيارة سليمه
تم اصلاح التنده كان فيها اصوات زقزقه على الضمان
السيارة سوو فيها حركة مالها داعي ان الموديل السابق e300 amg عن واحد من زملائي فيه نظام التشغيل بدون مفتاح و البصمة و الشنطة شفط هيدروليك و الداش بورد جلد مخيط اما سيارتي مافيها من هذا كله
خذ راحتك ومعلوماتك تفيد القارئ ان شاء الله
بالنسبة للمواصفات الوكيل في الغالب يقلل بعض المواصفات في بعض الاحيان عشان يقلل من تكلفة بيع السيارة ، لكن يقدر الواحد يطلبها بزيادة بالسعر وبتكون طلبية وراح تقعد عدة اشهر لين توصل له
اتمنى من مرسيدس عموما اعادة النظر بمواصفات الاستاندر
استاذ محمد
مجهود رائع يعطيك الصحه والعافيه
وبانتظار جديدك شكرا لك
الله يعافيك اخوي منذر حياك الله
ياخي والله هذي السياره احترمها دايم اذا شفتها اهدي واذكر الله واتأملها تأمل العاشق لحبيبته :blue:
بصراحه اعجبني تفصيلك للسياره من إلى وخصوصاً الصور مابقيت شي
واحس سهلت للكثير انه يروح الوكاله يشوفها ويتعرف على مميزاتها
ويعطيك الف عافيه ،
[SIZE=3]وصراحه انا معجب بالسياره هذي خصوصاً إذا جات AMG اباً عن جد :smilie20:
لكن هناك شيء بالسياره ماعرفته
الازرار جميعها ياليت توضح اذا عندك خلفيه
واخيراً الله يعطيك العافيه ، وماقصرت جهد مشكور عليه
[/SIZE]
الله يعافيك ، والسيارة هذي حبيتها خصوصا مع كت الـAMG
بالنسبة للأزرار فهي كالتالي :
* الازرار الي على اليسار ( S و E و M ) فهي لوضعيات القيادة ( سبورت ومانيول و E )
* اما الازرار الي حول الماوس فهي للتحكم بالشاشة:
- السهم المعكوف هو زر الرجوع ( back )
- زر حرف الـC يستخدم للمسح حسب ما اذكر
- اما ازرار النجمة ناسي وش وظيفتها لكنها ثانوية
اتمنى اني افدتك اخوي
ما الفرق بين ال300 و ال350
من حيث المحرك والمواصفات وشكرا
حياك الله اخوي .. يوم كنت بالوكالة قال لي الموظف انهم موفرين الفئة 350 للي يبغى خيار بمحرك اقوى ، لكنها لازم تكون طلبية على حسب كلامه
المواصفات انت تختارها ، اما فرق المحرك فهو كالتالي ( حسب موقعهم الرسمي ) :
تقرير روعه لسيارة اروع , يعطيك العافيه ..
اخ محمد اذا ماعليك امر تجرب لنا كاديلاك CTS 2014 الجديدة , وتعطينا رأيك فيها , السيارة متوفرة عند الوكيل
الله يعافيك اخوي .. وبالنسبة لكاديلاك ابشر .. قاعدين نتواصل مع شركة كاديلاك وباذن الله نجربها باقرب فرصة
التقرير رائع وشمل كل شي بالسياره , بس اللي مستغرب منه انها تشتغل بمفتاح حسب الصور مو بصمه
شي غريب من شركه تعتبر فاخره في عالم السيارات
لكن تبقى مرسيدس بنز رائعه والداخليه عجبتني كثير
اشكرك
شكرا لك اخوي العزيز ابو صقر
بالنسبة للتشغيل بزر خو خيار اضافي تقدر تطلبه مع زيادة بالسعر
وحش شرس الوجهية كلااااام كبير وكمية الفخااامه شي خياااال رووووعه
بس لازال عندي تحفظ في شكل الخلفية على جنب ... كان يمدي مرسيدس تسوي الخلفية افضل من جذي
اما البااااقي في السياره فهو كتله من الجماااال والفخامة والاداء والتميز
حياك الله
البصمة ميزة اختيارية حتى المقاعد الجلدية اختيارية الستاندرد قماش ويدوية
وممكن تكون بدون حساسات ولاانوار LED وانما انوار هالوجين صفرا وبجنط 16 بعد :bigggrin:
هالشي في كل منافسينها الألمان سواء الفئة الخامسة والا A6
تبي تنصدم فعلا شوف هذي الاس كلاس بمقاعد قماش
شكرا لك اخ محمد على التقرير
العفو اخوي العزيز S80 .. نورت الموضوع
