كنت امس عند الجميح لمشاهدة كاديلاك CTS 2014 ..انصدمت

سعرها مقبول مقارنه بالكزس ؟؟؟؟؟

فروقات السعر الكبيره بين بلد المصنع وبلد المستهلك
يدل على فساد كبير عند الوكلاء
وأقل ربح لأي سياره عند اي وكيل لاتقل عن 20 الف ريال للسيارات الصغيره
وكل ماكبرت الفئه كان الإستحواذ في الربح اكبر ..
طبعا لاننسى هناك حالات شاذه يكون فيها الربح مبالغ فيه جداً
وعيني عينك ياحماية المستهلك
ولاحولك احد

كلام تعبيري خال من الصحة
الشركات الاوروبيه والالمانيه مشهورة بعدم العملانيه + غلاء الصيانة + غلاء قطع الغيار + ولاعمرها نافست في مجال المبيعات

وفي السوق الامريكي جميع الشركات الاوروبيه تتنافس على اقل من 30% من السوق



جي ام
فورد
وكرايسلر مسيطره عالسوق
تايوتا داخله غلط
وقريبا بتنتفها فيات كرايسلر :smilie16:

قدها نتفتها في سبتمبر


أزعجونا حقين الالماني تقل سياراتهم نازله من الفضاء
تقنيات وتقنيات
محركات اثريه لها فوق 25 سنة ماتغيرت
تقنيات ووسائل سلامة الحين تلقاها حتى في الصيني
ومكاين لتر و 2 لتر وتيربو و3 تيربو خخخخخخخ
يقولك الاحصنه ماتهم اهم شي في الحلبة <<<مقطعين الحلبات اسم الله عليهم
وتلقى السيارة ناقص مواصفتاها ب نص مليون. مافيها ميموري ولا تبريد كراسي ولاتسخين طاره ولا رادار ولا مثبت متكيف ولا حساس مطر وتخشيب أي كلام لأن اذا تبي تخشيب طبيعي تشتريه باكج لحاله وخذلك << وبالأخير يقولك مواصفات ممتازة
وكله كوم وقرابيع أودي الفاخره السحب الأمامي كوم
:bigggrin:

يالله
هاردلك

كيف لاتقارن بالألماني

عطني الاشياء والتقنيات الموجودة بالأملاني وماهي موجوده بالكاديلاك

غير الاسعار المبالغ فيها الي 70% منها ربح صافي للشركة :smilie16::smilie16:

ألمانيا واليابان إستسلموا لأمريكا وإنجلترا في الحرب العالمية الثانية

والآن ألمانيا واليابان راكبين فوق أمريكا وإنجلترا كل شوارعهم لكزس وهيبرد وتويوتا ومرسيدس و BMW و AUDI

الـ CTS الستة سلندر (توين تيربو تشارجد)
موجودة في الشرق الأوسط ، 321 حصاناً
قيمتها بعد الخصم 240 ألف ريال

ويتوافر منها 4 سلندر (فل أوبشن)
بسعر 200 ألف بعد الخصم .

موجودة لدى وكيل كاديلاك في الدوحة .
(المشاركة : يوم الإثنين 17/11/2014)

بغض النظر عن حجمها والمواصفات انا اشوف سعرها مبالغ فيه جداا , والخيارات افضل واكثر ..

الكاديلاك اخت شفرولية لكن صممة للفخامة
سعرها مرتفع زيها زي اللينكولن على الفاضي

الله يكتب اللي فيه الخير

وانا كذلك شفتها بالأمس عند احد الجيران

السيارة حجمها صغير عكس الصور

السيارة ليست من فئة الأفالون ولا التوريس، السيارة من نوع med-size sedan وفعلاً الجيل السابق كانت ضيقة في الكراسي اللي ورى، ثانياً مواصفات الفل اوبشن اللي بسعر 260 الف تقريباً مواصفات فخمة جداً، طبعاً لا تقارن بالألماني ولكن تظل مواصفات قوية، مثل:

1. المحرك 3.6 لتر بقوة 300+ حصان (ولو انه مخيب للآمال والمفروض أدائه أحسن لكن يظل قوي)
2. فتحة سقف بانوراما
3. أنظمة السلامة مثل التحذير من التصادم والنقطة العمياء والتحذير من الخروج عن المسار ونظام الثبات الالكتروني والتعليق المتطور وفرامل من نوع Brembo
4. سماعات ماعرف كم عددها لكنها من نوع Bose الممتازة
5. الشكل المميز والجميل في نظري
6. غير المواصفات اللي ماندري عنها

لو بتشوفونها بتلاحظون ان بنفس السعر نقدر ناخذ مرسيدس E300 ولكن بمحرك أقوى

لكن في الأخير انا افضل المرسيدس :p لكنها خيار جيد جداً

انت غلطان السياره ليست صغيره كما تقول فهي مريحه جداً بالداخل بعد التجربه, لكن المقاعد الخلفيه تتسع لشخصان و صعب جدا يجلس شخص بالوسط بسبب إرتفاع الأرضيه بالوسط بشكل غريب جداً و اعلى من باقي السيارات السيدان !

لكن معاك حق السعر مبالغ فيه جداً و سخيف و تأتي بـ4 سلندر تيربو, المحرك قوي, لكن مع احترامي لن ادفع هذا المبلغ على سياره 4 سلندر ولو كانت كاديلاك, و لا اتوقع كونها هادئه جداً مع هذا المحرك على الطريق السريع و مع 6 غيارات فقط!!)
(أيضاً السياره لا توجد فيها حتى كميرا!)

بالمختصر السياره يمكن إقتنائها بالفئات العليا (لأنها تأتي مدججه بالميزات) و ليس الفئات الدنيا (شكل عالفاضي)...

شكراً..

سعر الكاديلاك وجي ام عموما بداية العام يكون مرتفع و ضارب السما شي معروف

بالنسبة للمرسيدس قد تكون اسعارها تبدا اقل لكن شفت مواصفاتها ؟؟
يمكن اكسنت فل فيها مواصفات اعلى منها

يعني الكلاديلاك الاستنادر يقارن بالمرسيدس نص فل كحد ادنى

وحتى الفئة C سواقتها بايخة مقارة بالكلاديلاك و الفئة E مهي بالمستوى المميز

والله الكاديلاك حلوه لكن سعره غالي، المشكله عند اغلب الشعب انه خلاص اختصر الفخامه في الاوروبي، يعني مهما جت سيارات فخمه سواء من اليابان ولا كوريا ولا امريكا ما يقتنعون انها فخمه وتستاهل فلوس اللي يندفع فيها

انت شكلك شفت فئه الاربع سلندر فل اوبشن، ولا يغرك الاربع سلندر ترا معه تيربو يريح المكينه ويخليها اقوى. اما بالنسبه للمقارنه بصراحه مدري وش اقول، ناس يقارنونه بالـ Q5 :confused1:





،،،،

اما اذا كان المقصد من الموضوع طقطقه على الجميح، فانا معكم قلبا وقالبا وكلامي اللي فوق وكانكم ما قريتوه هههههههههههههه

هذا المحرك ما تنزله كدلك في الشرق الاوسط وهو محرك ذو شاحنين توربينيين (2 turbo)

انا قارنتها نفس مواصفاتنا وسعرهم ارخص بكثير

مقارنتك عزيزي غلط في غلط
اولا السعر هذا قبل اضافة اية مواصفات وتقدر تضيف مواصفات زي اللي موجود عندنا وتشوف السعر
بعدين السيارة فيها مواصفات تتفوق على كل اللي في السوق من منافساتها
اولا محرك 2.0 تربو 272 حصان دفع خلفي جلد نابا مع خشب اصلي او المنيوم او الياف كربون و انوار ليد امامي و خلفي و نظام النقطة العمياء و منضام التحذير من التصادم مع امكانية ايقاف الفرامل و فرامل بريمبو الرياضية و نظام عرض العدادات على الزجاج الامامي و مراتب مكيفة و مدفئة بالامام والخلف و نظام كيو للترفية كل شي باللمس مع نظام بوز وفية نظام عزل للاصوات الخارجية و صيانه مجانية لمسافة 100 الف كم
اما الاخوان اللي يقارنوا مع الالماني اقول شوف مواصفات الالماني اول بعدين احكم
الاودي اي 6 و البي ام الفئة الخامسة مكاينها 2.0 بقوة 185 حصان و المرسيديس 190 حصان و مافيها انظمة سلامه زي الكاديلاك او مواد فخمة زيها يعني المرسيدس و البي ام جلد مو اصلي بالعربي انت تشتري اسم اما لوحبيت نفس مواصفات الكاديلاك بتدفع اقل شي 60 الف اكثر من الكاديلاك

200 الف بصراحة مبلغ ضخم جدا على اربعة سلندر ..

لكن بصفة عامة الكاديلاك في الاونة الاخيرة تشتغل صح ..

بس لو يراعون مسألة الاسعار المرتفعة فقط ؟؟

أنا أخالف أبو سهر في كذا نقطه :
1- لما تقول 200 ألأف كثيره في كدلك أقل فئه , ترى ذي كدلك مو تويوتا .
2- الحجم طولها 5 متر تقريبا , سياره سيدان طولها 5 متر تقريبا تقول صغيره وضيقه !
3- لما تقارنها بأفلون أو تورس ترى الأفلون و التورس واسعه وكبيره والكدلك يمكن أوسع لانه علامه كدلك علامه فخمه مو تجاريه فقط .
4- السياره تقارن ب BMWالفئه الخمسه و مرسيدس E و C و أودي A6 .
5- لما قلت 6 سلندر" الفل أوبشن" تستحق 170 ألف ! , كدلك فل أوبشن 170! شوف مواصفات ال6 سلندر في الجدول أدنى:
ctsالإسطوانات6سعة المحرك3.6عدد الأحصنه420عزم الدوران430التسارع4.6عدد السرعات8نوع الدفعخلفينوع المقويتوين تربوالإستهلاكفي كل 100 كيلو متر تستهلك 11.1 لتر



أسف على الإطاله