جيب رانجلر أنليميتيد 2014

طيب شفيك معصب هدي بالله يارجل :a120(115):
الرجال حب يطرح تجربتها و على طول حكمت عليه إنه حكم بدون تجربه كل ذا تعصب ههههههههههههههههههههههههههه
أنت تبيها تويوتا أحسن شركة ؟!
خلاص و هي لك تويوتا أحسن شركة في كل شي من ناحية الخيارات و المواصفات
و مافيه شركة تصف جنبها , تويوتا لك و للعمر
كذا زين ؟ رضيت إللحين ؟!

اقرا الموضوع عدل انا ما قلت سمع انا جربت وشريت و خسرت وعانيت.وانا جربت الاثنين وقارنت بينهم اما انت تكلمت عن الاف جي وذميته وانت ماجربته ومشيت على وكالة يقولون.
ما قلت له كم شريت الروبيكون اللي فيه دف لوك و كم سعره مقارنه مع الاف جي الفل؟؟؟؟
ما قلت له عازل السقف هل عزله مثل عزل الاف جي و هل الارضية معزوله عن الحرارة والضوضاء و اذا يبي يركبها كم تكلفه؟؟؟
الاف جي اهدأ من الرانجلر لانه سقف مسكر و مصبوب يعني صوت هوى فقط لكن الرانجلر صوت و تنسيم هوى!
اغلب اكسسوارات الرانجلر تشتريها علشان تسد عوامل النقص اللي فيه مثل عازل السقف قفل غطاء المكينه مسكات الركاب وووووو.....الخ يعني انت تشتري هيكل و تقط عليه مبالغ وقدرها و يوصل سعر الموتر دبل وفي النهاية علشان يكون في مستوى الجيوب الحالية

الف جي معروف سيارة كد ومد ويكفي انها تويوتا فبأي عقل تقول انها اشتهرت بالتهريبات والمشاكل وكأنك اتلكم عن سيارتك بعد 5 سنين.
عند اخوي اف جي امريكي موديل 2008 و يوم شريناه كان ماشي 135 الف ميل والى يومك ما غيرناله الاكفرات والزيت والفلتر و انت عارف استخدام الامريكان للجيوب ما يخلون ارض صخرية الا وطبوها لكن الموتر ماشاء الله يوم فحصناه عند الفحص بالكمبيوتر طلعوا نسبة المكينه 85 % تصور سيارة عمرها 6 سنوات وهذي نسبة مكينتها
خلنا نشوف الرانجلر بعد 6 سنوات باي حالة يكون

اللي كان عندي استخدام يومي و الرمل ما قد شافه ما مداني انزل فيه بر نفس ما قلت لك بعته على 16500 كم وعنت مدلعه آخر دلع و كل صيانه اعملها في الوكالة

من رأيي مافي سياره تخلو من المشاكل
الاف جي فيها مشكله تهريب الزيوت من صوفه المكينه الامامي و صوفه الدبل بالاضافه الى ماطور تعشيق الدبل دائما يخرب.

النيسان الاكستيرا فيها مشكله الدبل الامامي دائما يكسر التروس.

بالنسبه للاكسسوارات اكيد فيه فرق بالمواصفات ولاكن اعتقد 2014 تم اضافه بعض المواصفات للسبورت و اصبحت معقوله مقابل السعر.
عازل السقف راح تحتاجه اذا كان السقف اسود مجرد ما توصل درجه الحراره 32 او فوق راح تحس بالحر و السياره من داخل كانها فرن.

صرفيه البنزين على سرعه 120 ماراح تحس بالصرفيه
على سرعه 140 راح تحس بالصرفيه شوي
على سرعه 160 راح تحس بالصرفيه بشكل كبير.

اما من ناحيه العيوب الى الان ما شفت عيب غير اللي ذكرتها بالرد السابق.

سياره عمليه في رائي غير ممله ابدا و انا اعتبرها لعبه للكبار.

أشكرك rs20de
.... وتتهنى بالجيب الروبيكون إن شاء الله ،، حاب أسألك هل السبورت يختلف عن الصحار بالإكسسوارات حجم الإطارات فقط ؟ يالنسبة للحر فالحرارة عندنا لا تتحدى 38 درجة في ذروة الحر ونادرا تصل 40 درجة غير تغير الجو عندنا ثلاث شهور ماطر وموحل وطرق جبلية صخرية بالإضافة للصحراء لكن نادرا ما أزورها ،، لذلك شدني الرانجلر أنليميتيد 4 ابواب مع إستخدام يومي للبر وللطريق العام ،،، فمارأيك كمجرب ؟

خذ القصه كامله مني
انا املك رانجلر 2014 روبيكان اربع ابواب.
السياره مشيت فيها 6 الاف كيلو خلال اول شهر بدون اي مشاكل
طعست فيها مره وحده بدون مشاكل.

الفرق بين الروبيكان و باقي انواع الرانجلر ان الروبيكان يجي الدفرنشات كلها من شركه دانا و مقاس الدفرنش dana 44 معروف بقوه تحملها و اقرب دفرنشات تتحمل مثل الرانجلر هي دفرنشات الباترول.
ياالاضافه الى انه فيه دفلوك امامي و خلفي فقط فئه الروبيكان بالاضافه الى امكانيه فصل عامود التوازن و انت داخل السياره و يعطيك مرونه كبيره في المناطق الحجريه.

بالنسبه لمشكله الحر بالصيف و ان المكيف ما يبرد هذي امرها بسيط جدا و تقدر تشتري عازل للسقف من شركه موبار وهي شركه تابعه حق كريسلر و جيب و دوج عندهم عازل للسقف سعره تقريبا 1100 ريال و راح تنسى مشكله الحراره بالصيف.

هذا مقطع يوضح الفكره و كيف تركب العازل على السقف متوفر للباب واحد او البابين

http://www.youtube.com/watch?v=73VliIgDPTc

قطع الغيار هذي مشكله الوكيل و راح تعاني منها الا اذا عندك امكانيه تطلب القطع من امريكا عشان ما تتوهق.
انا اطلب كل شي من برا و ساحب على الوكاله ولا عمري رحت لهم.
بالاضافه الى ان القطع من برا ارخص من الوكاله و تقدر تلقى تجاري او قطع امريكيه جودتها ممتازه باسعار جدا معقوله.

السياره عمليه جدا و خصوصا بالمناطق الحجريه مافي شي يلحقها ابدا لا نيسان اكستيرا ولا تويوتا اف حي.

اعطالها قليله و ماعليك من وكاله يقولون اغلب اللي يتكلمون يقولون سمعنا ان اعطالها قليله و خويي كان عنده 2008 باب واحد روبيكان و ما اشتكى منه مشى فيه اكثر من 100 الف بدون مشاكل.

الفرق بين المكينه القديمه و الجديده فرق السماء عن الارض الجديده فيها نشاط واضح سواء بالشارع او بالبر.

صوت الهواء مايفرق كثير عن الاف جي كلهم تقريبا نفس الازعاج
الاكستيرا اقل ازعاج منهم بحكم انسيابيه الزجاج الامامي.

نجي للاهم
الرانجلر راح يفلسك بسبب كثره الاكسسوارات المتوفره لك :tongue:
فيه مواقع مثل
http://www.quadratec.com/

ادخل و شوف الاكسسوارات اللي ما تخلص ابدا

بالتوفيق و عليك بالاستخاره

اخوي اعتقد انك وصلت لمرحلة نحتار فيها غالبا

اتبع عقلك ولا تتبع قلبك

ربما تكون هاوي الرانجلر

واعتقد 10 سنوات ماشاء الله كافيه حاول تجرب شركة ثانية

اخوي

الافضل لك ان تستاجر الجيب الرانجلر كم يوم
ومن واقع التجربه بتعرف ايش يكون ...وهل بترتاح له والا لا


عندنا بالسعوديه قليل إنتشاره بسبب اعطاله وايضا وكيله

ونصيحه.. لا تقفل على نفسك وتقيدها ب سياره واحده فلوسك معك
تخير وقارن ..وجميع الوكلات والمعارض مفتوحه ...والوقت معك

والله يوفقك

ههههه صراحة ردك تحطيم محترم :blue:،،،،

:smilie20:


:blue::blue:
صراحة أشكرك على نصيحتك وأقدرها جداً أخي ،، لي سؤال هل الرانجلر الذي كان معك إستخدام يومي ؟ وهل كنت تستخدمه للرمال والتفحيط مثلاً يعني هل إستخدامك له كان قاسي ؟

^^^
القير الاوتو اللي عليه 6 سرعات نفس حق الجالنجر يعني قير سيارة صالون او سيدان ما هو قير اوف رود

يعني الموتر فاشل بكلا الحالتين انا نصحتك وانت بكيفك ان شريته بتندم و بيعته صعبة ترى اللي عندي ما انباع الا بتثمين بسيارة اخرى
اذا انت مشكك بكلام اللي قالولك ابعد عنه انا انصحك تأجره مو اقل من 3 ايام بعدين قرر
والله يوفقك في اختيارك

يعني الأوتو يتحمل الطرق الوعرة والبر ؟؟؟

انا اللي كان عندي 2012 يعني المكينة الجديدة نفس ال2014 ما تغير شي و القير اللي كان عندي عادي وصارت فيه مشكلة على ال16500 كم و رحت الوكالة على اساس انه كفالة قالولي المشكلة في الكلتش و الكلتش ما تغطيه الكفالة ولازم تدفع مبلغ وقدره 170 دينار كويتي و بعد ما دفعت و طلعت الموتر من كراج الوكالة والا نفس مشكلة القير !!!
بعدها قالوا لازم القير كامل يتبدل !!! بعدها بعدها بعت الموتر لاني كرهته فوق عيوبه و نقصه وعدم راحته تطلع لي عيوب واعطال ميكانيكية!!! تصور والموتر ماشي 16000 فقط


ملاحظة الرانجلر ما فيه دف لوك عكس الافجي يكون قياسي بكل الموديلات

في شغلتين اذا ماعندك مشكله معاهم فالسياره في قمة الروعه
1- الكبوت ينفتح من الخارج بواسطه كلبسين على الرفارف (يعني اي شخص له نيه شينه بيلعب في الموتر لعب)
2-غطاء البنزين يفتح بمفتاح السياره (يعني في الصيف والمكيف شغال لازم تطفي السياره وتفتح الغطاء للتزود بالبنزين)
السياره جدا حلوه وممتعه ومميزاتها جيده

شكراً على الردود المثرية ويبدوا هناك سلبيات للرانجلر بشكل أساسي الوكيل والصيانة ، سؤالي بخصوص الموديل الجديد 2014 وعن الغيار اليدوي والآلي الأوتوماتيك ياحبذا توضيح لأني لا أثق بالأوتو خاصة للفور ويل والأوف رودر فما رأيكم بذالك،رغبتي بالرانجلر للمدينة وللريف ولأني قرأت في بعض المواقع الأمريكية أنه صار يحضى بقبول العائلات الأمريكية رغم أنه ليس بفخامة وأريحية السيارات الفاخرة ،، ملاحظة نسيت ذكرها أنا لست من المملكة ، أخوكم من ظفار ، مدينة صلالة / عمان ،،

نصيحة مجرب و مستعمل رانجلر و اف جي و جميني

ابعدددددددددددددددددددد عن الرانجلر لانه ما هو جيب!! هو بقي (دراجة نارية باربع عجلات) في الصيف من داخل يصير فرن حتى لو المكيف فل بسبب عدم وجود عازل في السقف ولا في الارضية - ممشاه يصيبك بمرض الديسك ! حتى وانت ماشي على حفرة صغيرة لا تتعدي ال20 سم تلقى الموتر يهتز بشكل مبالغ فيه وهذا غير صوت الهوا وقطع الغيار والوكيل الاسوأ و غير انه فيه نقص بالاساسيات .

نصيحة من اخ اذا انت تبي جيب من هالفئة الصخرية والجبلية و بنفس الوقت مريح وراسي في المدينة خذ الاف جي ولا تشاور موتر بمعنى الكلمة ركوبه و ممشاه بالنسبة للرانجلر تقول مايباخ

مثل ماقال اخوي هب الريح محد يفكر بالجيب الا اللي هاويه ودامه براسك خذه لانك بتندم لو ماخذته ودامك بتاخذه وكاله ماعليك بتكون مرتاح طول فترة الضمان وخلال هالفتره اكيد بتكون عارف كل شي عن السياره





صراحه السياره بطله لكن يعيبها قل انتشارها واشوف انها شبابيه بزياده


فيه عندك الكوماندر تراه ولد عمه :smile:
اعتقد انه يناسبك اكثر لكن عيبه انه اخر موديل له 2013 مدري 12

الي فهمت من كلامك انك تعمل في منطقه نائيه
واذا كان هذا صحيح فمالك ومال الرانجلر
الحين الناس بالمدن ومتوهقين بقطع الغيار والعتب مهب على السياره العتب علي الوكيل فقط
لكن انا ارشح لك
الاف جي او الاكستيرا اذا انت قصدك الاستخدام فقط
لكن لاصرت هاوي الرانجلر فلو تشري ماي باخ مهب ماليه عينك عن الرانجلر
فأنا اقول لك توكل على الله
والله يكتب لك الى فيه الخير

صنعت في أمريكا بإشراف و إدارة يابانيه
ترا السكويا و الأرمادا و تندرا و التيتان أيضاً صنعو في أمريكا
لكن ليست أمريكيه
مرسيدس لها مصنع بالهند هذا مو معناته هنديه
تويوتا لها مصنع باسودان هذا مو معناته سودانيه

و أنا جبت له تاهو Z71 مخصص للطرق الوعره
هذا الخيار للطرق الصخريه و تكون عائليه أمريكيه و معروفه بالإعتماديه و قطع الغيار
و أجيب نيسان و أقول أمريكيه

و يا مقلل من التاهو روح شوف قوته و وين مشى و وين طمر
التاهو إرفعه و راح يذهلك

اكستيرا مصنوعة 100% في أمريكا!
بعدين تاهو؟ هذا الي طلع معك؟
الرجال يقول لك طرق صخرية وطين وتقول له تاهو!!