السلام عليكم ورحمة الله وبركاته
انا قبل 6 شهور سويت توضيب لمكينة الماليبو 6 سلندر ولاحظت ضعف في العزم بعد التوضيب وطرحت مواضيع في هذا المنتدى الكريم بأعضائة الكرام عن السبب وما قصرو بنصيحتي الله يجعلها في ميزان اعمالهم
طبعا بعد التوضيب سويت لها فحص كمبيوتر علشان اعرف سبب ضعف العزم طبعا نتيجة الفحص كل شي سليم طبعا اكتشفت الان انه نصاب وما سوا شي وراح اذكر لكم السبب لاحقا
بعدها بشهر تقريبا اكتشفت تهريب زيت في تنفيس الهواء الي في غطيان الصبابات وتم استبدالها في الوكالة مع ضمان سنة وبعدها بشهرين عادت نفس المشكلة وقبل أسبوعين استبدلتها على الضمان مع عمل فحص المكينة في الوكالة وقالوا لي ضغط المكينة منخفض 125 و 130 طبعا مو متذكر ضغط كل سلندر بالترتيب لكن ضغطها بشكل عام كما ذكرتة والضغط الطبيعي 150 على حسب كلامهم المهم هذا الي اكد ان الي فحصها برى الوكالة نصاب وخذا فلوسي من غير ما يعطيني نتيجة
انا الحين في بالي سببين لانخفاض ضغط المكينة الأول اشك في دقة زنجير الصدر وخصوصا ان سرعة دوران المكينة بحدود 600 الى 700 والمفروض تكون بحدود 900 وهي واقفة طبعا مع ان ما فيها تفتفة
اما السبب الثاني الشنابر تحتاج تبديل طبعا اكيد راح تستغربون لان المكينة موضبة انا اقول لكم وش السبب والله العالم بعد التوضيب الميكانيكي نسى يستبدل طرمبة الزيت وكانت ضعيفة مما سبب خلل في المكينة مرة ثانية ورجعتها عليه وفك المكينة مرة ثانية ولقى الكرنك انعوج استبدله بكرنك مستعمل مع المخرطة ولقى ذراع بستن ايضا انعوج واستبله بمستعمل وبعدها سكر المكينة وغير طرمبة الزيت طبعا سألته عن البساتن والشنابر سليمة قالي نعم سليمة وما صار فيهم شي
المهم انا ابي خبرتكم في الموضوع واسف على الاطالة
