كيا سورينتو .. دفع رباعي مستمر .. هل تستحق الاقتناء ؟

الموضوع قديم بس عندي تعليق على الرد ¡
غريبه !!
واحد من العيال توه شاري واحد 2016 وسافر عليه ثلاث مرات الدمام القنفذة ويمدحه وفي احد السفرات ولده الصغير شبك الدبل وهو مادرى ومشا عليه من الرياض الى ظلم والدبل مشبوك ويمشي اكثر من 170 ولا صار فيه شي !!

^^^^^^^

!!!!!!!!!!!!!!!!!!!!!!!!!!!!!!!!!!!

الله يهديك الموضوع من 2013 !!!!!!!!!!!!!!!!!!!!!!

شكلك قاري الموضوع من جوجل وما انتبهت للتاريخ

تبي نصيحتي لاتاخذها دبل انا خذتها دبل 2016 سته سلندر وحياتك طلعتها الاحد ومشيت عليها حوالي 600 كيلو حتى الف ماوصلت إلا صوت الدبل طالع ويوم خذتها بالوكالة قالو لي الدبل والماطور يبي لهم تغير وقلت لهم كيف السياره ماوصلت الف كيلو قالو لازم نطلب لك قطع الغيار من بره لأنها مو متوفره بالسعوديه وماتجي إلا بعد ثلاث أسابيع وعلى ماتخلص يطلع لك 25 يوم
انا تندمت يوم خذت الدبل صراحة وقدمت عليهم شكوى بوزارة التجارة وقالو لازم يوفرون لك بديل على ماتخلص سياراتك
فأنا مجرد نصيحه مني لاتاخذ دبل ترى بتتعب ومستعد اوريك كم ماشيه السياره لاني صورتها يوم طلع لي صوت الطقطقه من ورى واخرتها الدبل طلع شابك على طول والحين اوريك الصوره عشان تقنع انه السياره ماعدت الخمسه آلاف وطق الدبل فيها [img]http://im51.gulfup.com/9KVZLL.jpg" alt="" loading="lazy" class="post-attachment">[/IMG]

عندك باجيرو او باجيرو سبورت




وعندك فورد اكسبدشن




وعندك شفروليت ترافيرس وتريلبليزر

أنا عندي سورينتو نص فل 2013 خذها ولا راح تندم طامرت فيها طعوس وسافرت فيها كل دول الخليج ما شاء الله عليها وعزمها ممتاز

السيارة حلوة ورائعة حجم متوسط ولاكن قد لايعتمد عليها الاعتماد الكلي في البر
وبخصوص سعر السيارة انا مثلك اشوفه مرتفع بالنسبة للكاش اما الاقساط عادي
وقد تجد اسعار مقاربه لها في السوق فثلا الشفورليه عندهم تلير بليزر اسعار حوالي 120 الف دبل والارتفاع اكثر من السرينتو
وايضا التويوتا الفورتشنر مايعادل 12700 الف
ولاكن النصيحة ان تاخذ قرض من البنك ان كنت تستطيع لان الفائدة سوف تكون قليلة
ولاكن يبقى القرار قرارك ان من يحدد احتياجاته

كيا كثير تعجبني بس على فكره اذا كنت من الدمام او الخبر انصحك تشوف وكالة البشراوي الا بلقطيف ترى موجود عندهم الموصفات اعلى من الا بلوكله فيه شاشه كبيره وتخشبه فوق الدركسون وستاره للابواب اذا مو ناسي سعرها 123 الف ونصيحه لا تفكر لا في شفر ولا جمس واذا تبي سياره للبر وحش مالك الا اليباني باجيرو لاندكروز برادو الخ..

وعليكم السلام

سيارة حلوة لكن لا تتوقع منها اداء قوي بالبر

انا من ملاك كيا موهافي
لان له معي اكثر من اربع سنوات
سيارة رائعة بكل المقايس
سوى البر
فان أدائها ضعيف ليس لضعف المحرك ولكن لنظام التعليق الذي لا يناسب البر
بنسبة لقطع الغيار الشوف كيا سعر قطع الغيار مناسب اما الوكيل مقارنة بالوكلاء الاخرين يعتبر ممتاز ولكن لا تعتمد على الضمان
موفق

وعليكم السلام ورحمه الله و بركاته

اخوي شي اكيد بتاخذ السياره اقساط راح يرتفع سعرها بشكل كبير هذا ينطبق على كل الوكالات

والسورينتو حلوه خاصه الفل منها و عندهم نظام حلو نوعا ما لكن لازم تدفع نص القيمه كاش و النص الثاني يسطونه عليه بهامش ربح 1% + التامين لمده 3 سنوات << حلو اذا الواحد مايقدر على الكاش و عنده مبلغ

المحرك نفسه هو حق السنتافي الجديده لكن بتقنيه AWD و السنتافي 4WD مع مواصفات اكثر

كل واحد يختلف تقديره للسياره و المبلغ الي تستحقه

انت هل تحس انها تستحق بهذي المواصفات الي توفرها لك مقارنه بالمبلغ الي راح تدفعه عليها الي هو 109600 وليس قيمه الاقصاد لانها فيها ارباح و تامين شامل ل5 سنوات بقيمه ثابته فاكيد مبالغ تحس انك ماراح تستفيد منها فوق قيمه السياره الاصليه يعني يمكن انت تفكر مبلغ
138000 كثيره و هذا صحيح لانه هذا المبلغ يجيب لك سيارات كثير و ممكن افضل مثل التاهو و فور اكسبدشن و غيرهم

لكن لو فرضنا التاهو بملغ 135000 كاش و بالاقساط بيطلع عليك 170000 مثلا و ترجه بنفس الدوامه
عشان كذا انت شوف المبلغ الاساسي للسياره و المبلغ المدفوع فوقها يعتبر تامين و ارباح للشركه

اذا تبي توفر وعندك نص قيمتها راح يكون افضل
و الافضل كمان استخراج قرض بنسبه حلوه و تشترها كاش راح تطلع لك اقل وانت تامن السياره بما يحلو لك

اسف على الاطاله و بالتوفيق ولا تنسى الاستخاره

تستحق من اي ناحيه حدد بالضبط
من تجربتي لموديلات كيا الجديده تحسنت من ناحيه المحركات و الجوده اصبحت اعلى من قبل
و اعرف واحد يملك السياره و موجود لدينا في المنتدى اسمه عاشق كيا اشوفه يطعس فيها هاليومين و ماشيه زي اللوز و يسافر فيها لدول الخليج ولا قد اشتكى منها