قناة السيارات
السلام عليكم
عندي جمس يوكون 1999 القير وضبته مرتين واحسن اني بوضبه مره ثالثه
المشكله لما ادعس خاصه اذا تعدى RPM 2 لما يجي يغير
كأنه يفضيه بعدين يعشق يعني يتاخر ثانيه1 تقريباَ وبعض الاحيان
يتأخر في التغيير كأنه يحشره شوي اتوقع كذا يحرق الكلتشات
هل المشكله تأخير من الكهرب ولا الحساسات ولا حراره وش الحل ؟؟
وشكراَ
افا يا شباب وين الردود !!
بإنتظار الردود
و عليكم السلام و رحمة الله
وضبته عند أي مركز؟
و إيش القطع الي غيرتها لما وضبت؟
أول شيء شوف الزيت إذا ناقص أو لا. و إذا مستواه مضبوط شوفه محترق أم لا يزال فيه لزوجة. إذا محترق فلازم كلتشات يعني توضيب.
الي ظاهر ما هي مشكلة حساسات.
المره الاولى اخذت القير على الشرط ما اتذكر من وين لكن جلس معي 3 الى 4 شهور تقريباً
المره الثانيه وضبته عند ورشه عاديه قبل 4 شهور تقريباً وكنت اقوله عن المشكله ويقول الكهرب مايوصل بشكل كامل والمشكله موجوده من وضبته الى الان لكن هذي الفتره اخف بكثير عن اول ما ادري اذا الجو له دخل ؟؟
بالنسبه للزيت ماينقص ولا يهرب ولونه احمر
هل الطنجره لها دخل ؟؟ لانها تعبانه شوي
ويعطيك العافيه عالرد
هذي المشكله في طرمبه الجير أو البودي بلف
نعم قد يكون الطنجرة لها دخل.
طرمبة القير مهمتها سحب الزيت إليها فقط و لكنه ليس قوة الضغط المطلوب , فهذه مهمة الطتجرة , و هي: مضاعفة الضغط.
اسأل عن واحد يفهم زين للقيرات الأوتوماتيك, ترا مو كل من يوضب يعني فاهم. أكثرهم متعود على روتين ثابت: كلتشات و طقم أوجه و فلتر و زيت, و يقول لك خبرتي 15 سنة في القيرات! و ما يدري عن وظائف الأجزاء الأخرى و كيف يصير إذا خربت.
حدد في أي مدينة؟ لعل الأخوة يساعدوك إن شاء الله.
انا في الرياض والله يعطيكم العافيه عالردود
رد مع اقتباس