تفريغ الدبات ارجوكم والله محتاج المشورة

ياخوي انا ماقلت اني معي موستنق شلبي وابي عزم زيادة
لاحظ اصوات راعين الهلكسات والدداسن مركبين مواصير وسدات غير اللحام اللي مو ميه بالميه يضبط
وانا بس بلغي اللي بالنص مو كل الدبات لان اعتقد في ثلاث
لان يطلع منها صوت سسسسسسسسسسسس زي كذا اذا صارت الدنيا برد يصير واضح الصوت بشكل كبير

صحيح كلام اخوي عبدالعزيز الماصورة افظل من ناحية العزم ﻻنها تخلي الكربون يخرج بشكل مستقيم واسرع مع مراعات حجم اﻻقزوز كم بوصة وﻻكن عيبها في الصوت واحتمال فك اللحام وكله على حسب نظافة الشغل

حياكم الله جميعا اخوتي الافاضل

نقاش بناء ومفيد بارك الله فيكم
أرجوا الا تنسوا موضوع حساسات الاكسيجين سواء فرغت الدبة او وضعت ماسور , هذه الملاحظة جديرة بالاهتمام والمعالجة .
تحياتي

اذا تبي عزم ركب ماصورة افضل للعزم من التفريغ وهاذي التجارب قدامك وانت حر وهذا مو موضوعي هذا موضوع ناقله لك
وبالنسبة للصوت فكلها تطلع صوت في حالة الغاء دبات التلوث

ياخوي انت عكستها
البيب او الماصورة هي اللي تسبب الصوت
التفريغ للي تحت الراكب يزيد الصوت بشكل طفيف
خالي مفرغ مافيه ذاك الفرق بين الصوت الاول والحالي الا للي يدقق
وبصراحه موتره صار مضبووط
ومن ناحية البواجي واسلاكها سبق وذكرت اني فاحص كمبيوتر ويدوي عند فلبينيين والاشياء اللي طلعت بواجي وحاجات اخرى وغيرتها ومافرق شي

انا مع كلام اخوي يوسف20 الله يجزاه خير صوت ال تر تر تر من الكويلات او البواجي غير مطابقه للسيارة او احد البخاخات عطلان او ما يوصله كهرب شيك عليها وعلى افياشها، وبالنسبة لي انا المتهم الاول والاخير في أي خراب بالسيارة فهو من الكتاوت اوالفيوز لازم تشيك عليها وتستبدل الكتاوت ببعض على ان تكون نفس الشكل والرقم المسجل عليها والامبير.
تفريغ دبات التلوث اكبر خطاء
ولو تنظف الدبات افضل واذا معزم تشيلها فتركيب مواصير بدالها افضل من تفريغ الدبات
وهذا موضوع آخر انقله لك بيفيدك ان شاء الله
إذا كنت تبحث عن العزم

ركب ماصوره بدال التلوث

أما التفريغ ينزل العزم

السبب دوران الهواء بشكل عشوائي داخل الدبه

تجربة احد المجلات


هذي تجربة في مجلة Import Tuner عن تفريغ دبة التلوث ، راح أعرض لكم التجربة ونبغى بعدين اي واحد سوى هالشي وش كانت نتايجه



هذي دبة الوكالة (ستوك) وجابت السيارة 104 حصان وعزم 92 رطل



هذي نفس الدبة بس بعد ما فرغوها ، نشوف ان السيارة نزلت أحصنتها وصارت 103 حصان وايضا نزل العزم وصار 92.1 رطل وايضا الصوت حق السيارة صار أعلى



في هذي التجربة شالوا الدبة بكبرها وحطو بدالها تست بايب والنتيجة ، زيادة في الأحصنة وصارت 105.4 حصان وزيادة العزم وصار 93.9 رطل



نتيجة التجربة ان تفريغ الدبات يسبب نزول العزم وزيادة الصوت فقط ، بالعربي الي يبي صوت يفرغ الدبات ، تبي عزم ركب لك تست بايب وفك نفسك




بالتوفيق

ياخوي فحصت كمبيوتر وسويت كل شي تحسنت بنسبة 30 %
وغيرت البواجي والكويلات سليمه هي اعتقد اسلاك بواجي ماتجي كويلات المهم انها سليمة


اخوي البلوف لوفي صوت طقطقه اعتقد
انا ماني شايل الدبه ابيه يقصها من فوق على طريقة u زي ماتقول هذا البسويه

انا اقصد ما انصحك تشيل الدبه وتحط ماصورة
لان صوت مزعج والحام اكثر
بينما التفريغ يشف في الدية على شكل u
ويفرغ ثم يرجع يلحم
وبخصوص وصفك للمشكلة بالتقطيع بالشكمان
كيف موضوع البلوف عندك

الله يسعد ايامك.. وصفك للمشكلة نصف الحل تر تر تر .. اظنها بسبب احد البواجي او الكويلات..

كذا حلو اجل
طيب ليه ماتنصحني خله يفك اللحام وش المشكلة

ياخوي انا الصرفية مو من السيارة الصرفية من رجلي لان عزمها طايح مرههه لو امشي عليها على عزمها وما اضغط عليها الصرف احسه كويس نوعا ما لكن احيان ادوس لها ارد نمر وهي اوتو من العزم الردي فاا اعتقد هذا اللي يخليها تشرب بانزين




جزاكم الله خير جميعا وحبيت اوضح نقطة ان الهواء اللي يطلع من الشكمان على شكل دفعات متتالية سريعة يعني تر تر تر تر والمكينة ماتتفتف عشان نقول منها

يارجال لو بتنظر البيئة انظرة من نظافة شوارعنا ماشاءالله
والحين عمال البلدية مسوين اضراب حتى في الحرميين
عشان تعرفوا انه ماهمهم الا مصلحتهم
وسو هذا الشي اسوة في ابتاء جلدتهم
وماهمهم الحرمين الله يا ،،،، اللهم آمين

^
^
:xyxthumbs:

لكن لو كل واحد فرغ دبة التلوث ,, البيئة بتتلوث .. واحنا نفكر لزماننا وزمن غيرنا
انا ركبتها من التشليح لأن الكربون ازعجني وارتحت

انا معي التيما
ومفرغ الصوت ما اختلف الا في حالة وحدة
اذا دعسة بنزين دعسة جامدة والصوت طربي ماهو مزعج
الصوت يطلع اذا شلت الدبة وركبت ماصورة
وانا بصراحة ما انصحك لانه راح يفك الحام وازعاج

اخوي السيارات تفرق
الامريكي عادة الحساس بجانب الدبة وعشان كذا تولع المبة
اما الياباني ماتولع وعلى حسب السيارة
لان الحساس قبل الدبة بمسافة ولاهو حولها

وعليكم السلام ورحمة الله وبركاته
ما انصحك بالتفريغ , جربته في كابرس 2009
لمبة المكينة ما تطفى.. والكربون اثناء التحمية مزعج..
والسيارة عزمها صار افضل , لكن الصرفية كأنها زادت شوية

الصرفية ربما لبسبب آخر .. مثل البواجي او الكويلات.

الله ييسر لك امورك

http://www.youtube.com/watch?v=5icTmYItwiE

هذا موضوع انقله لك من اخونا كبسولة الله يجزاه خير بيفيدك:
الحمد لله على كل حال و أوكد أنني

معكم دائماً متابع لكم حتى لو بالمشاهدة والخروج على عجل

اليوم راح أعطيكم طريقة تنظيف دبات التلوث وأعادتها

للحياة من جديد



أولاً الهدف منها هو تقليل أنبعاثات العادم السامة في الجو

ويوجد بداخلها مادة مخلوطة من معادن وعناصر رصاص

ومالتيك واشياء اخرى على شكل خليه نحل فتحات صغيرة

وعند مرور غازات العادم عليها تتفاعل مع خواصها

الكيميائية والفيزيائية وتقلل نسبة اضرارها يبيلها محاضرة

طويلة عريظة المهم أنه مع الزمن وكثرة استخدام السيارة

يتسبب بقايا الزيت وخليط البنزين ونواتج الاحتراق في

تسكير فتحاتها وتقليل عملها بالشكل المطلوب مما يسبب

تفتفه للسيارة وحرارة وظهور لمبة تشيك انجين وصرفية

بنزين وغيرها من المشاكل التي ثؤثر على عمل المركبة

لذا يضطر البعض لإلغائها وهذا مضر بالبيئة وبالمركبة

مما يسبب صرفية وقود بسبب لخبطة الكمبوتر وعدم

قراءة نواتج العادم بشكل صحيح

أو تغيرها بجديدة وهذا مكلف على صاحب السيارة لأن

سعرها غاااااااالي جداً يتجاوز 1500 ريال تقريباً

اليوم راح اوريكم كيفية فكها وتنظيفها واعادتها للسيارة

بعض السيارات تجي دبة التلوث ملحمة في مواصير

الشكمان زي كذا تحتاج لورشة كنداسات تفكها بالنار



او بهذا الشكل



تخلي العامل يقص من عند أطراف الللحام الواضح في

الدواير الحمراء وتفكها خارجاً

وبعض السيارات تجي لها مسامير ووجه من الطرفين

تفك بمفكات وتخرج خارجاً زي هذا



وهذه صورتها بعد فكها من السيارة تجي بهذا الشكل



وهذه المادة الي بداخلها لاحظ كيف مربعات صغيرة مع الوقت تنسد



الآن الطريقة نحضر سطل بلاستيك



ونحضر بخاخ ايسي ديلكو لتنظيف الكاربوريتور



ونحضر بنزين 95 بـ 5 ريال

أول شيئ نسكر الدبة من جهة واحدة فقط أما بقطعة لستك

كفرات قديم أو لصق شفاف أو شطرطون اي شيئ

ثم نقوم برش بخاخ الايسي ديلكو في داخل الدبة

لكي تذيب الزيوت وبواقي الاحتراق منها نرش علبة

علبيتين قد ماتقدر حتى تمتلئ من زيت البخاخ فل ونتركها

لمدة ساعتين أو 3 مع رجها كل فترة تسد جهة بيدك

وترجها رج حتى تتفكك الراواسب في الداخل

بعد 3 ساعات تخرج زيت البخاخ منها وتشطفها ببنزين

ثم تضعها في السطل مليان بنزين وتتركها لمدة يوم كامل

بعدها تخرجها وتنشفها من البنزين بلي هواء البنشري

وتعيدها للسيارة مرة ثانية وراح تلاحظ الفرق بعد تنظيفها

في ريحة الشكمان وقلة الصرفية وانخفاظ الحرارة

تنظيف الدبة تحتاج له السيارة كل 150 الف كيلو متر تقرياً

الطريقة مجربة على سيارات كثيرة أيام 1994 عندما

كنت استورد سيارات من امريكا فكانوا اغلب الورش ذلك

الوقت من العمالة السايبة والشريطية واصحاب المعارض

يغيرون الرديتر باكبر ويشيلون دبات الرصاص ورمي في

الزبايل الله يكرمكم اما انا فكنت اكتفي بتغير الرديتر فقط

وانظف الدبات بهذه الطريقة وكانوا يسالوني ليش سياراتك

مافيها ريحة كربون من الشكمان وحرارتها نازلة وصوتها

هادئ كنت اقول لهم سر المهنة وما اشتري الا نظيييييييف

هههههههههههههههههههه

لا أريد منكم غير الدعاء لوالدي ولكم جزيل الشكر

أخوكم / كبسولة 2