Azera 2013 vs Mazda6 2014

على فكره الي يعتقد عدم توفر القطع في المحلات ميزه فهو غلطان

انا اكلتها مع المجنا القطع في الوكاله فقط و نادر جدا جدا تحصل شي في المحلات

حتى فلتر الزيت اشتريه من الوكاله و اروح اغير الزيت لان الورش ماتجيبه

غير الحتكار يتحكم بالسعر و ضرب X ضرب في اسعار القطع عندهم لانهم يدرون تلف و تدور و راح ترجع لهم
و هذا اكبر عيب

من المفروض اذا الواحد راح يشتري سياره يشوف انتشارها + توفر القطع في المحلات و سهوله عمل الصيانه لها خارج الوكاله

هذي نصيحه من واحد مجرب القطع من الوكاله فقط

المازدا حلوه و قطع الاستهلاكيه سعرها كويس لكن لا يخرب عندك حاجه غير هنا الضربه (صاحبي عندهم زوم3 خرب مفتاح التحكم للمكيف تتوقع كم قيمته 2500 تقريبا )
و يعيبها وقت البيع تتعب ولا تجيب قيمه و الاغلب غير السعوديين الي راح يشترونها او يرغبون لها
الحق يقال كاتاريخ المازدا معروفه لكنها انظلمت هي و متسوبيشي

الازيرا سياره حلوه و عصريه و ممتعه خاصه الفل او على الاقل شاشه و بانوراما و صيانه منتشره في كل مكان تقريبا
في الاحساء اخبر عندهم 2 مركز صيانه

وقطع متوفره و رخيصه و هذي ميزه
وكلام زمن اول الكوري مافي جوده هذا امسكه و كاس ماء على وجها في هذا البرد و قوله اصحى يابابا الكوري تفوق على بعض السيارات تحت مسمى ياباني و ينافس الاوروبي وشكلو الصيني راح يعديه كمان

من الاخر السياره الفل امتع بكثير من من الستندر سواء مازدا ولا ازيرا و مقارنه صعبه الصراحه و الواحد يحتار و تعتمد على الشخص نفسه وميوله

والله يوفقك ان شاء الله في السياره الي اخترتها

__
____
______

انا اخوي اشترى تشارجر RT فل هاوس مكينة 8 سلندر
و سياره لا يعلى عليها صراحه و سعرها 118 الف في الوكاله
لون لؤلؤي جديد اللون على الدودج
و لكن اخوي لمن شراها وكان عليها عرض خيالي وكانت من نصيبه

آنآ خلآص , خلصت على آلموتر وبس بآقي التأمين وهالشغلات.

لكن برد على آقترآحك ..

حرآم آدفع 100 آلف , ف موتر ستآندر ومآ عليه موآصفآت ! > بآلنسبة لي يعني ..!

كل آلآمثلة آللي قلتهآ قيمتهآ وهي ستآندر مآ تقل عن 110 آلآف ..



* آلحمدلله مآ شريت آلسيآرة آلا بعد مآ قآرنت وقريت وعرفت آلموتر ,

وآخذته عن قنآعة تآمة =))

الصراحة في ميزانيتك هذي تقدر تشوف لك سيارات افخم برأيي و افضل من ناحية متعة القيادة
1- افالون
2- كيا كادينزا
3- فورد تورس
4- فورد إدج
5- تشارجر V6 RT نص فل
6- شيفروليه إمبالا LT و لو تزيدها شوي تاخذ LTZ

مازدا 6,, ينقصها محرك الستة سلندر 3.7 وبتآكل السوق <3

هذاك اول يا غالي ..

لكن من بعد طرح cx9 2007 المعادلة تغيرت 180 درجة ..

واصبحت السيارة تواكب السيارات الاوروبية من حيث الشكل والاداء ..

لكن مسآلة مقارنة ياباني بكوري .. معليش حدث العاقل بما يعقل ..

انصحك بالازيرا

المازدا سياره اجانب مع احترامي للجميع

الازيرا هيبتها ورزتها تكفيك

ناهيك عن سرعتها القصوي اللي تبلغ 250 او اكثر

وبالنهايه الكوري بدا يبدع بمعنى الكلمه

بس يبيلها محافظه وصدقني بتحس بل الاناقه

و عليكم السلام ورحمة الله وبركاته
نُقل الموضوع إلى القسم المناسب

فعلاً كما تفضل الأخ MR.WALEED قطع المازدا ليست غالية كما يتوهم البعض. من مجرب آخر لـ CX9 حتى و الله أسعارها معقولة جدًّا.
المازدا من القلائل التي بقيت تُصنع في بلدها. توكل على الله و فكر في المازدا. و استخير الله بعد ما تكون خلاص حطيتها في راسك تمامًا.

بالتوفيييييييييييييييييييييييييييق

الازيرا صحيح انها سته سلندر ولكن ضعيف ووزن السياره عالي المازدا 4 سلندر أقوى منها وانا امتلك المازدا وعندنا أزيرا موديل 2013 من ناحيه متعه السواقه والرسواه ومواصفات الأمان والقوة لصالح المازدا أما من ناحيه الفخامة من الداخل الازيرا تعطيك إحساس أنها افخم لأن تصميم المازدا رياضي وانا هنا لا أتكلم عم الجوده الي اشوفها بالمازدا أفضل واذا بتاخد ازيرا خد فل أو لا تاخد

ازيرا خذ فل كامل او لاتاخذ

الجودة عند المازدا
الازيرا تعيش معاك لكن يبغالها محافظة اكثر وتداوم على صيانتها

استخير قبل كل شي

طبعآ ي شبآب .. آلمآزدآ 6 2014 : (4 سلندرز , 2.5)

وعليكم السلام ورحمة الله وبركاته


فعلاً حيره لكن المازدا كتاريخ هي اعرق ولايوجد مقارنه انا لم استخدم اي منهم في الاونه الاخيره لكن المازدا كانت من ايام التسعينات الهجريه وهي تكد الخطوط وكانت بالممشي والسرعه لاتضاهيها اي سياره في ذلك الوقت على ضعف السيارات القديمه وخاصه اليابانيه ولم يوجد كوري بذلك الوقت وكانت ايصاً ناعمه مع الخط ولكنها شبه اندثرت بالتسعينات الميلاديه مادري ماهي الاسباب هل الوكيل ام لا لكن الان ضهرت بقوه جداً رقم وجود المنافسين واحتكار الوكيل لكن الاسم قديم والناس لايتجهون إلا لشي يقتنعون فيه من عدة نواحي اما الاسعار مافيه شي يمسك سعره لكن هي اتجاهات ولا يعني ذلك عدم جوده قد يكون العكس صحيح ومع هذا تجد طلب عليه بسبب كلام الناس وانتشار السياره وكذلك الامور المساعده الاخري مثل القطع والورش إلى اخره..

بالتوفيق..

والله انا اشوف المازدا احلى و احسن بدون اسباب


كذا بس :bigggrin:

وعليكم السلام ورحمة الله وبركاته


الصراحة المقارنة صعبه لا سيما ان الازيرا محركها اقوى 6 سلندر , صحيح ان ادائها ضعيف لكن تبقى مكينة اكبر واقوى يعني بالخط ترتاح نوعا ما .

المازدا6 سيارة جديده يعني شكلها بيعطيك 5 سنين والصراحة الجيل الجديد ممتاز من مواصفات وجودة وايضاً الشكل .

اذا تهمك المكينه توكل على الله وخذ الازيرا .

بالتوفيق