لخبراء ترهيم طرمبة الجمس ... رهمت طرمبة وخربت

ملحوظة رائعة تشكر عليها

ومنكم نستفيد

على فكرة كان معي كابرس 90 خليجي
خوش موتر

العفو اخوي
كلامك صحيح ولكن فيه بعض الشباب يستخف بالفيوز والكتاوت وهي المتهم الاول والاخير في أي خراب بالسيارة
وخذ عندك هذه القصة صارت لي في كابريس 90 ادق سلف السيارة تدق ولكن ما تشتغل وفحصت فيوز الطرمبة ولقيته سليم ما فيه أي حرق ولا أي اثر لخرابه
فقمت بتبديله وهنا المفاجأة اشتغلت السيارة وكان السبب الفيوز تقول لي محروق
لا ابد ما فيه أي خلل وفيه كثير من الشباب الي تغير طرمبات للبنزين وهي سليمه ويكون البلاء من فيوز او كتاوت
السيارات القديمه فيوز والسيارات الحديثة كتاوت

موفق اخوي
تحياتي للجميع

شكرا مجددا اخينا عبدالعزيز
ضحكتني بكلمة لا تبخل هههه
مجرد سؤال كان لا أكثر
اللي يصرف على السيارات بالآلاف بيهمه صرف 35 ريال
تحياتي لك
وشكرا للتواصل

الكتاوت مشكلته انه ما يبين خلله حتى لو تفحص بأفضل كمبيوتر ما يبين خلله لأنه مره يشبك ومره يفصل فتغييره سهل وغير مكلف وكلها 35 ريال قيمته ومنها تضمن انك تأكدت ان الكهرب واصل للطرمبة صح وما يفصل اذا احتر الكتاوت او خبط
فلا تبخل بتغييره.
بالتوفيق يالغالي

اولا اشكر الجميع على المرور والدوريات :ch19:
توافدكم تزيد من تألق الموضوع وتزيد الفائدة لنا جميعا

اخينا الحامي حياك الله كلامك سليم ولكن المزعج سعر الطرمبة المبالغ فيه حيث يتراوح السعر من 800 الى 1200 اضف اليها قيمة التركيب ونقصد هنا البحث عن بديل ناجح لي ولغيري الآن او مستقبلا

نعم كل مره انزل التانكي لابد يتم تنظيفه وهذه المره سوف اطلب منه تنظيف جميع المواسير ويشيك على الراجع والفلتر



حياك اخينا AGENT 64
بصراحة اللي مشتري الموتر وكالة اهنيه اذا كان محافظ عليه
موتر 100% انا معي الموتر ماشي اكثر من 440 ولاحظت قوته بشرط المحافظة عليه
4 سنوات لم اشتكي من الطرمبة الآن حابب اجرب فقط اخينا

حياك اخ عبدالعزيز
احد الكهربائيين نوه لي عن الكتاوت بس ما قال لازم اغيرها مع كل طرمبة

فهل فعلا يجب تغييرها او يفضل؟؟؟ وكم سعرها
وشكرا لك




يا كثر ما اشوف من مواتر جديدة والانوار الخلفية طافي منها اصطب كوامري وغيرها
توافيق
وايضا ناس كثيره تهمل
وناس كثيرة تجهل

وفقنا الله واياكم لكل خير

موفقين اعزائي :wavey:

صحيح المواتر حظوظ لكن أيضا ممكن يكون المشكلة من الـ user على قولة الوالد :tongue:
لكن مرو علي 3 موديلات مختلفة و ما واجهت هالشي

و اللي على نياته راح يتبهدل من عله لعله

و الله يبارك لك في حياتك

قبل لا تظلم الطرمبة وتخسر على الفاضي
يجب تغيير كتاوتها الي في علبة الفيوز حتى لو كانت سليمه

:xyxthumbs::xyxthumbs: و يكفي تغيير فلتر البنزين بأستمرار



المواتر حظوظ
في ناس ما تشتكي من شي
و في ناس من عله الى عله

الله يبارك لك في حلالك

أستغرب من اللي يشتكون من الطرمبه و مشاكلها بالجمس
رغم إن صار عندي سوبربان 2001 , دينالي 2004 , دينالي 2006

و إلى الآن ما اشتكيت من طرمبة البنزين أبد

الشي الوحيد اللي عانيت معاه دفرنش الدبل للدينالي
ما كنت أدري إنه مو مجهز للطعوس بشكل ثقيل

ولا السيارة وش زينها بنزين و زيت و قماشات و هي مثل الحلاوة

طرمبه شد بلدها جلست معك 4 سنوات طيب لو ركبت طرمبه مثل شد بلدها وتجلس معك 4 سنوات قادمه باذن الله اليس افضل من خسائر تجارب الترهيم الغير مؤكدة النجاح ..
امر مهم سوف يطول عمر طرمبه هو تنظيف تانكي البنزين تنظيف بمعنى انزاله من السياره وتنظيفه

حياك الله اخوي الكريم

لقد اخجلتنا بطيب معدنك وخلقك الراقي .
بارك الله فيك , وجزاك الله كل خير وكل الاخوة الاحبة الذين لا يبخلون بتجربتهم وخبرتهم ووقتهم في خدمة اخوانهم في كل مكان .
ملاحظة : افحص المضخة الوقود الجديدة قبل ان تشدها في التانكي للتاكد من سلامتها من العيوب
بالتوفيق

اخي فورمولا ون دائما تحرجنا بطيب أخلاقك وكرمك الكبير
ورشة السيارات من غيرك تغفل ويصير مكانها مطعم بخاري هههههه مع احترامي للجميع
((( مــــــــــزحة )))

شكرا لك الف بل مليون ومليار كمان:xyxthumbs:


اخي بيك اب تحياتي لك
شكرا على النصايح القيمة
وبالنسبة للتانكي اظنه مكلف
بالنسبة للطرمبة شد بلد بصراحة من شريت الموتر 4 سنوات ماشي عسل
المشكلة غفلت عن فلتر البنزين 3 سنوات وتعبت الطرمبة

احتمال اجرب طرمبة ولبرو كونها امريكية


تحياتي لك وللجميع

انا من رأيي تركب طرمبة شد بلد ولا تخلي التانكي
ينزل عن الربع نهائي

او إذا تقدر تغير التانكي مع الطرمبة و تركب حق موديل 2005 او 2006
لان المشكله انتهت مع هذي الموديلات

و تحتاج تغيير التانكي لان قاعدة الطرمبة تغيرت و صارت حديد
شفلك تانكي من التشليح

الله محييك اخوي الكريم

هذا واجب علي وانت تامر
ارجوا المعذرة فلم انتبه لهذا الخلل الفني < الظاهر ان كبر السن له حوبة وبدأت اعراض الشيخوخة عليّ >
على العموم فان مضخة ماركة دينسو ممتازة ولكن الاسعار تختلف بين ديرتنا وديرتكم , وعندنا لا يوجد الا تقليد صيني الصنع .
وكما تفضل الاخ الكريم < كومبو11 > جزاه الله خير حول نوع VXR اما بخصوص طرمبة ولبرو فلم يسبق لي استخدامها .
تحياتي

تحياتي الحارة لك أخي العزيز formula one
شكرا لك على تجاوبك الدائم والسباق معي ومع الغير

الرابط الموجود انا طرحته مسبقا :a1120(86):

ماذا تقصد بطرمبة دينسو الأصلية؟؟ بكم سعرها؟؟
لان دينسو سعرها ب 270 ريال
وطرمبة VXR ب550 ريال وهي اصلا دينسو فأيهما تقصد

وماذا عن طرمبة ولبرو الأمريكية؟؟؟

شكرا لك اخ كومبو11 على النصيحة
وكم سنة تتوقع عمر طرمبة VXR??


دمتم

ركب VXR وبتدعي لي