د
يكون شورت او منقطع
being shorted to ground.
اشكرك اخي الكريم على المتابعه وبارك المولى في جهودك.
وهذا تقريبا الي يصير معي, هنالك شي مو طبيعي في كهربا السياره له علاقه بخطوط الارضي او هنالك تماس في شي!!
امس واليوم على سبيل المثال ظهرت لي نفس الرساله وظهر بعدها رسالة تفقد الاطارات ورسالة مساعد الاصطفاف ومن ثم طفت جميع ساعات الطبلون (السرعه والبنزين والحراره والضوجان) لاقل من ثانيه ورجعت اشتغلت لوحدها (وهذا اول مره يصير معي)...
ناهيك عن تعطل ازرار فتح النوافذ في نفس الوقت.
وحتى الدواسات الي تنزل وترفع على فتح الابواب اصبحت تعلق!!!
اليوم في الصباح طلعت العمل وقلت اشغل مثبت السرعه وما اشتغل وطول الطرق وانا احاول وما اشتغل مثبت السرعه,,, وقبل لا اصل المدينة قلت اجرب مره ثانيه, وقهرني واشتغل مثبت السرعه طبيعي وكأنو مافي شي!!!
ما تقول غير راكبيها عفري كهربا السياره!!!
من شهرين او ثلاث وقبل لا افك وانظف الكيبل الارضي السالب الواصل في البطاريا, كان من ابرز الاعطال فصل المسجل لوحدو لثواني ويرجع يشتغل واحيانا المكيف...الان المسجل ما يفصل مثل اول, لكن الصوت يروح يسكت لوحدو احيانا, فاظغط زر كتم الصوت واعاود اضغظ كتم الصوت مره ثانيه فيرجع الصوت طبيعي. او اطفي المسجل واعاود اشغلو يرجع طبيعي...
اذا طلت هذي الاعراض او جزء منها اوقف (احياناً) واطفي السياره لدقيقه ومن ثم اعاود اشتغل قيرجع كل شي طبيعي وشغال ميه الميه.
وهذا شبه يومي يحدث معي مؤخرا.
واحترت في الحل وين القاه؟
فحص كمبيوتر عند الردادي ومافي شي!
مشيت لاكثر من كهربائي وما طلع بيدهم شي!
وانا بنفس صلاص مرات فتحت الكبوت واحاول القى شي في التوصيلات وانظف الي اشك بيه...الخ, وكا تغير عندي شي!
خويي يقول تكون السياره محسوده!
هل اخذها لشيخ يقرا عليها؟؟؟!!!
