سويت حادث ارجو من أصحاب الخببره بقطع الغيار

Khaledsa @user_269577 · 12-09-2013

أنا سيارتي تاهو 2012 قدر الله اني احك
بتريله على سرعة 140 تقريبا الظربه جت بالشمعه الأمامية
الرفرف والباب الراكب والرفوف ًوالصدام الخلفي
المهم السياره تمشي والأنظمة شغاله والصوت والحرارة
طبيعيه نزلته بــ الجميح قالي المهندس اذا مالك نيه تدفع حوالي 50000
وفر وقتك لا تتأخر على شان التقرير ايش افضل شي اسويه بهالحاله

الصـاعدي @user_292695 · 15-09-2013

واحد من الأخوان الله يعطيه العافية كتب موضوع عن تشاليخ الرياض و أرقامها
و هذا رابط الموضوع

http://www.assayyarat.com/forums/thread270991.html

إن شاء الله يوفر عليك الجهد و الوقت

cx9 2013 @user_295840 · 14-09-2013

الحمد لله على السلامة
مالك الا تفضي عمرك في وقت زي الاجازات في نهاية الاسبوع وتروح تدور
او توصي احد يدور لك .
والله يكون في عونك

Khaledsa @user_269577 صاحب الموضوع · 13-09-2013

الله يسلم من رد من كل شر
مشكورين على الرد والنصيحة
المشكله بالتشليح اني بعيد عن الرياض والمنطقة الموجود فيه
نادر جداً التشليح هل يمكن الشحن عن طريق بريد او اي طريقه ثانيه

إرستقراطي @user_294408 · 13-09-2013

افضل حل هو التشليح ولا غير التشليح
و أي ورشه تفي بالغرض
لأنك ماتحتاج الا تركيب بحالة انك حصلت قطع نفس لون موترك
او تركيب و رش بحالة انك لقيت لون آخر

ولو لقيت كل قطعك بالتشليح اتوقع ماتكلفك الشغله 7000 بالطااااااير يعني

عبدالعزيز 8 @user_231972 · 13-09-2013

اذا انت من الرياض روح تشليح الحائر
واشتري الابواب والرفرف بتلقاء نفس لون سيارتك
واتوقع كلها ما تكلفك اكثر من 5000 ريال
يعني فك وركب .
بالتوفيق

أبو ماجد البشري @user_109566 · 12-09-2013

الحمدلله على السلامه اولاً..
ثانياً لاتروح للوكاله لأنهم ماهم فاضين للسمكره ويجزرون جزر /ممكن تمر اكثر من ورشه محترمه وتشوف انا اعتقد 20000 الف راح يغطي واهم جزء بالسياره هو اللي خلف الباب الخلفي لأنه ثابت ولا تستطيع تبديله إذا انه ماتأثر كثيراً يتسمكر اما الباب والرفرف يتغير

انا وسيارتي @user_181125 · 12-09-2013

الحمد لله على سلامتك أخي الكريم وأسأل الله ان يعوضك خيرا

ينقل موضوعك لورشة السيارات وستجد من يفيد إن شاء الله