محتار بين اودي es 350 A6 ,

السلام عليكم الشباب ماقصرو

بس وش جاب اللكزس لـ الاودي

فرق الله يجزاك خير واكيد الافضل اودي والسبب بكل بساطة الماني ( يعني راحة بالخط راحة بالعزل + هيبة اكثر وفرق العلامة التجارية + تاريخ الشركة ) كلها لصالح الاودي

واذا انت لنت راعي سرعة وتفحيط ودق في السيارة ( مثل بعض هالناس يحط حرته بقروشة اللي دفعها بالموتر ويجلس يخرب فية ) هداهم الله

انصحك بالاودي حتى لو ٤ سلندر ( اللماني غير صدقني )

وفي الاخير الله يكتب لك اللي فية الخير ويرزقك ياكريم من واسع فضلة

هلا اخوي

اذا قارنا بين السيارة فيجب ان تكون تعرف أي نوع من الاودي A6 تريد لان الاودي جهزت الموديل A6 بحوالي 6 محركات ( هذا اذا ماخانتني الذاكرة )
فاذا كنت بتاخذ الطراز الاعلى فبالتاكيد النتيجة راح تكون لصالح الاودي ( محرك قوي مكون من 6 اسطوانات بقوة 310 احصنه دفع رباعي ناقل حركة مكون من 8 نسب )
اما اذا كنت راح تاخذ الطراز الاقل من هذه الفئة ( محرك مكون من 4 اسطوانات بسعة 2ليتر بقوة 177 حصان )
في هذه الحالة سوف يتم اختيار الكزس

ولكن لكي تستفيد من هذا الرد ....
سوف اقوم يا اخي باهمال جانب القوة والمحركات وذلك لاننا لن نستطيع المقارنة الا اذا تم اختيار المحرك ...

لذا سوف نبدأ الان :
المواصفات : انا اشوف ان الاودي اذا كانت فول اوبشين فهي افضل من الاودي
الشكل : انا اشوف الاودي ( وهذا يعتمد بالدرجة الاولى على الذوق الشخصي ومن وجهة نظري انا اشوف الاودي مع احترامي لجميع الاراء الاخرى )
الجودة : طبعا من صالح الاودي
جمال المقصورة : ال لكزس الجديده حلوه من الداخل ( افضل من الاودي )
قطع الغيار والصيانه : بالطبع ال لكزس
المحافظة على السعر : لكزس
متعة القيادة : الاودي
الاسم : الاودي

وهذا الاختيار متروك لك في النهاية
وانا لوكنت مكانك لقمت بشراء الاودي ( لاني لما اشتريها سوف انسى موضوع اعادة بيعها مرة اخرى لانها ماراح تجيب لي سعر بعدين اضافة الى انني لاتجعبني سوى قيادة السيارة الاوروبية والامريكية ( اذا كانت كاديلاك ) اما السيارات اليابانية فانا افضلها في سيارات الدفع الرباعي اكثر من سيارات الصالون )
بالتوفيق

شيل الجاكور من خياراتك
سياره مكلفه جداً وغير مرغوبه عندنا هنا

اذا حاب توسع خياراتك خذ عندك

الياباني عندك /

لكزس es
لكزس gs
انفنتي m56

الامريكي /

كليزلر c300

الالماني /

مرسيدس E
بي ام دبليو 5
اودي A6

هذي السيارات الموجوده في هذي الفئه
ولكن اسعارها تقريبا تبدا من 190 توصل ل 280 تقريبا

فيه غيرها ولكن ماذكرتها لني مانصح فيها

مثل الشركات الي ممكن تناسب سعرك

لينكون
كاديلك
كمان عندك الفورد تورس


اممممم يارب ماكون لخبطتك

حاول تتانا وتجرب كل سياره تعجبك
سبحان الله بعض السيارات اذا سقتها قلبك يتعلق فيها وتكره الباقي
فالتجربه اهم شي وكل الشركات توفر التست درايف


موفق يارب

صاحبي انصدم من تعاملهم معا
هو اصلن مجرب الجميح + ابو جميل + مازدا + سماكو
هو يقول كل شركه تكون ارقى يكون تعاملهم افضل مثلا ابو جميل التعامل في لكزس غير تايوتا
هو يقول عمره مامر عليا وكيل مثل سماكو .. يقول الموظفين مملين + برود عجيب فيهم لدرجه يرفع الضغط
يقول تحس الموظف مو عارف شي تحسه ضايع والمصيبه في التاخير في طلب القطع يقول لازم طلب وتنتظر
ويقول من الي صدمه انه طلبها واخذها من مكان والدفع في مكان ثاني [ تروحله بالسياره ]
هو طلع مناك مره معصب والنفسيه زفت كثير حوال ولكن الاساس تاخيرهم + برودهم وعدم الاهتمام
والاسعار تبع القطع غاليه [ وهذا شيء معروف مايحتاج ] السياره الي كانت معاه A8

قريبي ياطويل العمر الى اغراه لما دخل الوكاله وشاف الموتر والاغراء جاء لما قالوله صيانه مجانيه
فقال اشتريها صيانه مجانيه + تامين شامل وبكذا اريح راسي على الاخر ولا ادفع عليها ريال
فهو حبها من هذي الناحيه [ بالاضافه لـ انها اودي ]
كان يبغى 6 سلندر ولكن يقول سعرها غالي فلحسله مخه الموظف وقال الاداء في اودي غير
في الاخير قاله خذ 4 سلندر تست درايف واحكم
لما ساقها وجربها اقتنع في عزمها ويقول انه كويس ويجي زي المواتر الثانيه الي 6 سلندر
[ ضد كلامه انا 4 سلندر ماش وحنه ]
بعد ماستلم سيارته بعد انتظار كم شهر عجبت اخوه مره فراح طق له مثلها
وكلهم الثنين راضين فيها وعاجبتهم حيل
ولكن والله اقولها لك ولهم اذا بتاخذ A6 خذها فل كامل كل المواصفات وقوه وكلو كذا تستمتع
اما الفئه الي اقل من 200 الي 4 سلندر مع احترامي والله ماتسوا لا قوه ولا مكينه

بخصوص الكزس بعتها ياطويل العمر ب 167 وهي قاطعه 8 الف
سعرها في الوكاله ب 197 الف

ولكن بعتها قبل فتره بسيطه وقت عروض رمضان
+
السياره اندقت من الخلف انفك كم كلبس من الصدام وانحكت وانكسر الاسطب العاكس الصغير
وانعطف الرفرف الداخي جوه السياره [ الصدمه خفيفه وماتكلف كثير تعديلها ] بعتها بشكلها بدون تعديل

واي استفسار انا حاضر
موفق يارب

قصدك xf؟
انا ما اعرف عن جاكور بروح الوكاله بستفسر عن اسعارهم اذا فتحو بعد العيد بس الي اعرفه قطعها غالية

فكر جاكوارfj6 سلندر ممتازة وكيلها الناغي انا مجربه خدمه فوق ممتاز

انا غاسل يدي من الامريكي والكوري من بعد تجربه وكانت التجربه سيىه جداااا

يعطيك العافية اخوي وشكرا على الرد
في واحد اعرفه يمدح في ساماكو ومرتاح عنده q7 ويقول. الوكيل ممتاز ولا يتاخر ممكن اعرف انطباع قريبك عن السياره الي خذها؟ انا اتوقع عجبته عشان كذا اخوه فك له وحده مثلها. وابغى اعرف ليه صاحبك انصدم من الوكيل؟؟
كم نسية الخساره لما بعت اللكزس ؟.
وشكرا

Gs 250 ماتسوى ولو اخذها راح يكرها بعد فتره بسيطه
السبب /
ضعيفه + افتقارها للمواصفات


صح دفع خلفي بس وش الفايده لا مواصفات ولا قوه
الرجال ماراح يشتري السياره عشان اسمها لكزس
لا يبغى مواصفات وادا مرضي كحد اقصى


اذا فكرت في Gs خذ cc كحد اقصى
مع العلم بينها وبين DD فرق كبير في المواصفات
ولكن الي يشفعلها قوه الاداء 350

والله أنا أشوف كلام اخوي عاشق تويوتا منطقي

صراحة ES اغبى سيارة في لكزس وفوق كذا دفع أمامي

اذا عاجبتك ومرتاح لإعتمادية لكزس وصيانتها خذ GS حتى لو بمواصفات أقل من ES

نفس وجهة النظر اتفق معه بكل حرف
اذا خياراتك محصورة في هالسيارتين خذ اللكزس

موفق

اودي احسن مافيهاa8وبس
انصحك تنسي خيارين هذه
ارشحلك سيارتين قيمتها حول٢٠٠ الف
لكزسGsقيمتها٢٢٠ الف
او لاندكروزرجي اكس ارv8 وارد اليحي ٢٠٧ فل كامل بشاشه٢١٢ الف
انا فضل لاندكروزر عده اسباب صالون رسمي امان اكثر من سيدان سفر بر شباب هيبه ماتمل منه خاصه٢٠١٣ بيج فاتح من داخل
شوري عليك حطه من خيارات شوارعنا حفر مطبات سيول الله يستر

خذ GS حجم 250 اشوفها افضل من خياراتك المطروحة

على الاقل دفع خلفي مواصفات وان كانت قليلة لاكن افضل من ES و اودي

بما انك قارنت السيارين هذي واضح ان ميزانيتك ٢٠٠ الف

الاودي ياتاخذها كامل المواصفات ولا خلها

قريبي طلعها ب ١٨٥ كان عليها عرض واخوه بعدها طلعها ولكن وصلت ١٩٥ اعتقد
المواتر الي معاهم اقصد اودي اي ٦
عاجبتهم واخذوها عن قناعه ولكن انا كوجهه نظر اكبر خطا

الموتر ٤ سلندر واعتقد ان ماخاب ضني هذي الفئه سحب امامي
هذا غير افتقارها للمواصفات
لا قوه ولا مواصفات

فيه البعض بيرد يقول الاودي تعطيك ادا اعلا من الارقام و و. و و
لكن انا ضد هذا الكلام اذا بتاخذ الموتر خذه كامل المواصفات

وانا من الناس الي اكره الاودي كذا من ربك ماحبها

ولكن سيارات جمباره وشركه عريقه مايختلف عليها اثنين

نجي للمهم
يعيبها وكيلها وربي واحد من اصحابي زار الصيانه مره وحده وخرج مصدوم ويسب ويلعن
يقول لا تعامل ولا سرعه ولا ولا ولا
حط في بالك الاودي وكيلها سماكو خايس وسمعته معروفه مايحتاج

مالي تجربه شخصيه ولكن الي حوليني مجربين

ميزتها شكلها رزه في الخط وهيبه فقط لا غير [ اقصد الفئه الي تحت ٢٠٠ الف ]


//


نجي ل es امتلكتها مده ٦ شهور تقريبا اقصد ٢٠١٣ اخذتها فل كامل وكاله ع يدي
السياره حلوه فخمه ومن جميع النواحي ولكن [ السياره ماتنفع للشباب وهذا خطاي في اقتنائها ]
تنفع ل رجال كبير متزوج وعنده اطفال ولا يهتم بالاداء الرياضي و و و
احس السياره تنفع للناس الهادين والرايقه + النساء + الكبار في السن

السياره عيبها سحب امامي + ابو جميل ملغي بعض المواصفات منها مثل
الرادار التشغيل عن بعد النقطه العميا الخروج عن مسار مادري نسيت شي ولا لا

وكيلها كلمه رائع قليله فيه تعامل وسرعه و و و


//


اذا مقتنع في السيارتين هذي قناعه تامه اقولك خذ es
وكيل افضل سياره اعتماديه و من جميع النواحي

//

ال es بعتها ولكن جلست معايه تقريبا ٦ شهور
واي استفسار عنها ابشر حاضر وتحت امرك


يارب افدتك موفق يارب