تاهوو جديد ولا لاند كروزر مستعمل؟

أعتقد أن التاهو هو أفضل خيار , أما من ناحية الجودة فقد حصل التاهو على أفضل ترتيب من ناحية الجودة

أما إذا كنت ترغب في القوة والشكل الداخلي والخارجي أنتظر 2014 لان الشكل الداخلي والديكور والمحرك تغير تغيير جذري في 2014

وانتبه من آراء المتعصبيين

وحط في بالك الدفع الرباعي (دبل) حذار من الدفع الخلفي لأن السيارة ثقيله وقد تحتاج الدبل في أي لحظه

التاهو الخيار الافضل وهو في حدود ميزانيتك

استغرب من بعض الاخوة انه الشخص محتار بين سيارتين فيروحون يزيدون حيرته اكثر ويعطونه خيارات اكثر
الاخ قال تاهو او لاندكروزر .... ليش نشعب الموضوع ؟؟ تحياتي

عموما اخي الكريم اشور عليك تاخذ التاهو ال تى زد وكالة وان كان مستعمل يكون من طرف شخص تعرفه معرفه شخصية
ولا تاخذ مستعمل من مصدر مجهول
والاستخارة اهم شي

أذا كان الشكل مايهمك [ لأن التاهو 2014 سيكون شكل جديد كلياً ] :)

فأنصحك في التاهو جديد , و الله يبارك لك و يوفقك في السيارة الطيبة

^^^
مشاركة الاخ فيكتورياوي تكفيك
ابعد عن التويوتا اخوي .. اسعار غاليه على قلة سنع ومواصفات

وانتبه لا تضللك اراء المتعصبين

كان عندي يوكن 2011 وبعته وأخذت لاندكروز 2012 وتندمنت أشد الندم إني بعت اليوكن وذلك للأسباب التالية:

1. إفتقدت الراحة والرساوة على الخطوط.
2. إفتقدت العزم لأن اللاند يحن وهو في مكانه ما يمشي مثل ممشى اليوكن والتاهو عزم طايح. (طبعاً هذا الأمر ما يشعر به إلا اللي جرب اليوكن والتاهو.
3. أفتقدت المواصفات وخصوصاً مواصفات الأمان.
وسلبيات كثيرة في اللاند لا يسع المقام لذكرها الآن. سعر خيالي ما أدري على أيش.

وعليكم السلام

أنصحك بالسيكويا كخيار أول للجديد
أو اللاند إذا كان 8 سلندر بس احرص على النظيف أو لا تشتري مستعمل

الجديد ثم الجديد ثم الجديد .. والتاهو تراه موتر مؤ بسيط

والراحة فيه أكثر والمحرك مؤ بسيط .. وسعر أعاده البيــع

بعد الإستعمال ممتاز جداً وأسئل أهل المعارض .. ولكـــن

التاهو إحتمال كبير السنة القادمة يتغير شكله .. لذلــك

أنصحك حالياً بشراء لاند مستعمل نظيف وتبيعه إذا كــان

ما ناسبـك .. وتشتري بقيمته تاهو الجديد العام القادم

ولكن خوفي يزيد سعر التاهو بشكل كبير وتتوهق هههه

الله يوفقك .

لو قلت تاهو جديد ولاند جديد بعد
حقولك خذ تاهو
ولو الشكل الخارجي مايهمك يكون شبابي .. خذ الاكسبديشن افضل منهم كلهم

التويوتا اسعارها مرتفعه وابو جميل لاعب في حسبتها

اذا رح تستخدم سنوات طويله انصجك بالتاهو لأنه جديد
اما اذا بتبيع بعد فتره فالاند كروزر افضل لأنه رح يمسك سعره

150 ألف ماراح تجيبلك لاندكروز نظيف
فأرى أن التاهو أفضل جديد على يدك

شوف السكويا ومدام معك هذا المبلغ حرامتاخذ فيه سياره. مستعمله

عندك عدة خيارات البرادو والسكويا والفورد اكسبدشن والتاهو نص فل
وفيه عروض في رمضان من الوكلاء والاسعار هذي في حدود المبلغ اللي معك
ولاتنسى الاستخاره وبالتوفيق مقدما

انصحك بالجديد , بس ليش مافكرت بالسيكويا ؟!