اول شي مبارك علينا وعليكم الشهر وكل عام وانتم الى الله اقرب :smile:
طبعا كتبت هذا الموضوع ويحمل خلاصة تجربتي مع سيارتي كيا سيراتو
نبدأ بقصة شرائها ...
طبعا كنت في اخر سنة ثانوية وكانت معاي لومينا ال اس 2003 :tongue:
طبعا انتم عارفين اللومينا وخراباتها خاصة انها 2003 يعني بدت تخبط ...
قررت بعد نقاش مع الوالد نبيع اللومينا وناخذ سيارة وكالة ومن هنا لين الوظيفة تخدمني :smile:
طبعا بعنا الومينا تشليح للاسف ...والحمدلله على كل حال قدر ومكتوب :)
وهنا بدت الحيرة ... وش اخذ ؟؟ :confused1:"طبعا الوالد محددلي انها تكون متوسطة الحجم من طقة الكوريلا والمازدا 3 وهالسيارت
طبعا ما خليت احد امون عليه ما استشرتة واخذت سيارته والفلف فيها :)
اغلبيتهم نصحوني بالكوريلا ثم اليارس بشكل عام تويوتا ... من ناحية جودة وثقة وقطع غيار او بغيت تشاليح ... الخ , طبعا بعد تجربة الثنتين ما عجبتني في شي غلط فيهم فكنسلتهم ...
وفي الطقة اللي طايحين عالهيونداي بشكل عام نصحوني بالالنترا واذا ما قدرت اكسنت ... طبعا صادف احد اخوياي فاك النترا 2012 فل كامل بصمة ... طبعا بعد ما كثرت طلب اخذتها منه وجربتها ... طبعا استغربت منها صراحة او نقدر نقول ما توقعت سيارة من هيونداي بالمستوى هذا "اول سيارة اقودها منها" ! صراحة لاحظت قوة في السيارة وعزم وقيادتها ممتعه وراسية وجربت اسرع فيها وكان عزل الهواء كويس بالنسبة للسيارات اللي بمستواها لكن بأمانه المكيف شويييية لك عليه ... هنا عرفت اني جاهل بالسيارات للاسف ... مدري صراحة هل السبب ان اول سيارة لي امريكية واقربائي كلهم تويوتا لاسف ...
هنا اخذت وقفه ... وسويت اعادة برمجه لفكري بعد تجربة سيارة من هيونداي اللي كنت ما اعطيها بال بسبب كلام اللي حولي ...
وبديت اطلع واقرا واشوف ريفيوهات ... طبعا طحت في كيا صراحة ... :)
اعجبتني ... خاصتا كنت اشوفها دايما في الشوارع "كادينزا , اوبتما الفل ام جنوط :tongue:" وداخليتهم دائما حلوة ... هادية على عكس هيونداي غريبة شوي "... وطبعا اكتشفت انها بنفس مستوى هيونداي من ناحية قوة الميكينة ومتعة القيادة واللمسات العصرية في السيارة من اكسسوارات ...وشغلات كثيرة
طبعا بعد مشاورة مع الوالد واخواني والصحبة قررت كيا سيراتو :)
وراحنا انا والوالد وجربها الوالد واقتنع فيها ... وتوكلنا على الله واخذنا فل كامل 2012
طبعا الان كملت سنتين الا ...
وكانت طول الفترة هذي ماشاء الله تبارك الله ... سواء في مدينة او في خطوط سريعة ومترت بها ربوع بلادي :bigggrin:
من الدمام لمكة لين طفشت "1600 كلم" ..
وبعض الاحيان اطلع بها الطائف من مكة ... :)
وغير ان في مناسبات اسافر فيها بالسيارة مع الوالد ... الزبدة كارفينها :tongue:
طبعا الحمد لله رب العالمين ما كانت سيارة ورش :smile:
والان بعد قطع المسافة هذي :
مثل ماهي الحمدلله لا تهردقت ولا شي ولا عمرة صارلي فيها عطل قوي ... ان كان بس صيانة في الوكالة وخلاص او تغيير قماشات ... فيها جودة تغير نظرتك عالسيارات الكورية بأمانه ..
طبعا مافي شي كامل , الكمال لله سبحانه وتعالى ..
فيها شي واحد اللي هو المكيف لك عليه صراحة ولو تقارنه بالهوندا سيفيك مثلا او المازدا تلاحظ فرق في التبريد , يعني ما يبرد زين في الظهر :rolleyes1:
ومن الان اقولها ... الي يبي سيراتو لا يتردد والله ما راح يندم ... واقولها بأمانه
من افضل السيارات في فئتها ... وحط في بالك عبارة , لا تحكم عالشي لين تجربة واللي يقول كوري اسأل ابوك عن السيارات اليابانية اول ما انتشرت في التسعينات وكيف كانت ردت فعلهم يوم كانوا طايحين فالامريكي ...
والسلام عليكم ورحمة الله وبركاته :xyxwave:
