مقآرنه بين الموآتر العآئليه

حسب موقعك فإنه
الدينالي يمشيك قرابة 600 كلم
السيكويا يمشيك قرابة 550 كلم

بعد تفنيد ردك السابق فإنه تستخلص أنك أخطئت في معلومتين أن تانكي السيكويا أصغر وأن صرفية السيكويا دبل اليوكن , والخطأ الأساسي أنك تقارن مكينة السيكويا باليوكن العادي

ياحبي لك

تدري ان تانكي الدينالي نفس تانكي اليوكن ؟

يعني مو مشكله نمشي على كلامك

6.2 لتر + 400 حصان وعزم 417

افضل من صرفيه 5.7 لتر واقل احصنه 381 واقل عزم 401

واقل تانكي برضه :smilie16:

فما بالك لو كان التانكي اكبر .. ياليوكن اكس ال , الدينالي اكس ال , السوبربان

احسب حساب +900 كيلو وفوق بالسفر ( من تجربه )

لاحظ المقارنه هذي

http://www.fueleconomy.gov/feg/Find.do?action=sbs&id=32483&id=32482&id=33263

السكويا 7.1 ميل /
اليوكن العادي 5.9 ميل /
اليوكن الدينالي 6.7 ميل /

التاهو خارج المنافسة لأن تعليقه الخلفي (دفرنس) وهذا يقلل الراحة

الاكسيبديشن أريح

السيكويا أقوى ويمتلك مرونة وخاصة عند المديور (اليوتيرن) أو اللفات الصغيرة

السيكويا سافرت به من الرياض إلى صلالة كان شغال من الساعة 4 العصر إلى الساعة 2 الظهر من اليوم التالي
على سائقين بالتناوب ,بـ 7 ركاب وطفل وكنا نجر مقطورة والسرعة 150-160 كلم

ممكن تطلع على تجربتي في التوقيع

لا تقارن صرفية اليوكن العادي بالسيكويا لأن فرق القوة والعزم كبير لكن قارنها بالدينالي
فالسيكويا أقرب قوة للدينالي من قوة باليوكن العادي
الأحصنة / 381 للسيكويا - 403 للدينالي - 320 لليوكن العادي
العزم / 401 للسيكويا - 417 للدينالي - 335 لليوكن العادي
تانكي اليوكن 98 لتر تانكي السيكويا 100 لتر

الصرفية للسيكويا 500 كلم تقريبًا اليوكن 600-650 كلم كيف دبل الصرفية ؟

صرفية الدينالي 14 ميل لكل لتر في المدينة / 18 ميل لكل لتر في السفر
صرفية السيكويا 13 ميل لكل لتر في المدينة / 18 ميل لكل لتر في السفر

الجمس اخذ افضل اقل صرفيه بين منافسيه

لو تاخذ السكويا .. احسب حساب الصرفيه دبل الجمس

+ تانكي اصغر بالسكويا !

يعني بالسفر كل محطه توقف تعبي

والسكويا برضه داخليته كلها بلاستيك مقوى .. والديكور لاطقيته تسمع صدى

والمكيف ممتاز بالجمس .. اول ماتشغله مايبرد زين .. لكن اصبر عليه شوي اقل من دقيقه يبرد صح

خصوصا لاصار له فوق 10 دقايق مشغل المكيف .. احيانا ارفع درجه الحراره من تبريده

السكويا افضل حاول انك تجربه و تحكم

و عليكم السلام و الرحمة

أنا أملك سوبربان 2012 و كلامي عن تجربة أول شي المكيف ما يبرد
يمكن عشاني متعود عالياباني من قبله عاد مكيفات الياباني عز

ثاني شي السماعات ولد عمتي عنده كورلا 2013 سماعاته أحسن (مجربها )

الموتر حق عوائل سواقته مملة شي طبيعي لهذي الفئة يعني ما ينعاب

العزل بتسمع صوت الهواء بعد 120 ماراح تهتم اذا منت راعي سرعات

الموتر راسي على السرعات العالية و عزمه مرضي رغم ان السكويا أداءه أفضل لكن ماراح تهتم اذا سواقتك رايقه

كجودة و اعتمادية ما اقدر أفيدك لن الموتر توه ماشي 26 ألف لكن صرفية البنزين عالية جدا جدا

الداخلية فخمة و تصميمها رايق بس لو تدقق بتشوف الفراغات في التركيب شي طبيعي بالامريكي و تحس برخص المواد الي أغلبها بلاستيك حتى الطاره كان عليها زي المعدن لونه فضي تحسبه ألومنيوم تلمسه تلقاه بلاستيك الازرار كلها بلاستيك رخيص

اذا ما يهمك الشكل أنصحك بالسكويا

لو أرجع بالزمن أخلي الوالد ياخذ سكويا بداله

مايبيلها كلام التاهو سيارعريقه وللعائله هى الأولى وكذالك اليوكن ,مع احترامي للجميع ,

^

خويي معاه واحد 2011 ماشي 100 الف حاليا

اغشم سائق عرفته حتى الان .. وبالطعوس لاتركب معه .. يرقى نفود ويطلع ع النفود من الجهه الثانيه والموتر يتفتف

ماعمره قالي انه اشتكى .. لكن الشهاده لله محافظ على صيانات الوكالات

والموتر ماشاء الله كانه جديد .. وانا املك سييرا 2011 نفس الشي

كرف ولا قال شي ماشاء الله .. الله يقولك الامريكي خرابات .. ماعنده سالفه شعبي دوت كوم ..

بس عيب التاهو شيء

انشهد انه شيء محيرني

في ناس تقول لي خربات ومدري ويش

وفي ناس يقولون طرب وعز ومنن هل كلام

وانا اشهد ان التاهو داخليتها كلام ومن برا شكل ختفشاري

بس الي ابي اعرفه من ناس مجربين التاهو هو من الاخيير

هل هو راعي خربات ؟؟

وخاصه ان رجلي حاره

مثل ماقالو الاخوان كل السيارات اللي ذكرتها فيها الخير و البركه
وكلها اعتماديه ومريحه
انا افضل
التاهو
وبعدين السيكويا و بعدهم الاكسبيدشن
وبالتوفيق

عليكم السلام و الرحمة

انا انصحك في التاهو .. :)

و على فكرة ، كل السيارات الي ذكرتها فيها الخير و البركة

لا تنسى الاستخارة و الله يوفقك فيها و يبارك فيها