اكسنت فل كامل 2014 ........ وارد الاردن

السلام عليكم

الاخوان ماقصور

مشكلة جوهرية هي ان محركات وارد الاردن وسوريا والعراق تعتمد على بنزين يحتوى على الرصاص والسيارات المخصصة للسعودية على بنزين خالي من الرصاص وهذا راح يسببلك مشاكل فنية وريحة قوية داخل السيارة بسبب سوء احتراق البنزين وغالباً لن يشملها الضمان لانها ليست خليجية ومواصفاتها التقنية تختلف

م انصحك فيها

بخصوص الجودة ك قطع

مستحيل يكون جودة مختلفة لو دولة متطورة وفيها حماية مستهلك و دولة من دول العالم الثالث ممكن فيه فروقات لكن احنا و الاردن في الهوا سوا يعني من غير المنطقي المصنع يبيع لكل دولة جودة
ثانيا ايش معنى ما تكون الاردني اكثر جودة ؟

السبب الرئيسي وكلائنا و سياسة الاحتكار وكثرة الطلب معروفة تزيد الاسعار

لكن شوف وقارن القطع مثل الرديتر بسيارتين اذا زي بعض استخير و توكل

بخصوص الضمان اسال ما راح تخسر شي و الافضل سؤال اكثر من موظف ونادر الاعطال اللي تصيب المكينة

اصحاب المعارض بالنسبة لي ما اخذ منهم كلام
في الاخير مهو كل شي رخيص معناه سيء ممكن يكون هذا سعرها الحقيقي و اللي عندنا هو الغالي

انا سافرت للاردن كثير
وسيارات هونداي منتشره عندهم بشكل كبير خصوصا ً الألنترا ولها اسم ثاني هناك
يسمونها ( أفانتي )
وتلقاها بموديلات قديمه من منتصف التسعينات الى 2013
وكلها نظيفه وماشيه احسن من اللي عندنا

ولكـن فيه اشياء لازم تتحرى عنها وتشوف هل هي موجوده بالسياره اللي انت بتاخذ او لا

اولا ً : الريديتر و المروحه ..هل الريديتر بنفس حجم ريديتر وارد الوكالات هنا
لانه لو كان اصغر لا تاخذها ..وذلك لان الاجواء البارده عندهم نوعا ً ما ماتحتاج نظام تبريد نفس نظامنا

والمروحه ايضا ً لازم تشوف هي نفس الحجم او لا وهل فيها سرعتين او لا

وثالث شي فيه برمجه يركبونه هناك يتحكم بصرف البنزين ويجعلها اقتصاديه جدا ً
ولكن هذا له ضريبه وهو العزم الرديء
و اذكر ركبت مع واحد اردني بألنترا و حنا طالعين على طلـعه بنص الطلعه طفت بنا السياره
قلت له ليش كذا .. قال هذي برمجه عشان ماتصرف السياره بنزين


عموما ً ..لو تبي تريح راسك خذ سياره وارد خليجي فقط
لان وارد امريكا و اوروبا مواصفاته ماتساعدك بالخليج

اتكلم هنا عن نظام تبريد المحرك + التكييف + جودة الديكور الداخلي ومدى احتماله لحرارة الشمس + الكفرات احتمال تجي مخصصه للاجواء البارده

و اخيرا ً الله يرزقك بأطيب ماعنده

حتى الناغي جاب فتره في الوكاله النترا وراد تركيا تفرق في لون الداخليه
رمادي بدل البيج ويضمنها

السلام عليكم ,

كنت ادور على انترا 2013 اصفار , المهم رحت لمعارض الشفاء

وادور وادور لقيت سعودي راعي معرض , قعدت اسولف انا وياه وناخذ ونعطي

المهم قالي وآرد الاردن , انا اشتريه برخص الترآب لكن مافيه اي جوده وانا مسؤول عن كلامي ومايهمني


يقول مفروض ماأقولك هذا الكلام , لاني صاحب معرض وعندي بضاعه وراد الاردن

ووارد الوكالات ( مجدوعي - ناغي - وعلان )

وانا اكسب في الخليجي " وارد الاردن " اكثر من كسبي لباقي السيارات بمبلغ مضاعف بعد


يقولي ابعد كل البعد عنهآ نصيحه


وهذا كلامه لي والله يشهد علي ماقلت لك كذا الا لاني ابيك لك الخير

ولا كان م تعنيت وكتبت لك !

وشكراا وانت بكيفك

الضمان يدخلها وسالت اكثر من فرع صيانة للوعلان يقولون تدفع ٢٠٠ ريال نغير لك زيت ونفتح دفتر تشييك وضمان والله اكبر يا الوكالة الي بتقولك نفضل وبتغير كل شي


كل الوكالات بيقولون سوء استخدام


لكن هل فيها عيوب هل فيها مشاكل
يقولون البنزين يختلف مدري وشو لحسو مخي


هل تحس فيها عيوب اخوي ؟

والله يا الغالي ..
انا معاك .. وارد الاردن .. يجيك مواصفات خيالية و اسعار حلوه .. لكن ملعوب فيها وما عليها ضمان ..

و عشان تقتنع خذ رقم الهيكل و روح الوعلان و اسألة .. على طول يجاوبك لا ما عليها ضمان ..


يعني يخرب عليك أي شي في السياره تدفع فلوسة ... حتى لو انة المكينة ولا القير ..