بيع اليوكن بعد يومين من شراءه !!

اخوه خويك انلعب عليه دام اليوكن اللي شراه مخمل وبدون شاشه هذا ما ستعدا ال135 الف ريال بدون دبل واذا بدبل زيد 10 الاف ريال فقط

الموضوع فيه مشكله كبيره او خويك صرف لك سعر من راسه وقالك شرا اليوكن ب175 الف ريال

لا يهمني الماضي أنا أتكلم عن الحاضر فقط , وقد تتغير المعايير مستقبلًا وتكون الفلكسواجن هي الأكثر مبيعًا

عالمياً لاتزال التويوتا الاكثر مبيعاً .. لكن ليست كما كانت منذ سنوات مثلاً

تويوتا تعتبر من افضل السيارات تمسك سعرها وسيارات الواحد يعتمد عليها من ناحيه الاعتماديه العاليه
ولكن موصفات صفرررررررر عنك الافالون سعرها مرره غاليه ومافيها مميزات نهائيا
والنقطه الثانيه الامان يأخوان احنا مضلومين بالاصل مافي سياره تدخل السعوديه الا بوجود هذي الانظمه
خصتا الي سعرها يتعدا 60 او السبعين مافي مشكله ولي هي vsa-abs-trc وارباقات ماتقل عن 4

تحديد الاحتياجات هي أفضل وأسهل طريقة للاختيار

احيان استغرب من بعض الناس بتقلب اراءهم !!
انا اعرف واحد اخذ جيب جي اكس ار او مدري جي اكس .. وجلس معه اسبوع و باعه !!
وكان عذره ان مافيه تكييف خلفي .. ثم اخذ يوكن وجلس معه شهر
ثم باعه قال مايصلح حق بر وهو ماعمره طب البر لا بالجيوب ولا بالجموس !!

ثم اشترى جي اكس ار 6 سلندر فل كامل فيه كل شي
ثم باعه بعد كم اسبوع وعذره انه ثقيل وماينفع السته سلندر !!!

طبعا ً شوفوا الخسارة اللي خسرها خلال شهرين ..وكله بسبب مزاج وكلام ناس
وانا ارى ان اللي زي هذا امعه ..لانه ما اشترى السياره بقناعه ولكن اشتراها من اجل كلام ناس




اما بالنسبة للأسعار .. فالناس و تفكيرهم وثقافتهم هي من تتحكم بالاسعار !!

واحد من اخوياي معه جيب ربع 2006 شد بلد بـدي ومحركات
اشتراه وكاله بـ 94 الف اذا ما انا واهم

و قبل فتره يسام منه بـ 89 ورافض يبيع يقول انه يجيب اكثر !!!
وهو ماشي فوق 400 الف + له 8 سنين وهو يكرف !!

بينما واحد ثاني من العيال كان معه ربع 2011 اخذه بـ حدود 115,000 وباعه بعد سنتين من الاستخدام اذا ماني واهم بـ 90 الف او قريب من هالقيمه !!

ياخي لعب بالفلوس .. والناس في رمضان محتاجه !!! ,, ناس مب محصله شي تاكلة ,,:c0038::c0038: حرام ياخي والله حرام !!



قال تعالى: (وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُوراً) [الإسراء:29].


وقوله عز وجل: (وَلا تُبَذِّرْ تَبْذِيراً إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُوراً) [الإسراء: 26-27].


وكذلك قوله جل وعلا: (وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَاماً) [الفرقان:67].

عارف .. الكل له حريه التعبير

لكن لاتحكم على تجربتك ان الباقي مثلك او السوق كله مثل بيعتك هذي !

مستحيل .. شخصيا اعرف لك واحد شرا شاص 2009 اول مانزل

باعه بعد كم شهر بخساره 11 الف .. مامشى الا 20 الف

حاسس الموضوع غسيل اموال

ولا مافيه عاقل يتصرف كما تصرف خويك

الله يخلف عليه وغلطته الوحيده أنه باع الاند
به احد يبيع جيب ويشري سيارة suv!!
ثمة فرق كبييييييييييييييييييييييير بين الجيوب عموما وسيارت suv

انت بكل رد لازم تقول هالكلام ؟

يعني من كلامك ذا خلاص تويوتا هو الافضل عند البيع ؟ :bigggrin:

غلطان .. الموتر النظيف اللي يمسك سعره فقط لاغير

على وقت نزول تاهو 2012 بعنا تاهو 2011 نظيف .. ماشي 85 الف

ب 138 الف وقيمه شراءه ب 140 الف

وجيب الربع سعره بالقصيم ماهو مثل سعره بالمناطق الغربيه و و الخ !

أبداً ما قصدت هذا بارك الله فيك .. وعلى فكرة لم أمتلك سيارة اوروبية حتى اللحظة :smile:

فقط أنظر من حولي فأجد الكثيرين يتوقفون عند قرار إختيار السيارة لتبدأ المقارنات ولتجده يميل لسيارة بعينها (بخلاف ماتعود على شراءه) لأن لغة الارقام تقول له أنه الخيار المنطقي .. لكنه وفي النهاية تجده يتراجع ويرضخ لضغوط مجتمعية وعبارات استهجان مكررة ....
- والله كل يوم وانت في ورشة
- اقول .. ترى بتطيح في حلقك
- من جدك إنت!! تبغى تصير فار تجارب :bigggrin:
- يارجال شي عارفينه ومجربينه وش يوديك لغيره
وخذ من هالعبارات ... ليش نروح بعيد... شوف اخونا صاحب الموضوع
الحقيقة شي مؤسف ومحبط .. !!

ابغى أختم كلامي بسؤال ... هل مثل هذي العبارات والتي تسجن الكثيرين في قائمة ضيقة
هل تستند على حقيقة ؟؟

تجربة 20 سنة في السيارات أكدت لي إنها أوهام
وسلامتك ومن يقرأ