اليوم رحت المعارض ..... وبعدها توجهت للوعلان واليكم القصه
السلام عليكم ورحمه الله وبركاتة
اتمنا احبني الكرام ان الجميع بصحه وعافه
مواضيعي السابقة كنت اتكلم عن نيتي شراء الاسطورة اكسنت وسالتكم عن الخليجي
عموما
من قبل اسبوعين حصلت في احد معارض الرياض سيارات اكسنت خليجية حسب قوله
بالمواصفات الي كنت ارغب فيها ولم اجدها في بعض المعارض
موديل 2014 _جنوط16 _ فتحة _ مكينة 1600 _ تخشيبة على الدركسون _ شاشة فيها gps لكن ما ادري شفيه ما يشتغل وبعض السيارات الي شفتها ما فيها مجرد شاشة عرض _ تكايه بين السائق والراكب <<< حتى هذي ما حصلتها بكثير من المعارض بالنسبة للمواصفات الخليجية _ عدد 2 ريموت مدمج مع المفتاح فيه زر الفتح وزر للقفل و زر لفتح الشنطة <<<< حتى هذي زر للشنطة ما حصلتها في بعض المعارض _ كاميرا خلفية _ عموما السيارة حقيقا جميع المواصفات موجوده فيها وقيمتها (( 51)) الف كاش
وسبق ان استفسرت بالمنتدى وافادوني بعض الاخوان الكرام اني اخذ رقم الهيكل واروح للوعلان
وفعلا اليوم اخذت رقم الهيكل وتوجهت للوعلان فرع خريص ورحت لواحد اسمه ( نجم ) هندي اعتقد
ودخل بالجهاز وقال بالحرف الواحد (((( هذي ما عليها ضمان لان تاريخ البيع غير موجود والسيارة جايه من العراق))))
استغربت كيف جايه من العراق ؟؟؟؟
قلت طيب ما فيه طريقة لو ادفع فلوس ويشملها الضمان قال لاااااا
وطلعت من عنده
والسؤال حبايب قلبي
هل اخذها واتوكل على الله خاصة ان السيارة جديده ولا يكون فيها عيوب غالبا
او المبلغ الي بدفعها عليه اشوف سيارة اخرى من نوع اخر مستعملة
ما استغني عن مشورتكم لا هنتو
واسف على الاطالة
