رأيكم في : فورد فليكس

bo3mad @user_273590 Banned · 16-05-2013

السلام عليكم ورحمة الله وبركاتة ,

وبعد ...

اخواني أبغى رايكم بخصوص الفلكس ستاندر لسائق المنزل ,

هل هي سياره عمليه ؟؟ وهل الوكيل يوفر قطع غيارها وهل صيانتها سهله أو لا ؟؟

مالعيوب الشائعه للسياره علمآ بأن عدد الركاب مع السائق لايتجاوز ال 7 مع أسوا الأوقات .. فهل هذه السياره هي الاختيار المناسب أم يوجد خيارات أفضل منها ..

بوعماد .~

Hisham-ksa @user_291186 · 22-05-2013

والله السيارة ممتازة عند خالي في الطايف طبعا مع السواق السيارة و نص فل جلد ٢٠١١
ممتازة و صيانتها سهله
مكينة +قير =تورس و اكسبلورر و ايدج
مشتركه في القطع المكينيكية

انصحك فيها بقوة و بالتوفيق لك

bo3mad @user_273590 Banned صاحب الموضوع · 16-05-2013

يعطيكم العافيه أولا , وردودكم حمستني للسيارهه ..

ننتظر رأي بقية الاعضاء .

SHERLOCK H @user_279998 · 16-05-2013

#

الفليكس هو الافضل حاليا بحكم شكله الحديث
والعروض الي عليه

وقوة مكينته واتساعه للركاب , حتى شنطته
كبيرة

واعرف واحد كان معه سواق معطيه فان
دائم يصدم فيها

يوم شراله فليكس تحسنت سواقته
وماواجه مشكلة مع طول السيارة
يمكن الحساسات لعبت دور , ما ادري

بالتوفيق

آبن راعيها @user_289140 · 16-05-2013

حياك الله اخوي ابو عماد

السيارة ممتازة جدا وعملية جدا ومناسبه للسائق المتدرب يعني عنده خبرة بالقيادة وليست لسائق تحت التدريب او قيادته سيئه

بالنسبة لعدد الركاب تنفع للعديد القليل 5 الى 7 ركاب عشان تكون مريحة وطبعا مايحتاج اكلمك عن راحة السيارة لآن السيارة امريكيه

والامريكي معروف بالراحة , اما بالنسبة لقطع الغيار فـ هي ولله الحمد متوفرة لكن في بعض المرات يطلبونها لك اذا خلصت من عندهم

اما بالنسبه لسؤال الصيانه مافهمت عليك كيف سهل او صعب .؟ اذا قصدك عن صيانة الوكيل فـ هي ممتازة ولكن زحمه بالنسبة لفرعنا

واذا عن سهله يعني انك تقدر توديها اي ورشه فـ تطمن تقدر تاخذها اي ورشه ولكن افضل لك الصيانه او على الاقل قطع الغيار تجيبها

من الوكيل

اما عيوب السيارة فـ بنظري انا او بعتقادي

هي الطول السيارة طويلة شويتين عشان كذا قلت لك في البدايه ماتنفع الا للسائق الجيد

ماقدرت اكشف عيب اخر لآني ما طولت عليها وسلمتها السواق بسرعة

خيارات بديلة وافضل بكثير

عندك GMC SAVANA

السيارة ممتازة وواسعة وتشيل 7 ركاب مع السائق والراكب الامامي و 2 على الارض ^^ يعني 9 ركاب

والخيار الافضل و الارخص

HYUNDIA H1

السيارة ممتازة واغلب الناس تشتريها للسواق لكن للأسف ماعمري جربتها

هذا والله اعلم

وموفق اخي الكريم