السلام عليكم
الموضوع وما فيه اني اشتريت سيارة مستعملة من الحراج بالاحساء كورولا 2005 اتوماتيك 1.8
وشوفت الماكينه عاملة 164500 كيلو فقط والجير كويس وجربت السيارة وعجبتني بس البودي بتاعها محتاج دهان
المهم دفعت الفلوس للبائع وهو هندي وبيقول انه راجع بلده مسافر اجازة طويله علشان كده بيبعها
سبت السيارة في المعرض وبعد يومين رحت استلمتها و خليت زميل لي يسوقها لانه افضل مني في الخبرة وكان عنده كورولا في مصر وقالي السيارة ممتازة وسحبها ممتاز
وتاني يوم اخدتها انا للتجربة علي طريق سريع ومشيت سرعة 160 وجربت افردريف ودوست بيها وتمام السيارة معنديش مشكلة رجعت بطلت السيارة وبصيت علي المياه لقتها قليله وعلي الزيت لقيت لونه ابيض قليلا شكيت في الموضوع وبعد انتهاء الدوام جيت اركب السارة واشغل حسيت ان الكهرباء قطعت ادوس مفتاح مرتين المارش مايشتغل و بعدين اشتغلت ومشيت اتغديت في البيت ورجعت اركب السيارة لقيت لمبة الزيت نورت وقفت بسرعة اشوف مقاس الزيت لقيت لون الزيت طحينه يعني خلط مياه معاه
روحت بسرعة علي بنشر قريب غيرت الزيت قالي مخلوط بالماء ولازم ميكانيكي ولمبة الزيت منورة روحت لميكانيكي قريب قلي وش مكينه وتوضيب وروح الصناعية افضل وارخص
روحت البيت وانا زعلان لسه ما فرحت بالسيارة وتجيب ماكينه او وش ماكينه ----الحمد لله علي كل شيئ
الصباح روحت الصناعيه حوالي 40 كيلو ولمبه الزيت منورة بس لم ازيد السرعة عن 100 ولفات الموتور عن 2000 لفة وذهبت لمركز خدمه قالي نفك الماكينه وفلوس كتير
ذهبت لورشه تاني قالي نفك ونشوف ممكن وجه ماكينه وممكن ماكينه كامل
ذهبت لفحص بالكمبيوتر قالي حساس vvt خربان ولازم تفك الماكينه وكلام كتير
الظهر اذن ذهبت للصلاه ودعيت الله ثم خرجت وعدت للعمل وقلت بكرة اوديها تتفك ونعمل التوضيب
رجعت ال 40 كيلو لقيت اللمبة طفيت والحرارة عليت عن النص شويه وقفت وزوده مياه للريدياتير وكملت مشواري واللمبه طفيه والحرارة تمام
رحت مشوار تاني وتالت وكل حاجه حلوة بس السرعة ما ازيد عن 100 علشان خايف تحصل حاجه واللفات ما ماتعدي 2500 مفيش اي مشكله وتاني يوم برضه مفيش مشكلة غير ان مياه الردياتير بتقل شويه لكن الزيت كويس واللمبه طافيه وصوت الماكينه كويس
اعمل ايه اسكت علي كده واحمد الله او برضه احمد الله واكمل الفحوصات
معلش حكيت بالتفاصيل وطولت عليكم
